Arsenal manager Arsene Wenger chuan Paris St Germain (PSG) chu ‘Manchester City of France’ anni tiin a sawi a. He manager sum hmang duhlo hian pawisa hmang tam Manchester City a sawisel laiin PSG a fak thung. PSG hi tunhnaiah Qatar Investment Authority in a lak hnuah sum a chelek nasa hle a. France football a club lian pawl ni thin chu tunah hian club lian dang, Marseille, Lyon te umphakloh in an awm der tawh.
PSG hian player a lei nasa hle a. Argentina midfielder, Palermo a khel thin Javier Pastore an lak hi mi te bengverh tak a ni awm e. Pastore leina man hi 40 million pound dawn niin sawi a ni a. Tun nipui bazar a player manto ber te zingami a ni thei ang. A player lei te zinga kan hriatlar awm deuh te chu France winger, AS Roma tana khel thin Jeremy Menez te, Premier League club ten an beisei thin France midfielder Blaise Matuidi te, tunhnaia France striker chhuanvawr Kevin Gameiro leh Liverpool tan pawha lo khel tawh Mohamed Sissoko te an ni. PSG hian beiseina sang tak nen player tha te sum nen huai takin a lei a. Lei lam an la duhtawklo. PSG hian goalkeeper tha tak pahnih lai a rualin an lei a. Ligue 1 a Rennes tana chetha tak Nicolas Douchez leh Italy goalkeeper Palermo tana khel thin Salvatore Sirigu te a lalut bawk. PSG squad tharah hian world class player tia sawi ngam an awm nual a. Season tharah beisei a sang in UEFA Champions League a telphak pawh a tum hle.
Arsene Wenger chuan PSG hetianga a che hi France football tan a that thu a sawi a. France a football league ah khawvela player tha te zinga sawitel ngam an khel tur hi a ram ang pawha football hmasawnna anih tur thu a sawi tel. France ah hian PSG te bakah Marseille, Lyon leh champion nilai Lille te’n a tha ber nih an inchuh dawn a. France football muthlu chu kaithoh theih anih rin leh beisei a ni.
Generic viagra canadian
viagra low price
Pastore e re lo e, Sneijder ka la duh jawk tho tho, future ni lo in tun hun hi kan duh zawk
PSG cuan Chelsea a lut tura an swi Pastore an lei vagin k lwm khwp my…chhancu manto uchuak takin Chelsea in lei k hlau…Modric k duh fe xwk…a let sigsag nuaihin… 😛
premier leahe club hovin pastore an lei lo hi chu an la inchhir hlawm ang maw le…world class midfielder chu la ni chiah lo mahse kum 2-1 hnuah chuan a tha ber zinga mi a la ni dawn chiang tih kei zawlnei ni lo hian kan puang lawk ve tawp ang e… 🙂
Pastore hi a khelh hmuh regu chakawm khawp mai. PSG chu UCL lamah han che tha ve teh se.
Sum hian team a lei thei lo ti ṭhin mah ila, trophy hi chu a lo lei thei a ni tih Chelsea leh Manchester City aṭangin kan hre tawh. PSG pawh hi season tharah an champion nghal lo maithei, mahse pawisa ngah na na na hi chuan player manto tak2 an lei thei zel bik a, hma an sawn lo thei lo. Neutral fans ṭan erawh an hlawh lo deuh.