Etihad Stadium-ah Manchester City in an mikhual Wolves 3-1 in an hneh a, Premier League-ah hma an hruai chhunzawm zel.

An hmelma kumhlun Manchester United sawp zo hlim an ni bawk a, Manchester City an phur khawp mai. United an khelh tuma che ṭha tak pahnih Balotelli leh Milner te chu bench ah an thu a, Dzeko leh Nasri hovin an nawr thung a ni.

Tute nge khel?

Manchester City:
Joe Hart, Kolarov, Lescott, Kompany, Richards, Barry, Toure, Silva, Nasri (Balotelli), Dzeko (Johnson) , Aguero(Savic)

Wolves:
Hennessey, Berra, Ward, Johnson, Stearman, Henry, O’Hara, Guedioura (Sylvan Ebanks-Blake), Hunt (Jarvis), Edwards (Hammill), Doyle

First half ah goal a lut lo
City lam hian atir atang an nawr nghal a,playmaker Silva pawh a khel tha leh pek khawp mai. Aguero a langsar em em a, chance pawh a nei nual a ni. Micah Richards attacking pawh a hmuhnawmin Wolves defender te an chhaih buai hneh khawp mai. City lam hian chance an nei zeuh zeuh a mahse keeper Hennessey leh defender te khelh that zan an nang fuh pawh a ni mah na, an pet goal thei bik lova. Goal awm lovin first half a tawp a.

Second half ah goal a sur

Second half tantirh phat atang hian players neih tha zawk City lam bawk hian an nawr leh a,  Minute 52-na ah first half-a che tha tak Wolves keeper Hennessey ball clear tur chu Aguero chuan lo dang pialin Dzeko chuan awlsam tein alo pet goal a. First half-ah khel tha viau mah se second half ah erawh an khel ṭha ta lova, Wolves an talbuai ṭan tlat.

Minute 63-ah goalscorer Dzeko la chhuakin Adam Johnson a rawn luhtir a, an nawrna chhunzawm zel a. Nasri la chhuakin Balotelli a rawn la lut deuh deuh a. Minute 67-ah Silva ball pet tha zet chu Hennessey chuan lo dang perin defender Kolarov chuan alo pet goal a ni. City lam hian awlsam takin an hneh mai dawn emaw antih laiin minute 74-ah thil a danglam ta ! Box pawn atanga Guedioura ball pet tha zet mai chu Hart chuan alo dang per veleh a, Doyle-a pet goal tur chu Captain Kompany-a’n a titlu hlauh a. Kompany hi direct red card pek a ni a, penalty hi Hunt chuan chiang zet maiin a rawn pet goal a ni.

Player 10 chauhva khel City lam an hlauthawng tan a, wolves lam hian an nawr bet a. Mahse players nei tha zawk nge nge a kimlo zawk ni mah se counter attack ah an hlauhawm thei hle a. Wolves lam hian draw tumin theihtawp an chhuah a, mahse extra time-ah City lam hian counter attack atang bawkin Balotelli leh Toure hmangin an nawr let a, tuma chan lova awm Adam Johnson pe lehin a ni hian box pawn atang mawi zet maiin a lo pet goal a ni. Wolves tan beisei tur a awm ta lo.

Hun a tawp a. 3-1 in City hi an chak ta a ni. Tihian point 5 bawkin League ah hma an hruai leh a ni

Duh duh sawi ang

Tun dinhmunah chuan City hneh thei tur hi BPL Club-ah hian an awm lo a tih theih.Players te an ngahin an form a tha hle a. Mahse han ti teh ang. Penalty an hmuhna kha keeper Hart-a goal keeping that tawk loh vang kan ti thei. Tin, tihsual hrat em em Kompany hi world class defender kan ti ngam em? Striker leh Midfielder te hi chu an tha khawp mai mahse an defender-te hi Champions League leh Premier League-a champion thei tur khawpin an tha i ti em? Tunah hi chuan khel tha viau mah se season tawp thleng an daih ang em tih hi zawhna lian tak a ni.