Tunhnai transfer ah chuan Manchester City hi boruak nei ber pawl an ni ngei awm e. Mahse kumdang ang lo takin tun nipui transfer chu a tir lamah an reh viau a, mahse an khar dawn meuh chuan a hausak ren rual loh Sheikh Mansour an a thiltihtheihna a rawn pholang leh ta. Man City hian tranfer khar niah player thar 5 lai lutin a hmain 1 an lo lakluh tawh nen 6 an la lalut ta a ni.An player thar te hi mamawh chhanna an ni thei em?I lo thlir ang hmiang. Ngaihdan hrang hrang a awm thei a,hei hi chu Man City fans lam thlirna a nih avangin,ka/kan tiin a neitu chan changin ka lo hmuh ve dan tawi te te in kan share teh ang che u.

 Maicon : Inter Milan atanga an lei Maicon  hi chu hrelo kan awm awm lo e. Khawvel right back ah chuan a top te zing a mi a ni ngei ang, £3 man niin a experience ngaihtuah chuan rin ai a tlawm ka ti khawp mai. Tar lam hnaih tawh mahse a that ngai in a la tha reng awm e. Maicon hi Man City hian kan mamawh em? tiin kan pu hian min rawn ta se chuan, kei hi chuan mamawh lo tiin ka chhang ngei ang. Right back ah hi chuan EPL ah na na na hi chuan a neitha ber pawl kan ni ve awm e. Micah Richards leh Zabaleta te an awm a, season liamta ah pawh match tin deuhthaw-ah hian a lut tur zawk hi chiang  har khawpin an khel tha dun thin a nih kha. Micah Richards hi inhliamlai te ni rih mahse rei vak lovah  chuan a rawn inlan leh thuai turah ka beisei.

Scott Sinclair : Swansea lam atanga  £6.2 a an lei hi ala naupangin talent chu a nei tha khawp mai. Mahse  kan pu(Mancini) hian a lo hmutai teh daih hi mak ka ti ve khawp mai, amaherawh chu kan winger te James Milner and co. te ho han  thlir hi chuan a rawn inlan ngun lovang tih pawh hi a sawi theih bik miah loh a nia.Ka player duh ni thin Adam Johnson an hralh tak hnu phei hi chuan winger laktlak ve tak hi kan mamawh ve khawp mai.Kan pu formatian hman zeuh zeuh thin 4-2-3-1/-3-5-2 ah te hian a tangkai ngei ka lo ring tawp mai a, heipawh hi kan pu te hian min rawn dawn se chuan  ka inngaihtuah rei viau ka ring. A man a to vak chuang lo a, subtitute tur a tan chuan a tha viau e ti tawh mai ang.

Richard Wright : England leh Arsenal Goalkeeper  hlui kum 34 a upa hi free transfer in an lalut a, ka beisei erawh a sang tehchiam lo. Tar a lamah 3rd Keeper tur a ni deuh nghal tawp mai. Kan pu hi a in ngaihtuah thui mah mah em aw ka ti deuh a,mahse min champion puitu a ni bawk si. Pu Richard Wright a advice hi kan chhawr dawn a ni mahna,haha. Reserve lama theihtawp chhuah a lo dive ve vak vak ho te ka tawrhpui khawp mai. A experience tlem a zawng thai lang ve reng reng teh ang,kum 2001 ah Arsenal zawmin, West Ham, Southampton leh Sheffield Unite tan pawh goal a lo veng ve tawh thin a,a career  ah hian 467match lai goal a veng ve tawh a  ni.

Javi Garcia : Benfica midfielder kum 25 mi hi transfer hun tawp dawn tak meuhah an lei a ni a,£16 in an lei a, defenfive role lam a chang a,nikum lamah Yaya Toure awm loh a hriat em avangin Midfield lam an in duhthawh ta deuh niin a lang. Spanish mi a nih vang hian ball thiam turah ka dah ve tawp a, kan thatpui ngei ka beisei.Gareth Barry,Yaya Toure,Rodwell te nen a lailum chan an inchuh dawn chu a ni a,Barry inhliam lai a nih avangin,Rodwell nen kan inhmuhchhawk rih a rinawm.

Ka han thai zo ve thei ta hram a,rin aiin kan lei tlawm hlawm phian mai,enge in comment ve le,in player tharah te in lungawi ve em???nizan lam chu muthilh a har ngei mai,hehe.