Premier League-ah Manchester khuain London a dah ‘nil’ leh ta. Manchester City in Tottenham Hotspurs an hneh zawh hnu lawkah Manchester United chuan Arsenal 2-1 in an hneh a, an ‘ṭhenawm bengchheng’ te an ûm zel. Emirates stadium-a inkhel hmuhnawm takah hian Antonio Valencia leh Danny Welbeck ten Man United tân goal an thun a, Robin van Persie chuan Arsenal tân a pet goal bawk.
Tutenge khel?
Arsenal tân defender Vermaelen rawn lêt lehin left back-ah bul a ṭan a. Thierry Henry erawh a fit tawk loh avangin squad-ah a awm lo. Arteta pawh a khel thei lo bawk.
Arsenal: Szczesny; Djourou (Yennaris 45′), Mertesacker, Koscielny, Vermaelen; Ramsey (Chu Young Park 84′), Song, Rosicky, Walcott; Oxlade-Chamberlain (Arshavin 73′); Van Persie.
Manchester United: Lindegaard; Smalling, Jones (Rafael 17′ (Park 76′)), Evans, Evra; Valencia, Carrick, Giggs, Nani (Scholes 75′); Welbeck, Rooney.
First half ah United tân Valencia
Inkhel ṭantirh lamah rinlawk ang ngeiin team pahnihte an fimkhur a, midfield-ah ball a tam leh hle. Arsenal winger tlanchak pahnih Theo Walcott leh Chamberlain ten Man Utd wing back pahnihte an chhaihbuai zeuh zeuh a, Man Utd penalty box chhunga an ball vawrhluhin van Persie a thleng zo lo ṭhin erawh a uihawm. Minute 17 lekah Man United defender Phil Jones chu inhliam vangin thlak a ngai a, hei hi Walcott a umna lama a ke a bilh vang a ni.
An inkhel rei tawlh tawlh a, Man United veilamah Nani a langsar tial tial a, Arsenal right back pawhchawp Djourou-a’n a veng hneh ngang lo a ni ber mai. Nani hi selfish viau lo se assist nei thei ngei tur a ni.
Goal awm lovin first half a tâwp tawh mai dawn emaw tih hnu, minute 45 (+2) ah mikhual lam hian goal an thun. Veilam aṭanga Ryan Giggs cross mawi tak chu Valencia chuan a lo head goal. First half-ah team pahnihten beisei an pha lo ve ve a. Passing game mawi tak hmuh tur a tlêm a, goal chance hlauhawm an siamchhuak tam lova, inkhel hmuhnawm em em han tih tur a ni lem lo.
Second half tirlamah an inṭhelhsiak
First half-ah goal chance hlauhawm a tam lo a, second half-ah duhthusamin a tam thung. Arsenal in game rang tak an rawn khel a, fans te authawm nen ṭangkawpin United an nawrphei a, chance pawh an nei nghal deuh mawlh mawlh. Minute 51 ah Smalling chu ball a chan laiin a tawlhthlu a, Rosicky chuan ball laksakin van Persie a pe phei a. Penalty pêtna vel aṭangin Premier League top scorer hian a pet out!!!
Hemi hnu hian Arsenal in Ramsey leh Rosicky te hmangin an siphurh an sût teuh hle a. Rosicky shot in penalty box chhunga Evra kut a per chu referee in a ham lo. Manchester United in Welbeck hmangin an pet goal teuh ve hle bawk. Attack apiangah goal chance a awm emaw tih mai tur a ni.
Captain Vantastic
Midangin han ṭhelh deuh tlauh tlauh mahse, Arsenal captain van Persie hi chuan a ṭhelh rei thei meuh lo a ni e. Minute 71 ah Arsenal counter attack aṭangin Oxlade Chamberlain ‘reverse pass’ ṭha tak chu van Persie chuan lo changin, JonnyEvans ke kârah a pet lût a, goal mawi tak a thun.
Hemi hnu hian Arsenal in an nawr chhunzawm a, mahse minute 81 ah Valencia leh Ji Sung Park thawhrah sengin Welbeck chuan Manchester United tân a pet goal. Huntawp dawna Arsenal goal nawr na lutuk a hmuhnawm a, an vanneih ni chu nise an siphurh an sût ngei ang. United tân Welbeck chuan injury time-ah a pet goal teuh hle bawk.
Huntawp thlengin goal dang a luhbelh tawh lo a. Manchester United in Manchester City an ûm zel a. Game 22 ah point 51 an hmu tawh. Arsenal hian game 22 ah point 36 hmuin pangana an ni mek bawk.
Neuh neuh
* Arsenal in an defender ṭha te inhliam an tuar a, a bikin right back position a nghet lo. Man United goal pahnih pawh kha a sir aṭanga chhuak ve ve a ni.
* Minute 74 ah Oxlade Chamberlain lachhuak a, Arshavin a luhtir khan Arsenal fans ten Wenger an boo hluah hluah mai a. Chamberlain kha lachhuak lovin khelhtir tluan zawk ta se result a danglam i ring em? Nge huntawp dawn game pressure sâng hmachhawn tura experience ngah tawh Arshavin a luhtir kha a ‘tih tur’ niin i hre zawk?
* Tunhnaia Manchester United leh Arsenal inkhelh hnuhnung 10 ah Manchester United hi vawi 8 an chak tawh a, Arsenal vawi 1 chakin, vawi 1 an indraw a ni.
* Arsenal hi a zawnin Premier League-ah vawithum an chak lo tawh a, hmahruaitu Manchester City aiin point 18 aiin an hniam tawh. Champion turin beiseina i la neihpui em?
* Tun dinhmuna Premier League winger ṭha ber thlang dawn la, Gareth Bale nge i thlan ang Antonio Valencia?
cialis prices
coupon for cialis
Brand name viagra
Generic viagra canada
Oxlade-Chamberlain an thlak kha cu a fuh lo fu a ni
ngaih nawm e.. kei zawng Bale ngat le….
O sorry..lang ta e..
ka post poha lang ve theilo..
a post tupa Ramenga khi ka tran ber..
He post hi tha kati khp mai.. !st sentence a goal thuntu leh inkhel result i ziak nghal khi a tha kati ltk…Duhthu sam ah phei chuan Heading ah hian goal scorer tehi dah tel thei ila chhiar ati nuam leh zual ang. (Chhiarna hun neilo te a awm ve theih tlt). Valencia ngat le….
Arsenal ho chu season tharah Europa Leaque lamah an in lan phak chuan an vanneih ngawt ang ha ha ha….
Arsenal hi chu an first 11 ami an in hliam hian a thlaktute hi an tha tawk lo thin a ni. Djourou kha ‘ bang rawh se’ tih tlak. he he
Arshavin a rawn luhtir kha chu fans an thinrim teh e!
Arsenal hi an tha tawk lo. RVP a form loh phei chuan engmah an ni lo tluk a ni. United pawh an chuti lua lo, an inkhel kha a hmuhnawm lem loh khawp mai. United-in point thum an hmu hi a lawmawm, title inchuhna boruak dai lutuk tur hi a uihawm ve tlat.
I review tha khawp mai. Chhiar a nuam e.
Tunah chuan Manchester Premier League ani tawh mai a..
1st half ah kha chuan Man U an chungnung xawk a,2nd ah kha chuan an inbei tawk viauin ka hria,Arsenal hian player inhlaim an neih hi an tuar mah2 thin ani. Djourou mawlh kha nep ltk…
Arsenal champ chu k beisei twh lo, title race chu united leh city nimai lwm ni.Kpwh veilmah Bale, dinglmah valencia..Chuan Arsenal ho hyn min ngamlo deuh chu ani..GGMU
Chak zawk mah ni ila uang thei kan ni bik lo tlat
74min ah Wenger’n Chamberlain aia Arshavin a rwn lut tir kha chu, a ti sual chiang.
har lo eeee… Tun dinhmunah Bale aia winger tha khawvelah an awm dawn emni?
I zawhna khi a va buaithlak ve maw le.. Vei lam sir a tan Bale ka thlang ang a, ding lam sir atan Valencia a ni mai.
Arsenal tih dan pang ngai chu next season tih kha ni leh mai lom ni……….
arsenal chu tun hnaiah player an nei quality tawk lo tawh ve bawk em a ni.. an supporter rinawm tak tak ho hi an lainatawm!
Poi thin gei mai.big club ro2 ah pawh man utd hi chu kan ngam lo deuh ni
ka striker welbeck leh rvp in score e… Captain Vantastic lai tak khi mawi reuh khawpmai…
good post…:))
Neuh neuh chu chhanglo ang.. Minute 5 chiah ka en hman. Welbeck in a chance missed hnuhnun ber kha chu a uihawm khawp mai.