Red Devils hian tunhnaiah an thawhrim rah sengin sum an huilut hnem hle a, DHL nena an inthlunzawmna te leh thildang dangte avangin an leiba pawh £433.2 million ah a tla thla tawh e.

Manchester United chuan official a thuchhuah siamin an financial year a 1st quarter (July- Sept) chhungin 16.5% in an hlep a pung a, hei hi pawisa chuan £10.5 million a pung niin he hun chhunga an hlawkna tel chu £73.8 million a ni.

Red Devils ho hi an commercial turnover [phei chu a tha lehzual a, 22.3% a pungin a £29.6 million an lalut a ni. Hei hi £40 million a DHL nena training kit sponsorship inremna an ziah vang a ni pakhat a ni.

United hi an matchday income pawh 9.6% a pung bawkin hemi quarter chhung hian £21.6 million an lalut a, tin, media revenue ah £22.6 million an lalut bawk a ni.

He an hlawkna hmuhlet a that em avang hian an club leiba pawh £83.5 million a tlahniamin tuna an leiba chu avaiin £433.2 million a ni.

United commercial director Richard Arnold chuan thla hmasa tawh khan club in kawng chi hrang hrangin sum dinhmun lam hmasawn tura ruahhmanna an neih thu a lo sawi tawh a, ” Ngaihtuahna te, tha leh hun tam tak sengin tun dinhmun hi kan thleng a ni a, tunah pawh hian hmalam hun thlirin hma kan sawn zelna tur kan ngaihtuah zel a ni.” tiin a sawi a ni.