Manchester United: Darren Fletcher a lo kîr leh ta

Posted on August 15, 2012August 15, 2012 by Ramenga

3 min read

Manchester United midfielder Darren Fletcher chu a pum ṭha lo avanga thla kua zet a chawlh hnuah, Thawhlehni khan Man United kawr ha chungin a inkhel leh thei ta.

Thawhlehni-a Aberdeen leh Manchester United XI te inkhel hi Aberdeen player hlui Neil Simpson chawimawina a ni a, Aberdeen tân Jonny Hayes leh Joe Shaughnessy ten goal khat ve ve thunin, Anderson chuan Man United tân goal khat a thun ve bawk a ni. He inkhel hi friendly match mah nise Sir Alex Ferguson chuan Paul Scholes, Ryan Giggs leh Rio Ferdinand te a luhtir a, hranghlui Dwight Yorke, Clayton Blackmore leh Quinton Fortune te an inlan bawk. Mahse anni ho zawng zawng aia Manchester United fans te mit la tu leh chanchinthar siamtu chu Darren Fletcher a ni.

Fletcher hian minute 60 na ah Ryan Giggs thlakin captain armband a rawn hreng a, hei hi November 2011 hnulama pangngai taka a inkhelh leh hmasa ber a ni. Season thar ṭan hunah fit hman dawn lo mahse hetia a inkhel ve leh thei hrim hrim hi hmasawnna pakhat chu a ni tawh reng reng a ni.

United boss Sir Alex Ferguson chuan, “Hma a sawn ve bek bek zel e. Karhnih vel kalta khan training a zawm ṭan a, a hmasawn dan uluk taka lo thlir bak hi chu tih theih dang kan nei hrih em em lo. Tunhnaiah a vanduai thei em em a, chuvangin uluk taka inenkawl a ngai dawn a ni.” tiin a sawi. Twitter a tam ve tak Rio Ferdinand pawhin Fletcher chu lo lâwmin, duhsakna a hlan thu a tweet nghal a ni. Fletcher hi season ṭan hunah Manchester United tân a khel ve nghal thut thut dawn tihna a ni lo a, club assistant Mike Phelan chuan rei fe nghah a la ngaih tur thu a lo sawi tawh a ni.

Darren Fletcher khelh dan kan hria a, a tlan tam leh taimak hi a game pumpui innghahna a ni. Kum 28 a ni tawh a, a dam loh hma chu a pha tawh kher lo maithei a, a hma aia ṭha mahin a lo lêt thei tho bawk. Thlalak aṭang hian a cher ve kawk a ni tih a hmuhtheih. Engpawhnise, a inhliam lai ai chuan a inhliam lohin club tân a ṭangkai dawn tih a chiang e.

Eng club mi leh sa pawh ni se, rei tak an inhliam hnua player an rawn ‘comeback’ leh hi chu an lawmpuiawm ve hrim hrim a ni. Infiammite tân chuan inhliam hi thil pawi tawpkhawk a ni ṭhin si a. Manchester United fans ten an number 24 inkhel ‘tak tak’ hmuh hlan an nghakhlel tawh khawp ang le.

Ramenga http://www.zofooty.com

Manchester United: Darren Fletcher a lo kîr leh ta

Posted on August 15, 2012 by Ahruaia Lil'Foe

Manchester United midfielder Darren Fletcher chu a pum ?ha lo avanga thla kua zet a chawlh hnuah, Thawhlehni khan Man United kawr ha chungin a inkhel leh thei ta.

Fletcher hian minute 60 na ah Ryan Giggs thlakin captain armband a rawn hreng a, hei hi November 2011 hnulama pangngai taka a inkhelh leh hmasa ber a ni. Season thar ?an hunah fit hman dawn lo mahse hetia a inkhel ve leh thei hrim hrim hi hmasawnna pakhat chu a ni tawh reng reng a ni.

United boss Sir Alex Ferguson chuan, “Hma a sawn ve bek bek zel e. Karhnih vel kalta khan training a zawm ?an a, a hmasawn dan uluk taka lo thlir bak hi chu tih theih dang kan nei hrih em em lo. Tunhnaiah a vanduai thei em em a, chuvangin uluk taka inenkawl a ngai dawn a ni.” tiin a sawi. Twitter a tam ve tak Rio Ferdinand pawhin Fletcher chu lo lâwmin, duhsakna a hlan thu a tweet nghal a ni. Fletcher hi season ?an hunah Manchester United tân a khel ve nghal thut thut dawn tihna a ni lo a, club assistant Mike Phelan chuan rei fe nghah a la ngaih tur thu a lo sawi tawh a ni.

Darren Fletcher khelh dan kan hria a, a tlan tam leh taimak hi a game pumpui innghahna a ni. Kum 28 a ni tawh a, a dam loh hma chu a pha tawh kher lo maithei a, a hma aia ?ha mahin a lo lêt thei tho bawk. Thlalak a?ang hian a cher ve kawk a ni tih a hmuhtheih. Engpawhnise, a inhliam lai ai chuan a inhliam lohin club tân a ?angkai dawn tih a chiang e.

Eng club mi leh sa pawh ni se, rei tak an inhliam hnua player an rawn ‘comeback’ leh hi chu an lawmpuiawm ve hrim hrim a ni. Infiammite tân chuan inhliam hi thil pawi tawpkhawk a ni ?hin si a. Manchester United fans ten an number 24 inkhel ‘tak tak’ hmuh hlan an nghakhlel tawh khawp ang le.