Season kan tan chho mek a, club hrang hrang ten la khel tam lo mah se an khelh chin atangin tun season-a an khelh dan phung a hriat ruak ruak tawh a, tun tumah hian champion lai Manchester City khelh dan phung (tactic) tlangpui kan tarlang dawn a ni.
Goalkeeper :
City game kalphungah chuan an goalkeeper a pawimawh hle a, an khelh dan inla lawn chhovah mi pawimawh a ni.
Team dang goalkeeper ang lo takin City goalkeeper te ball sem kawngah a inrawlh tam a, a chhuak thui bawk. Keeper hian ball sem tan hna thawkin centre-back pahnih Laporte leh Otamendi te an tawlh hnai a, defensive midfielder Rodri inpawt hnung hlekin ‘Diamond Formation’ hmangin tlarhnung atangin bul an tan.
Hetianga goalkeeper-in ball a sem dawn hian full-back pahnihte chu a sir lamah an inpawt kak a, midfielder pahnih te full-back pahnihte hmaah a laiah tawlhchhuakin forward pahnihte an karcheh.
Hetianga an inrem chiah hian player tin te tan ball inpek kual a awlsam.
City khelh dan phungah chuan ball sem tantu goalkeeper hi an area chhungah an tawm reng lova, penalty area pawnah thui tak rawn chhuah chang neiin defender pakhat (sweeper) angin ball sem tan hna an thawk. Hei vang hian lehlam forward 3 ten tihbuai tumin va hnaih chilh mah sela; player 4 (defensive midfielder 1, centre-back 2 leh goalkeeper 1) leh lehlam player 3 inhmachhawnna a nih avangin City ball sem a buai mawh. Goal erawh a ruak thung.
Rodri :
Season khuhhawnnaa City leh Liverpool an inkhelh tum khan Firmino chuan an tih dan phung pangngai angin defensive midfielder Rodri tihbuai tumin ava hnaihchilh a, mahse, goalkeeper Bravo chu ball sem tura thui tak a rawn chhuah avangin Firmino hian Bravo zawk hi a hnaihchilh a ngai a, a hnaihchilh.
Hetia Bravo ava hnaihchilh chiah hian Rodri hian vengtu a nei lova, amahin hmunzau tak a luah. Bravo tan ball sem a harsat phah lo.
Season tantirha West Ham nena an inhmachhawn tum khan Ederson chuan goal vengin ball sem chhuah hna a thawk a, The Hammers tlar hma pahnihten Ederson-a’n an centre-back 2 – Laporte leh Stones te ball a pe tur ven tumin an va hnaihchilh thin a, mahse, an hlawhtling lo. A chhuahsan hmunawlah hian Rodri a tawlhlut a, Ederson hian zalen takin ball a pe thei.
West Ham attacking midfieler ten Rodri hi ball a chan ve leh va hnaihchilh ve leh thin mahse Spanish midfielder ball thiam hian ball a dawn hma hauhva a ball pek tur enkual hmanin ‘one-touch pass’ hmangin a sira awm, Walker a pe vat. Hammers tan danbeh sen a ni lo.
Hetianga City-in tlarhnung atanga ball semchhuak a, hmalam an panna kawngah hian an player pawimawh ber, an innghahna tia sawi ngam chu an defensive midfielder Rodrigo hi a ni. Ani hi an tlarhma leh tlarhnung te thlunzawmtu langsar ber a ni.
City player hlui hian ball a thiam a, a khelh tawh chinah match tinah vawi 68 zel ball pass ang niin a ball pek 94% a dik bawk. City player zinga ball khawih tam ber, an game siamtu a ni.
Zinchenko :
Season liam ta khan Maurizio Sarri hnuaiah Chelsea khan Jorginho hmangin hetiang hian game an lo siam tawh thin a, Jorginho hnenah ball lutin a hnen atang bawkin a chhuak leh thin. Chelsea & Sarri game innghahna niin an khelh dan phung pawh hi ‘Sarri-Ball’ tih a ni.
Sarri-ball hmanga Chelsea an chak chhoh pup pup lai khan an game innghahna ber, ven ngai bik chu Jorginho hi a ni tih Tottenham coach Mauricio Pochettino chuan man fuhin an inkhelh tumin Jorginho ball sem tur dangchat turin player pakhat a dah tawp.
English midfielder Dele Alli chuan Italian midfielder hi hnaihchilhin a ball dawng tur leh sem tur a veng tlat a, che thei lova siamin Spurs-in hnehna an chang. A hnu zelah pawh team hrang hrang ten Jorginho bi tum bika dangchatin The Blues an hneh ta zel a, London club hian season duhawm tak an nei thei ta lo.
Pochettino bawk hian tun season a City game laimu chu Rodri hi a ni tih hre fuhin goal hnih ve ve thuna an inhnehtawk tum khan Spanish midfielder veng tlat tur hian Argentine forward Erik Lamela a dah.
Mahse, Guardiola hi coach tha chungchuang, pa thluak tha tak a ni a, player pawimawh bik nei mah se a team hi mi pakhatah a innghat lo.
Lamela hian Rodri hi a tibuai ngei mai a, Rodri pawhin ni dang angin ball a sem mumal thei lo. Hetih ve leh hian Ukranian left-back kum 22 mi Oleksandr Zinchenko chu a sir atangin a laiah a tawlhlut a, Rodri hnathawh ang thawkin ball a sem. Lamela hian Rodri chauh hmachhawn lova Zinchenko a hmachhawn tel avangin a veng hneh lo.
Spurs coach-in Zinchenko ven tel a ngai tih hriain a veng turin a laiah Eriksen a tawlh luhtir a, a venlai Sterling chuan vengtu a nei ta lo thung. Eriksen-a hmun chhuahsan tak, a sira awm Sterling chuan zalen takin ball a dawng thei.
Rodri che thei lovin awm mah se City hian tlahnung atanga ball chhuah chhohpui dan chi khat chauh an neih loh avangin danchah an har.
One-touch pass :
City tlarhnung ball semhna thawktute hi rang tak taka nawrseh an ni fo na chungin chehbeh hleih theih an ni lo, hei hi nal taka ‘one-touch passing’ an hman vang a ni.
Liverpool nena an inhmachhawn tum khan The Reds tlarhma tlan chak tak tak ten City penalty area-ah City tlarhnungte an luhchilh. Hetiang hunah hian rang takin De Bruyne a tawlhhnung a, ball a chan rualin a sira awm Walker chu ‘quick one touch pass’ hmangin ball a pe nghal zat a, Liverpool tlarhmate leh midfielder te a laiah lutin City tlarhnung nawrbeh tumin an tawlh a. City hian a sir atanga ball an chhuahpui thut avangin na takin an nawr let thei.
City khelh dan phung inchher chhuan dan (buil-up) hi mi pakhata a innghah hlawm tawp loh avangin player ven bik nei chi a khel tan hneh an har. An inchherchhuan chhohna kawngah hian defender leh midfielder te mai nilo goalkeeper thlenga an inrawlh avangin danchah an harsat phah.
Guardiola hi an khingpui ten an hmachhawn dan chawp leh chilha man zung zung chi a nih avangin a insiamtha rang a, hetiang tithei tur hian puitu tha tak Mikel Arteta a nei bawk.
cheap cialis online
cialis 20mg price
Viagra or cialis
Cialis no rx