Etihad stadium-a inkhel hmuhnawm takah Manchester City chuan an mikhual Everton chu 2-0 in an hneh a, English Premier League-ah hma an hruai mek. He inkhelah hian ‘The Citizens’ tân substitutes Mario Balotelli leh James Milner ten an pet goal a ni.
Tutenge khel?
Manchester City: Hart; Richards, Kompany, Lescott, Clichy; Y Toure, Barry, Nasri (Savic 83); Aguero (Milner 78), Dzeko (Balotelli 60), Silva.
Everton: Howard; Hibbert, Jagielka, Distin, Baines; Coleman (Vellios 81), Fellaini, Rodwell, Neville (Drenthe 73), Osman; Cahill (Saha 66)
He match hmâ hian Manchester City hian home-ah a zawnin game 4 chhung ngawt chu Everton hi an lo hneh lo tawh a, an intum hnuhnung 8 ah Everton hi vawi 7 an chak tawh.
Attack 0 Defence 0
Etihad stadium-a leng lût dangte tih ang bawkin Everton in goal venhim an thupui a, a laiah an inhnawhkhawm ṭha bawk a, City tlarhmaa player ‘ṭha’ hoin first half ah goal an thun thei lo. Phil Neville a langsar a, Joe Hart hmel kan hmu khât ngei mai.
City hian goal hlauhawm an nei lo a ni lo a, Aguero, Dzeko leh Nasri ten chance an nei vek a, Everton keeper leh defence chetṭhat vang leh finishing ‘tawih’ tawk loh vangin a goal hleithei lo. City tlarhmate che vel a hmuhnawm a, mahse Everton penalty box chhungah duh angin an tâl thei bik lo.
Super Mario
Second half an ṭan chiah aṭangin City bawkin goal an nawr a, Everton counter attack pawh kan hmu zeuh zeuh. Mikhual lam hian Osman leh Cahill te hmangin chance ṭha tak tak an nei nghe nghe a ni.
Minute 60 ah Mancini chuan Edin Dzeko lachhuakin Mario Balotelli a luhtir a, Man City an hlauhawm sawt mai. Tlarhmaah ‘movement’ a tam sawt a, Balotelli hian minute 68 ah penalty box aṭangin goal mawi tak a thun. Hemi hnu lawk hian David Silva pawhin goal ban a pet per bawk.
Everton lamin ball an chang tam ṭan a, Saha leh Drenthe te lo lutin team pahnihte an innawrtawn a, inkhel tawp lamah City an thlamuang bik lo. Mahse minute 89 ah Drenthe ball pass sual kal zel aṭangin James Milner chuan City goal 2 na a thun a, he goal siamsaktu David Silva ball khuap ṭhat zia leh a through ball ṭha lutuk kha hmuhhmaih chi a ni lo.
City nge nge
Manchester City tlarhma ṭhatzia leh player an ngah zia kan sawi ṭhin a, zaninah a ṭangkaina kan hmu leh ta. Aguero leh Dzeko ten an pet goal theih loh hnuah Balotelli te ho an la rawn lut thei a, Tevez a la lut lo zawk mah mah. Game 6 ah point 16 an hmu tawh a, tun season ah hneh loh an la nei miah lo a ni. Manchester United lehpelin pakhatna an ni rih phawt a, season tâwpah pakhatna an ni lo ang tih hi huai takin i la sawi ngam em le?
Buy viagra once daily
Samples of viagra
City lah hi duh aiin an che bawn dawn tlat…shaala…
Prediction lama ka chet fuhin FPL lamah chuan ka nep sazu dawn tlat.. Hernandez mai mai chu va pawi ve..
Zanin chu club lian ho an che ṭha khawp mai
sawi theih ka nei ve hauhlo mai,.ka en ve hman silo.!! kan pawl ho khelh zawh ah ka rawn por ve chuah ang, 😉
Silva kha a va turu ve mawle…. he post chu a va thar lam ve mawle… tha hle mai..
Torres chu 2 goals in 2 matches maw…a ṭha dawn lo tawp mai he2
El Nino petgoal bwk red card bawk…van pwi tak a kheltha sin male..Chelsea 2-0 Swansea min 72 ani twh
Goal attempt leh possession ah chuan an inthlau khawp mai. Mahse Everton kha goal venhim tur ngawr ngawr an nia, City khan an thun tlem phah. A tir aṭangin han innawr tak tak se chuan an pet goal ṭeuh ang mawle..
Chuan Aguero hi a ke a van rang tak e awww…a tawi reuh sia, a inher thut thut hi ven a har duh ngawt ang.
He post hi lawm ka lo nghakhlel em2 chu. Post tha bawka, Result pwh a tha .
City hian an hneh nilovin an sawp anih berin ka hria.
Zanin chu mut pawh a tui ngawt ang.
Utd rawn chak lo pei se chu…nuam…hehehe.. Mi pawi ka sawih pal ange.
Post tha lutuk..Zofooty nge2 anuam ber.
Pakhatna an va ni rei dawn lo ve aw… Zanin chu Zonet pek True Sport channel ah chiah ka en thei a.. Mahse, Tottenham, Liverpool leh Arsenal te match ka en vek thei tlat.. Hehe.. RVP in a score ve ta tlat e..
hehe: kei chu City te match chiah kha ka en thei a, tunah chuan Premier League en tur ka nei lo hrim hrim 🙁
suarez an a pet goalllll
ka khawngaih thlak tawp..zonet kan pawt a, liverpool inkhel chiah ka en thei a, Tottenham inkhel, modric che vel leh van der vart leh adebayor ball in pe kual ve kha ka en chak nen nen aw……….