Kum 44 chhung zet an nghak tawh a, an nghak chhuak ta nge nge ! Manchester City chuan an match hnuhnung berah 3-2 in QPR ah hneh avangin Barclays Premier League 2011-2012, champion an ni ta ni.
United-in an kum tam an nuihsawh tawh a, tunah chuan United an nuihsawh ve thei ta ! 1968 hnua an champion leh hmasak berna a ni. Kum 44 chhung rei zia chu kan hria, tuna ZoFooties tam berte phei hi chu kum 40 pel kan tlem khawpin ka ring. Chuvang chuan kum 44 rei tur zia hi chu kan hrethiam mai awm e. Inkhel chungchang i lo ziak dawn ang.
Tute nge khel?
Manchester City: Hart, Zabaleta, Clichy, Kompany, Lescott, Barry (Dzeko), Yaya (De Jong), Silva, Nasri, Aguero, Tevez (Balotelli)
Subs: Pantilimon, Richards, Kolarov, De Jong, Milner, Dzeko, Balotelli.
QPR : Kenny, Hill, Ferdinand, Onuoha, Taiwo, Derry, Barton, Mackie, Wright-Phillips, Zamora (Bothroyd), Cisse (Traore)
Subs: Cerny, Gabbidon, Taarabt, Campbell, Bothroyd, Traore, Buzsaky.
First half-ah goal khat phawt
Inkhelh tantirh atang game atang nghal a. City-in champion an tum a, an nawr nghal a. QPR lamin draw an khel a. Bolton chak pawh ni se City an draw chuan goal difference an neih that avangin an relegate dawn lova. Chuvang chuan QPR hian nawr aiin an goal humhim an tum zawk atih theih. Mahse counter attack atang Cisse leh Zamora hmanga nawr an tum ve reng a. Goal veng ringawt lovin nawr pawh tum mah se squad nei tha zawk leh home team City te hian nawr thei lovin an siam a ni.
City lamin chance an hmu mumal thei bik lova. Anton Ferdinand leh a pawl te’n an hna an tlin a. A lai atang an tlang thei lo tih an hria a, a sir lam atang an winger leh wing back tlan chak tak tak hmangin an nawr a. Minute 38-ah an duh an hmu ta. Silva, Toure leh Zabaleta te chuan mawi lutukin QPR defence an thiat a, kawk tawkin Zabaleta chuan a pet a. QPR keeper Kenny chuan a dang per mai dawna a lan laiin ball per chu mawi lutukin anmahni (QPR) lamah a lut a. 1-0 ni a, Etihad Stadium-ah thawm atha kher mai le.
City fans ho an saptal a ni ber mai. Achhanchu tun dinhmunah chuan City hi champion tur an ni. City player pawimawh ber tih ngam leh goal siamsaktu Yaya Toure chu a inhliam a, De Jong-in a rawn thlak a . Yaya Toure chhuak hi City tan a pawi ang em aw tih chu zawhna lian tak a ni ve tho mai. Half time a ni zui a.
Second half-ah Premier League champion pahnih an awm hman !
City bawk hian bul an rawn tan tha a. Post an pet per leh nghal a. Mahse QPR lam an tangkhawng tlat a. Minute 48-ah Lescott chuan anmahni lamah a head sual kan ti dawn nge a back pass a. Chan lova awm Cisse chuan ball lo la in chiang zet zawtin Hart-a man rualin a pet goal a. Etihad Stadium mai ni lo Stadium of Light (Sunderland home ground)-ah pawh thawm a tha kher mai le. Achhanchu hetiang anih chuan United an champion dawn thung a ni.
Minute 5 vel bak a la ral lo tihin Barton chuan Tevez a nghawk avangin red card a hmu a. QPR fans an thinrim a, City fans te lawmin an au thung. Replay-a a lan dan chuan Tevez hian English pa thinchhia leh discipline nei chhe ve tak Barton hi a tlawh hmasa a, a thinrim chuan box pawn deuhvah Tevez hi a nghawk thlu ta a ni. Barton hian a chhuah pahin Aguero mawngah a do zeuh a, Kompany lu-ah a tauh bawk a. Chu mai a la ni lo, tunnel luh dawnah ama anga discipline nei chhe ve tho Balotelli nen an la inhau phei leh hram a ni. Boruak a sosang khawp mai.
QPR bosss Mark Hughes chuan draw tal an mamawh tih a hria a. Goal pawimawh thuntu Cisse lachhuakin defender Traore a rawn dah lut a. A tifuh kher asin. Minute 10 pawh a la khel lovang tihah counter attack atang QPR lamin nawr ve in substitute Traore chuan ball tha tak rawn cross-in chan lova awm Mackie chuan minute 66-ah mawi takin a head goal a .City defender te an inthlahdah avangin City-in goal 2 an chhuah a tih theih. QPR aiin United fans an au bengchheng zawk ngei ang le. City lamin Dzeko leh Balotelli te an luhtir a. Awmzia a nei tam lo hle.
Minute 90 a ni a, QPR-in 2-1 in an lead a. Hei vang hian khawvel chuan Manchester United an champion anih hi a ti tawh ! QPR erawh chak lo mah se Bolton-in Stoke City an draw ve chuan an tla dawn chuang lova. Minute 5 pek belh an ni a. Mipui rin loh zawk tihngam tawh City chuan thilmak an thlen tir ta! Match of the season tih ngam tur khawpa inkhel hmuhnawm leh chhinchhiah thlak minute 5 chhung hian min hmuh tir a ni.
Minute 5 chhinchhiahthlak
He minute 5 pek belh hi City tan chuan an club history-a minute 5 hlu ber a la ni hial awm e. United fans lamin an champion tawh anih ringin an au a, an zai a. QPR fans te paw’n an relegate lo anih hi tiin an au a, an lam bawk a. QPR lam hian minute 90 chhunga goal 1 chiah an chhuah avang leh player 10 lek hmanga goal 1 an thun theih avangin City hian goal 2 an thun ang tih hi khawvel mipui in an ring tawh lo a ni.
Mahse football-ah chuan engpawh a thleng thei, ball a lum chhung chu engmah a sawi thei loh an tih thin chu zaninah ngei khan kan hmu a ni. Minute 91-ah thilmak chu a thleng ta. Corner atangin City lamin an ti goal a. Dzeko chuan chiang zetin a head goal a. Fans te chuan goal 1 an la mamawh a ni tih an inhria a, an duh angin an la au bengchheng ngam lova. City lamin beidawng lovin an nawr chhunzawm zel a.
A tawpah chuan an duh an hmu ta. Hei hi a ni thilmak chu. Minute 94-ah City lam hian QPR defender te bumin Aguero chuan zetin near post lamah a pet goal a. Thawm ava han tha kher em ! Etihad Stadium a chim emaw tih tur khawpin fans au thawm a ring a. Hetiang em em a lawm hi football history-ah a tam lo khawp ang.
Hun a tawp zui a. Manchester City chuan 3-2 in QPR an hneh a. Barclays Premier League-ah an champion a ni ! QPR pawh Bolton in Stoke City an draw avangin an relegate lova, Bolton an relegate ta thung a ni. City fans te lawm lutuk chu ground-ah an tlan lut a, an saptal a ni ber mai.
Duh duh sawi ang
* City-in an tum an hlen a, kum 44 hnuah an champion leh a ni. City fans te chuan United fans te tih el in ‘Manchester is Blue’ anti thei dawn ta a ni.
* Point 8 zeta United lamin an lead tawh hnua City an champion leh theih avangin City boss Mancini fakin awm rawh se.
* Yaya Toure hi City player pawimawh ber kan ti ngam ang em? Zanin khan inhliam chungin a khel a, goal 1 a assist hram a. A chhuah hnu khan City kha tlemin an talbuai a tih theih.
*Cisse hian January khan QPR hi a zawm a, a khelh apiangin goal a thun loh paw’n red card ala hmu ziah a ni. Match 8 khel tawhin goal 5 a thun tawh a, red card 2 a hmu thung a ni.
* Bolton in Stoke City an draw avangin chak lo mah se QPR an him a, season tharah pawh Mark Hughes leh a pawl te hi BPL ah kan hmu leh dawn a ni. Bolton an relegate thung.
*City hian attacker players chu an nei tha. An midfieder te pawh khawvela tha ber pawl an ni. Mahse an defender te hi enge i hmuhdan ? Lescott tihsual vangin goal 1 an chhuah phawt a. Goal hnihna pawh kha defender te marking chhiat vang a tih theih awm e. BPL ah chuan an champion a mahse Champions League-a champion turin an defender te hi i ring tawk em?
* City hian home record an nei tha ber a. Game 1 chiah draw neiin adang chu an chak vek a ni.
*Premier League-a Goal Differnce hmanga champion hmasa ber chu Manchester City hi an ni.
* Manchester City hian champion an phu ve rengin i hria em? Tunge Player of the Season-ah i thlan?
* Manchester City vs QPR hi match of the season tih ngam khawpin a hmuhnawm i ti ve em?
* All images from www.dailymail.co.uk
generic for cialis
goodrx cialis
cialis discount
cialis 10mg
Canadian pharmacy cialis
Cialis women
man utd pawh hian 1908 leh 1911 khan city club retheih deuh atang in player an lei ve tho chuan 1909 khan john davies an man utd ah pound 60,000 a invest, khati hunlai kha chuan tam ve viau ang
united hi champ ta se epl chu ka ngainep ngot ang….an team an thatloh zia ngaihtuah in an champ teuh khop mai….champ se chu epl ka hmuhniam ngot ang…united ka hmu hniam ni loin an team hi an thatloh tum ani tlat tun season chu
Champion phu an champion e.
Ka lwm tak zet zet e..mahse,bolton erwh ka ui tak zet ani..
#21: I tidik khawp mai City ho hi tunhnaiah hausa thar thut te ni lo phei se chuan, tunah hian Europa League pawh an khelh phak ka ring tek lo e.
Hetiang thil thleng ropui lutuk, mit ngeia hmu theia Pathianin min siam hi a va vanneihthlak tak em! Lawmthu i sawi ang u…
Ka hlimna lh lunggaihna thlentu br 1 futbol a league dominate ltk tu an wm thn hi futbol an ti ropui ka th rualin kaning thn a,ct ka va hn lwmpui tk yem,match of the seasn ah k puag e kaicuan,POS cu ka switheilo,Kompany nupui kha ka sitar reuh th erwh kaswi thei
city tan thar thut ho kha ka lawmpui che u.. in club tan ah hian chiang ula.. club dang tan lawr lovin theih tawp in chhuah zel dawn nia.. EPL ah in bul tan na thar ni sela, season leh ah Chelsea, City, Arsenal, United, Spurs, Newscastle te kan in EL tak tak dawn nia.. van nuam dawn tak em
City in billionare owner an neih hnu a City tan ‘thar ta thut’ hi engzat nge awm ang aw? te ka lo ti mai2 aa. haaha. an lawmpui awm e .
Season ropui tak cu a ni e.kan Champion twh a mwn le ka tia,ka moral a down vek alm.Bolton kha cak gat se cuan an in drw ka rig.a twpa Cisse wm dan tag khn ciag mai lo mw?season thar ah kn lo let leh ag.
Tuna atang chuan United fans te City fans nive turin ka sawm a che u!!! Cup in chawi har tawh dawn si. 🙂
City player leh fans te ka lawmpui a che u. Nasri tel lovin.
@ pu zaia : corner atang in tihin ka thlak ? a dik zawk em? correction dang awm em? 🙂 iti tha thn e, min lo hrilh zela . haha
Chelsea champion tih loh ahchuan ka la lawm ber trum aniang…
City fans te ka lawmpui vek a che u. Game hmuhnawm tak kan en thei kha, a lawmawm khawp mai. United ai chuan City kha chak se ka ti a,chakna goal an thun chiah kha chu.. Chelsea lalpa hi ka fapa nen kan zuang zawk mai mawle!!.. A chhan chu, an chhiat em em lai pawhin,vanneih vangin an champ leh nulh thin. United champ zing lutuk hian,EPL a ti hmuhnawmloh lek lek tawh!
A champ reng theih bikloh ani..nakum chu expernce naupang hoin an nei toh anga…chuan England+ Europe ah nen ro kan rel toh ang…. GGMU…. Tuntum chu Kan Pu luhlulna leh Vidic inhliam kan tuar ta ani…
Rilru a na duh khawp mai, 90 mins 1-2 95 mins 3-2, kan champ toh emaw ka ti sin le Mackie head goal khan kan lawm tehreng nen, thenawm bengchheng ho cup chawi lai ngei live a han en chuhreawm duh kher mai, World Class player hi 2-3 vel tal lei belh ve ila ka ti ngawt mai….Im SURE UNITED WILL BE BACK
City champion aichuan United kha champion se ka lo ti mai mai a, Samir Nasri ngei vang hrim2 in. Anyway, City ka lawmpui e.
Season thar chu (Samdala hmingin ka sawi ang) Podolski te ho nen, cup zawng2 kan vai hma ang 😀
Kumin kumtir lama City leh Totenham inkhelh a, hun tawp dawna city in goal pawimawh an thun avanga an chak khan Champion tur luck an nei, an champion ka ring ka lo ti tawh a…ka sawi kha a lo thleng dik ta….an champion dan pawh a mawi e…..ka lawmpui hlawm e…
but United will be back…….
Nie, zanin kha vai film te pawh a ang deuh alawm. United an champion dawn nih hi, CIty zawk aniag tih te. QPR an relegate zawk dawn, Bolton leh zawk si tih te kha… Inkhel pumpui kha a hmuhnawm vek mai. Hetiang anga inkhel hmuhnawm leh season turu hi Football history ah hian a tam lo khawp ang le.
Kumin chu kan Champion dawn tih ka sawilawkna a rei tawh bawka, a tawpah Vai Film ang deuhin mawi takin kan Champion ta a nih kha. Champion zing lutuk Champion reng mai hi a boruak a hot lova, nakum lamah Arsenal Champion ve leh phei sela chu EPL hi a hmuh nawm leh zual dawn a ni. Mahse City bawk kan Champion lovang tih a sawi lawk theih miah loh a nia, tun dinhmunah chuan EPL-ah Player nei tha ber kan ni tlat. Manchester is Blueeeeeeeeeeeeeeeeeeeeeeee forever…
Film te pawh a ang lek2 lawmle,Championeeeeeee ‘s, Championeeeeeee ‘s! ;)♥ MCFC!♥ I am so partying! 😀 BLUE ARMYYYYYYYY!♥
Hmmm! Ka va han lawm tak em.. Kei aia hlim hi zanina hian an vang khawp ang. Swi ngaihna pawh a awm lo.
The noisy neighbour are getting louder.
Clichy,zambleta, kompany etc. an va khel tha tak em.
Dzeko,ballotelli rwn lut khan awmziah an neih chiang.
A play kha city in an hneh ltka match of the season atan chuan..
Player of the season-kompany
KA LAWM TAK ZET2 ANI.
Mahca va rawn bei sei tha dap2 ve le. tha khawp mai. KZP! QPR chu an vannei. stoke in an chhanhim ani. Man city ka lawmpui, champion phu an champion ti ila sual lo nge
City chu an lawmpui awm e,champion poh an phu,home N away ah united an hneh ve2 bok ania…
Chuan yaya toure ah khian hriatthiam a har kompany poh hi an player poimoh ava ni teh reng em
champions league-a champion tur chuan kompany dinpui tur defender thatak pakhat hi chu an mamawh chiang
An home record atang poh khian an phu e,kompany khi player of the season ah kei chuan ka thlang e
“Manchester City vs QPR hi match of the season”(KA HUL)
Inkhel a hmuhnawm a, boruak a ropui bawk. I ziak tha bawk…
‘Corner atang ‘ nge, ‘corner atangin’ ball a rawn kal? 🙂
Ropui ngei mai. City fans te ka lawmpui e. Team tha ber an Champion-ah ka ngai. Super Mario pawh a ropui leh khawp mai. Minute 79 khan Stoke khan Bolton lamah tun lo se chuan QPR kha an tang tlang theih ka ring ve tlat.
1st teh ang..Gud post.. City ka lawmpui e.
post tha dap dap hle mai, SAF hin player lei lamah tan la se kan champion vde leh mai ang (Y)