Telefoot in an kawmna ah Arsenal midfielder Sami Nasri chuan, ” Arsenal ah contract thar ka ziak dawn nge dawn lo ka hre lo, inbiakna chu a kal mek zel a, tunah chuan ka la ngaihtuah rih lo. Tunkar chhungin kan la sawi ho ang chu” a ti. Hei mai bakah hian Manche.ster United in an lei duh ni a thuthang awm chungchangah, ” United a kal ka duh em? Min duh tak tak leh tak tak loh han hrechiang phawt ila.” a ti bawk. Arsene Wenger a nuih ver ver ring suh.

Season liam ta-a Arsenal player thawhhlawk ber pawl Nasri hian nakum thleng contract a nei a, contract thar a ziah loh chuan season leh tawp rualin free agent a ni ang. Hei hi Arsenal chuan an duh lo a, July thla thleng a contract thar a ziah duh loh chuan chhuak turin an hriattir tawh nghe nghe a ni.

United fans te an phur lutuk hmain Wenger a tawngchhuak nghal a, a player duhlai hi Manchester United lamah a chhuahtir loh tur thu a sawi nghal. Transfer season ah hi chuan thil mak tak tak a thleng thin a, engtin nge an inbiak zel ang tih chu hriat chakawm tak a ni.