Krismas boruak ah United an chetha chhunzawm zel a, season tir lama khelhna hmun chang phalo Berbatov goal thum, Park Ji Sung leh Valencia hmangin Wigan an sawp a ni.
United in bul an tan tha!
Inkhel tan atanga minute sarih lekah Vidic inhliam vanga Captain Evra in nalh taka a lakluh hnua a cross chu Park Ji-Sung in goal ah a lo chantir a. United lamin ball possession pawh an ngah khawp mai. Wigan vanduaina belhchah turin an striker Conor Sammon in Michael Carrick a nghawk deuh avangin red card a hmu a. Referee Dowd hian a thuthlukna siam nawn leh se chuan red card em chu a pek a rinawmloh, tihsual vanga red card pe anihloh chuan a hmu sual ve hle a ni ang. United lamin an tam zawk hmang tangkaiin sir a hnawl tawh Berbatov chuan goal dang a thun belh leh a. First half ah goal dang a luh belh tawh lo.
Berbatov in a thiam a la theihngilh lo!
Second half tan atanga rei lo te ah tunlai a chetha tak Al Habsi in Park Ji Sung head a lo dang a, mahse minute 58 ah Berbatov a rawn langa, Valencia ball pass chu nalh taka vir puiin goal mawi tak a thun a, al Habsi tan dang chi a ni lo. United in goal dang thun tumin an nawr zel a, Michael Carrick ball pass chu Antonio Vanlencia in tha taka lo dawngin Al Habsi tana dang rualin kawh takin goal ah a shot goal a. United in goal dang thun belh leh ngei tumin Berbatov leh Hernandez awm tawh bakah Rooney leh Macheda te an rawn luhtir a. Minute 76 naah Park Ji Sung chu Alcaraz in penalty area (pawnah?) chhungah a ti tluk avangin penalty a hlawh chhuak a, chu penalty chu Berbatov an hattrick siam nan lo hmangin Man Utd chu 5-0 in a chakpui ta a ni.
Match Statistics
Engnge kan ngaihdan le?
*Lindegaard hi a luh chhun hian a khelhchhiat ngailoh avang hian De Gea dinhmun hi a derthawng thei angem?
*Referee khan red card pe lo ta se, result hi a dang thei angem?
*Rooney hi chu Man Utd rinrawl a ni tih hai rual a ni lo, Berbatov rawn chetha chho hian Hernandez dinhmun a tichhia angem?
*Valencia hian he inkhelh hma hian match 3 ah assist vawi nga a nei a, he match ah hian goal khat leh assist a nei leh bawk a. Ashley Young ai hian luh a phu zawk hrim hrim em? Ashley Young ai khan Sneijder kha la zawk se Champions League atang hian an tla kher angem?
Good post. enge kan ngaihdan le tih phei hi chu a bengvarthlak khawp mai
Berbatov hi sawisel thin mahse ka la duh reng tho
Hernandez or Berbatov hi cu January thla thlir leh chi niin ka hria, a chhan chu Hernandez hi kuminah inhliam deuh reng mah se goal a thun tlem vak chuang lo, b’tov erawh hi chuan tum khata thun vak a ching; Abak khì chu ‘aw’ vek..
Good Post…. Ngaihdan khi han sawi ngaihna vak ka hre der lo. Kan chak chiang thei lutuk hian min ti hul tlat..
Engnge kan ngaihdan le?
* Valencia hi Fantasy PL lamah a lak luh chi mai lo maw?
A va nuam em………..
Berbatov 2nd goal class zia kha..
Nuam e..city la draw jui..champ tr ciang tran e..kmtwpah Glory2 man united tih kan sa leh ngei dawn e