English midfielder Ashley Young chuan vawiin khan Manchester ah medical test a paltlang a, Manchester United player a ni ta.
English champions hian Young hi kum5 chhung contract an ziahpui a, a man hi puanzar a ni lo chungin 15 million pounds vel a nih rin a ni. Veilam leh dinglama khel thei ve ve, a laia hman theih bawk Young hian kum 2003 ah Watford atangin bul a tan chho a, 2007 ah Aston Villa ah lutin Villa player pawimawh ber pawl a ni chho a, goal 30 khungin a teammate te goal thun tur siamsak lamah a thawhhlawk hle a, Premier League season hnuhnung 5 ah phei chuan assist nei hnem ber dawttu a ni.

• Sunderland chuan season tharah an ti mai mai dawn lo tih an tilang a, player thar 2 an lei. Birmingham City atangin midfielder Sebastian Larsson an la a, Coventry atangin keeper Westwood an la bawk. Larsson leh Westwood te hian an club ah June 30 thleng contract an la nei a, contract pawhsei sak an nih loh avangin July 1 atangin Sunderland player an ni tawh dawn a ni.