Old Trafford a English team ṭha pahnih inkhel result chu 8-2 a ni. Premier League champions Manchester United chuan an mikhual, champion tum Arsenal an sawp a, English Premier League ah hma an hruai leh ta. Pathianni zana Manchester leh London club te inkhel result chu – Manchester 13 – 3 London.
He game ‘ropui’ takah hian Manchester United tan Rooney (3), Young (2), Nani, Park leh Welbeck ten an thun a. Arsenal tan Van Persie leh Walcott ten an pet goal thung.
First half chu United tâ
Team pahnihten attacking game an khel ve ve bawk a, first half ah a goal mawlh mawlh mai. Minute 22′ na ah United tan Danny Welbeck chuan hnai set sawtah a head goal a, a siamsaktu Anderson pass a class ngei mai. Arsenal right back leh centre back te inkar âwl ah Young leh Welbeck te an dawk leh zawk ṭhin.
Minute 27 ah Evans chuan penalty box chhungah Walcott a tih tluk vangin penalty a châwi a, Van Persie pet chu de Gea chuan a lo save. A club thar a bul ṭan ṭha lo de Gea tan he save hi a va pawimawh dawn em. United fans te authawm pawh a la reh hman lo tihin Ashley Young chuan minute 28 ah penalty box aṭangin mawi takin a pet goal. Van Persie leh Arshavin ten chance an neih hnuah minute 41 naah freekick aṭangin Wayne Rooney chuan a thun leh a, hei hi minute 45(+3) ah Theo Walcott chuan chhangletin first half a tâwp zui.
Second half ah goal a sûr e
Second half ah team pahnihten fimkhur takin game an hmachhawn dawn emaw tih laiin an innawr nghal pawp pawp mai. Young, Van Persie, Arshavin, Cleverley leh Nani ten chance ṭha tak tak an hmu nghal a, keeper pahnihte an buai nghal hle. Wayne Rooney chuan minute 64′ ah freekick aṭangin a pet goal a, minute 66′ ah Nani pet goal tur a siamsak zui. Nani goal hi chu Arsenal defence chhiat vang liau liau a lut a ni kan ti thei awm e.
Hemi hnu, minute 70 a substitute Park Ji Sung goal thun chu Arsenal lamin van Persie hmangin minute 74 ah an chhânglet. Arsenal buaina belhchhah turin defender Jenkinson chuan penalty chawiin red card a hmu zui a, Wayne Rooney chuan United goal 7 na ni turin a pet goal. Hun tawp dawnah Ashley Young chuan nalh zetin a pet goal leh a, hun la awm se a dang pawh an thunbelh leh ngei ang.
Inkhel bihchianna
Arsenal in Vermalean khelh theih loh an tuar a, defence ah an buai. Huaisen takin Old Trafford ah United an nawr ngam a, hei vang hian defence leh keeper inkarah âwl (space) a tam deuh ṭhin a, he hmunâwl ah United forward tlanchakte an lawr leh nawlh ṭhin. A bik takin a sira khel Jenkinson leh Traore ten United winger te an veng hneh lo deuh. Tlarhma lam erawh an khelchhe lutuk hran lo e.
Eng team pawh tum se, Premier League-a goal 8 thun hi thil awlsam a ni lo. Arsenal laka goal 8 thun phei chu thil thleng zen zen lo a ni. United hmatâwngte an inman em em a, tlarhnungah naupang confi zet zet an rem bawk a, tunlai chu an che fuh tluang ngei mai. Ṭumdang a an intum angin Arsenal in midfield an thunun thei lo a, Rosicky leh an hmatâwngte inkarah Anderson a ding tlat a, an passing mawi tak hmuh tur a tam lo.
Second half a Arsene Wenger-a’n engmah a thlak danglam lo kha a mak in ti ve em? Arsenal tâna manager ṭha ber a la ni tho em le?
Man of the match – Ashley Young
United no 18 thar Ashley Young hian goal 2 a thun a, a ṭhiante tan goal 3 a siamsak bawk. United veilam aṭangin vawi duai lo ball hlauhawm a siamchhuak a, defender naupang Jenkinson a chhaih buai nasa ngei mai. Counter attack ah a hlauhawm a, goal venhim lamah pawh kan hmu zeuh zeuh. Arsenal right back a pawh kâk theih em avangin centre back nen an inkar a zau phah a, helai hmunawl ah hian midang an hlauhawm thei hle.
Paul Scholes khan Old Trafford ah goal ropui tak tak a thun nual a, a jersey no. rochungtu Ashley Young chuan 2 a thun ve ta phawt. Engzat tak thunbelh ang maw?
Engtin zel nge?
Premier League ah Manchester club pahnihten hma an hruai ta phawt a, Man Utd fans te chuan champion an inring viau ang le. Arsenal fans an lunghnur ang a, player thar an leibelh lo a nih chuan season tawpah pawh an lunghnur a rinawm. An player pawimawh te inhliam leh hrem vangin an khel thei lo tih erawh sawinawn leh hram ang.
United boruak a sâng a, commentator in, “That’s why they are champions” a tih te kha fans te tan ngaihthlak a nuam khawp ang. Season tâwp erawh a la hla deuh a, tunah rih chuan, And the Reds go marching on on on……….
cialis super active
cialis cost
cialis online canada
cialis 5mg
How to get some viagra
viagra mail order usa
man city ho min la tum leh dawn alawm tevez captain hnuaiah……tuge thun tam jok kan en dawn nia……Mr.Nasri+tevez
Solid season hmang teh ang u tun season chu….
Si 100 pawh phur se, eng dinhmunah pawh ding se, Arsenal Football Club a awm chhung chu ka danglam ngai lovang, lungngaihni awm mahse, kan tho leh ang..gunners forever!!
North London team ten Manchester team te an ngam lo hle mai, City lakah Spurs ho 5-1 meuhin an tlawm tawh bawk…
Arsenal hian tum se la chuan player tha chu an lalut thei em2 ang.Mata pawh tum tak2 se chuan an lalut thei ang. Wenger-an sum tlemte, hlawh tlemte nena club roqui din a tum hi tun lai dinhmun hian a pawmpui lo a ni e.
Si 8 lai phurzo chiah team ah hian tun darkar tlemte transfer window in hawng ah hian world class players an lut duh ang em le??
Ka thianpa pa thih vangin ka rawn lang tam thei lova, mhs, he site ka hawn veleh he post hy ka zawng nghal…A tawp lam chiah ka en hmana, mhs,a vaia en ang mai ka ni. POST THA TAK A NI 🙂 POST CHHIAR NUAM LEH VAWN NUAM TAK A NI BAWK 🙂
2008-2009 season khan Flamini leh Hleb a te parvul lai takin a kick chhuak a, tun season ah lah Fabreg (Captain) leh nasri an chhuak leh a, rawlthar te te a neih hian champion (!!!!) ta sela tunge hmingtha ang ?? Wengera maw…. ni e…. hmingthatna khum a chak em a lawm. Sum ngah ngah hmeltha a ni ve lo…. Man U te pawhin leiba an ngah, mahse hmingthatna CUP tamtak chawi a ni mai. A ropui zawk fe ang mawle (Hriatsa). A lei ngam tawk players te hi 2nd World class an ni miau a lawm. Worls Class Defender, solid midfielder leh striker la lut tur chuan tun ang club zuih ral dawn dawn ah hi chuan tunge phur taka lut tawh ang tih pawh hi zawhna awm thei tak a ni. Khawvel transfer record a lei te chu ……kaaaa…haaaa…..Bei nge sei run dung an tih kha maw……
Kan pu xet chu engtinge maw min sawp kawi atum le… Si 6 lek2 hi kan phur haw fo mai ang tih a hlauhwm alawm.. World class player (future player ni tawh lovin) pathum tal chu kan lákluh angai a ni… Man utd fans ho bulah sawitur avàng tlat !
Wenger bang rohse tih mai a awl hle mai. darkar 30 vel la awm hi hman tangkai nan hmang se va tha em! ka tan lo thei si lo. midfielder tha an mamawh
Fabregas leh Nasri awm loh chu an tuar hle mai..Transfer bazaar ah hian Wenger a hi a in thlahrung mah2 ani..tuna an Striker lei tum Park Chu-young lah hi Rooney te ang level nih hmel si loh..Bendtner te ang ho hi an kawl hnem lutuk ani… Wenger..harh teh!!!
@Samuela : I kal fuh dawn hle mai Liverpool te chuan Old Trafford ah Man Utd an hneh fo a lawm..:)
huhuhu nuam gey mae….MAN UTD 8-2 ARSENAL,,geyhna om low…..:)) soy lok ag gey in City cugah UNITED hii kan la leg leh gey ag k tiih kha a takin a thleg leh ta ee……nuam ma2,,over liaz..:))
Kum 15 zet rinawm taka ka lo tan ve thin Arsenal hi kalsanin Liverpool ah insawn tawh mai teh ang, tu’n min dem lovang chu maw. Kumin em te hi chuan kan Pu hian players tha a lei ve nual tawh ka lo beisei ania, a ngaihna a awmlo a ni e. Tunah hi chuan player tha tak leitur an vang tawh hmel bawk si a. Arsenal chakloh a ka rilru a nat miahloh vawikhatna a ni in ka hria.
A scoreline a a lang dan m2 khi chu ani bik lo. Shots on goal ah khan an inthlau lo hle ani. Arsenal khan penalty kha miss ta lo se a game kha a dang zar ka ring. Bakah keeper kha an in chet that hleih em bawk tin ani, De Gea a khan sure goal tur an tih ang chi kha a safe nuala, Arsenal keeper ve thung kha chuan safe theih tur kha a chhuah nual thung. Khami khan game a decide hle in ka hria.
Goal 6 an thun hnu kha chuan an duhtawk mai ka lo ring a, a hnu a an goal thun kha chu a inthlahrunawm ka ti khawp mai.
Dim deuh teh u. Tawngtaipui an ngai a nih kha
MANCHESTER FANS nh a .Chawlhni zinga vawksa ei a.Ruling party nih bawk tluka nuam hi a awm dawn a moni le….. AQrsenal ho an khawngaih thak khop mai…an inhmuhchhuah nan a thave thove…
man utd in haiden rial an sur tir …a rau a thok tha bok a nyag…arsenal in an do xo lo..an in hlan ciag kher my
Kan pu hi bang rawh se han ti ngawt ila, tuin nge thlak ang?? Insiam that chu kan ngai a ni. a Policy hi a champion pui zo rih lovah ngai phawt mai teh se…. a player tam tak a chhhawr thei lo tih kan hria, mahse, chu ringawt chu chhuanlam a tling lo. next tih zel hi fans dawhtheihna hian a tlin rei tawh lovang. sala……
nani selfish zia leh rooney unselfish si zia kha…
manchester united tan tu ni mah ila arsenal hi ka khawngaih
Hei tak hi ka hlauh chu a ni reng a ni. Tuna Arsenal tlak chhiat chhan leh players tha te an chhuah nachhan hi tunhnai thil thleng mai a ni lo. Hman atangin world class players an sign duh lo a,an naupang chher hriam te lah an lo larin hlawh tha an pe duh si lova,an chhuak leh a,a rah chu hei hi a ni. Defender 2,midfielder pahnih(world class) tal an lei loh chuan season thara Europa League khelh hi a beiseiawm lem loh.
ManU game cu thothag tha hle my…an rwltharte an chhwr ngama an speed pwh tha e…Chelsea cu Lampard, Malouda te tih leh rikgwt my…an muag ltuk hi va hahthlak tak em…
Ka beisei ang a thleng ta! Wenger hian player the leina chance a hloh tawhah ka ngai! Insiam that kan ngai. Manager bang rawhse! – Arsenal fan..
Arsenal that twk lohvangleh Man united that vang..inswpnasa ngei mai..ha3
Nuam ve mai mai !
Arsenal cu Man Utd inkhel en hnai ve mai2..
A va ho lo ve! Prediction point hmuh zat ka va hre ve chak e..
@elnino bza
Prediction ah point 7 i hmu 🙂 ntk dar 10 ah rawn tih chhuah a ni ang..
keini united hi zawng pa chhete mai kan nia, aaa… arsenal tihfuhloh hun kan tawng mai mai a ni, naktukzing power supply awm hunah ka en ve ang
kn predict fuh hlom khop ang le…:))
arsenal chuan panna lai chu an ngah
A va in sawpji theih ve!
Arsenal that tawk loh vang ah ka ngai first…