Man Utd Midfielder Thar kum 18 mi Nick Powell!!

Manchester United chuan Crewe Alexandra midfielder Nick Powell chu kum li chhung contract an ziahpui thu an puang ta.

He midfielder beiseiawm zet mai hian medical a paltlang tawh a, kum li chhung contract, 1st July 2012 a intan turah an inrem a ni tih Red Devils te chuan puang a ni. Powell man zat hi puanzar a ni lo a, undisclosed fee a ni. Heti chung hian chanchinbu thenkhatte chuan Utd hian £ 3 million an pe phawt anga, chuan a khelhdan azirin £ 6 million thleng an pe dawn niin an sawi a  ni.

Sir Alex Ferguson chuan ManUtd.com ah tihian sawiin, “Nick hi thla tam tak chhung kan enthla reng tawh a, talent danglam leh beiseiawm tak mai a ni a, tin, Crewe ah hian zirtirna tha tak tak a dawng bawk a ni.” a ti a, ” United a lo kal a thlang hi ka lawm hle a, thil tam tak kan tan a ti thei dawn a, keini lam pawhin thawhho kan chak tawh hle a ni.” a ti bawk.

Kum 18 mi Powell chuan a “Dream Move” a siam thei hi a lawm hle a, season thar a nghakhlel tawh hle bawk a, ti hian a sawi a ni, “Manchester United tana ka khel tawh tur hi mumang lo thleng dik ang zet a ni. Crewe ah kum 13 chhung hun hlimawm tak ka hmang a, hma ka sawnna turin thil tam tak min zirtir a, an chungah ka lawm tak zet a ni.”

“Sir Alex-a leh squad a world-class player te bula hmasawn tura ka inzir zel tur hian min tiphur hle a ni. Han ngaihtuah ringawt pawh hian season thar a Premier League ah ka insawn chho dawn a ni tih hriat hian ka tan chuan beisei tur a tam hle a, tan vat vat ka chak tawh a ni.” a ti a ni.

Manchester United hian he rawlthar la tur hian Premier League club tam tak an hneh a, chung zinga langsar zual chu Everton, Arsenal leh Chelsea te an ni.

Crewe Alexandra tan League Two ah a kheltha thei hle a, season hmasa khan league game 38 ah goal 14 a thun a, a kaisanpui nghe nghe a ni.

Nick Powell hi tun nipuia United in mithar an lakluh pahnihna tur a ni a, Shinji Kagawa chu rawn insawn tura inremsiampui a ni tawh bawk a ni.

Tunge Nick Powell chu…???

Name: Nick Powell
Position: Midfielder/striker
Date of Birth: 23/03/1994
Former Club: Crewe Alexandra (64 appearances, 16 goals)
Club Honours: 2011/12 League Two Playoff winner
International Honours: 2010 Victory Shield (England U16s)

Tun season ah League Two Play-off final inkhel tan atanga minute 15 ah, box pawnah ball control a, rang taka inher nghal a half-volley nalh em em mai tu Nick Powell hi kum nga anihin Crewe Alexandra youth system a zawm a, tah chuan inzir chho zelin kum 16 anihin 2010 khan Crewe tana inkhel thei naupangber dawttu ni turin a professional debut a rawn siam a ni.

Crewe Alexandra hi club Mizo ten kan hmelhriat leh langsar ni lemlo mahse England club hlun leh naupang chher thiam an ni a, an youth system atang hian Premier League leh International player te an lo chherchhuak nuk tawh a ni. Danny Murphy, Seth Johnson leh Dean Ashton te pawh hi a langsar thenkhat ami te an ni a, tin, hengmite ai hian Nick Powell hi football khawvelah a la challang zawk thei a ni tih hi amah lo enkawl tawh thin ten an sawidan a ni.

He attacking midfielder hian inkhel thunun a, a lai atanga ball tlanluhpui nuam a ti a, tin, central midfielder anga a awmin United Legend Scholes ang deuhin close control leh vision tha te hi a pianpui talent ve reng an ni a, heng avang hian attacking move siamtu pawimawh a nih theih phah thin a ni.

Heng bakah hian finishing that em avang leh box pawn atanga a hlauhawm avang hian Rooney khelhna ang  “Deep-lying Forward” position ah pawh duhtawkin a khelthei a, a effective bawk a ni.

A inringtawkin ball a chanin hlauhawm thin hle mahse kum 18 chauh a la nih angin hmasawnna tur erawh a la ngah a, heng zingah hian a tharum lam leh defending lamah hma a la sawn a ngai bawk a ni.

Khawvela manager tha ber leh naupang te enkawl thiam tia an sawi Sir Alex-a enkawl tur hi player talent nei tha tak chu a ni ngei mai a ni.

News Source: Goal.com / ManUtd.com

Pic Source: thehardtackle.com

Play-off goal an sawi fo chu en duh chuan a hnuaia mi hi click rawh.

Nick Powell Goal – Crewe Alexandra Play Off Final 2012

10 thoughts on “Man Utd Midfielder Thar kum 18 mi Nick Powell!!

  1. Pingback: buy cialis online

  2. Pingback: viagra online store

  3. Pingback: Night Club ah Balotelli leh Paris Hilton an intawng | ZoFooty | The Mobile Night Clubs

  4. Cleverley VRT

    Cleverley te ho nen 2014 vel khi chuan United Centre Midfield ah awmin khawvel a tha ber ah United an la siam ho ngei ang le

  5. United Man

    Inhliam miah lovin kum 2,3 vel a khelh chhoh theih cuan a beiseiawm viau ang..Heng rual tan cuan inhliam leh hliam loh ah hian an dinhmun a inthlau thei em a ni..•

  6. zodina

    Ferguson hian rawlthar tha tak2 lei nan hian sum a hmang nasa a, an naupan ngaihtuahin a lei to thei hle bok…mahse a lei fuh em2 mai chu 2 chiah an ni mai om e aaaa…..Ronaldo, Rooney…..a leina a to hle bok 🙂

  7. zodina

    a tha leh vak don mi le, Anderson te ho, Djemba Djemba te, Macheda etc te ho hnung a zui ve mai long mo te ka ti deuh, mahse a la tu te ber an phur viau chuan tha ah ngai ang, Good Luck 🙂

Leave a Reply

Man Utd Midfielder Thar kum 18 mi Nick Powell!!

Manchester United chuan Crewe Alexandra midfielder Nick Powell chu kum li chhung contract an ziahpui thu an puang ta.

He midfielder beiseiawm zet mai hian medical a paltlang tawh a, kum li chhung contract, 1st July 2012 a intan turah an inrem a ni tih Red Devils te chuan puang a ni. Powell man zat hi puanzar a ni lo a, undisclosed fee a ni. Heti chung hian chanchinbu thenkhatte chuan Utd hian £ 3 million an pe phawt anga, chuan a khelhdan azirin £ 6 million thleng an pe dawn niin an sawi a  ni.

Sir Alex Ferguson chuan ManUtd.com ah tihian sawiin, “Nick hi thla tam tak chhung kan enthla reng tawh a, talent danglam leh beiseiawm tak mai a ni a, tin, Crewe ah hian zirtirna tha tak tak a dawng bawk a ni.” a ti a, ” United a lo kal a thlang hi ka lawm hle a, thil tam tak kan tan a ti thei dawn a, keini lam pawhin thawhho kan chak tawh hle a ni.” a ti bawk.

Kum 18 mi Powell chuan a “Dream Move” a siam thei hi a lawm hle a, season thar a nghakhlel tawh hle bawk a, ti hian a sawi a ni, “Manchester United tana ka khel tawh tur hi mumang lo thleng dik ang zet a ni. Crewe ah kum 13 chhung hun hlimawm tak ka hmang a, hma ka sawnna turin thil tam tak min zirtir a, an chungah ka lawm tak zet a ni.”

“Sir Alex-a leh squad a world-class player te bula hmasawn tura ka inzir zel tur hian min tiphur hle a ni. Han ngaihtuah ringawt pawh hian season thar a Premier League ah ka insawn chho dawn a ni tih hriat hian ka tan chuan beisei tur a tam hle a, tan vat vat ka chak tawh a ni.” a ti a ni.

Manchester United hian he rawlthar la tur hian Premier League club tam tak an hneh a, chung zinga langsar zual chu Everton, Arsenal leh Chelsea te an ni.

Crewe Alexandra tan League Two ah a kheltha thei hle a, season hmasa khan league game 38 ah goal 14 a thun a, a kaisanpui nghe nghe a ni.

Nick Powell hi tun nipuia United in mithar an lakluh pahnihna tur a ni a, Shinji Kagawa chu rawn insawn tura inremsiampui a ni tawh bawk a ni.

Tunge Nick Powell chu…???

Name: Nick Powell

Position: Midfielder/striker

Date of Birth: 23/03/1994

Former Club: Crewe Alexandra (64 appearances, 16 goals)

Club Honours: 2011/12 League Two Playoff winner

International Honours: 2010 Victory Shield (England U16s)

Tun season ah League Two Play-off final inkhel tan atanga minute 15 ah, box pawnah ball control a, rang taka inher nghal a half-volley nalh em em mai tu Nick Powell hi kum nga anihin Crewe Alexandra youth system a zawm a, tah chuan inzir chho zelin kum 16 anihin 2010 khan Crewe tana inkhel thei naupangber dawttu ni turin a professional debut a rawn siam a ni.

Crewe Alexandra hi club Mizo ten kan hmelhriat leh langsar ni lemlo mahse England club hlun leh naupang chher thiam an ni a, an youth system atang hian Premier League leh International player te an lo chherchhuak nuk tawh a ni. Danny Murphy, Seth Johnson leh Dean Ashton te pawh hi a langsar thenkhat ami te an ni a, tin, hengmite ai hian Nick Powell hi football khawvelah a la challang zawk thei a ni tih hi amah lo enkawl tawh thin ten an sawidan a ni.

He attacking midfielder hian inkhel thunun a, a lai atanga ball tlanluhpui nuam a ti a, tin, central midfielder anga a awmin United Legend Scholes ang deuhin close control leh vision tha te hi a pianpui talent ve reng an ni a, heng avang hian attacking move siamtu pawimawh a nih theih phah thin a ni.

Heng bakah hian finishing that em avang leh box pawn atanga a hlauhawm avang hian Rooney khelhna ang  “Deep-lying Forward” position ah pawh duhtawkin a khelthei a, a effective bawk a ni.

A inringtawkin ball a chanin hlauhawm thin hle mahse kum 18 chauh a la nih angin hmasawnna tur erawh a la ngah a, heng zingah hian a tharum lam leh defending lamah hma a la sawn a ngai bawk a ni.

Khawvela manager tha ber leh naupang te enkawl thiam tia an sawi Sir Alex-a enkawl tur hi player talent nei tha tak chu a ni ngei mai a ni.

News Source: Goal.com / ManUtd.com

Pic Source: thehardtackle.com

Play-off goal an sawi fo chu en duh chuan a hnuaia mi hi click rawh.

Nick Powell Goal – Crewe Alexandra Play Off Final 2012

Leave a Reply