Dortmund hian English winger kum 20 mi manah hian £108m an chhiar a, tawlhsawn an tum lo. Amaherawhchu, hei hi vawikhata pe tlak nghal lova a kah paha pek dan tur chungchangah an indawr leh mek.
German club hian season thar tan dawn laia player chungchanga buai an duh loh avangin Red Devils hi August 10 hmaa thutlukna siam fel turin an hriattir tawh a ni.
Season thar hi September 18 a tan tur niin October 5 thleng player insawn kual hun hawn a ni ang.
Dortmund hian kum 2017 khan Manchester City atangin hetih hunlaia kum 17 mi leh Sancho hi £10m-in an la lut a, a chetthat zui em avangin an hralh chhuak a nih pawhin sum tam tak an hlep ang.
A thlaktu tur niawm takin July thla khan Dortmund hian English midfielder Jude Bellingham chu Birmingham City atangin £30m-in an lo la chhuak tawh bawk a ni.
Sancho hian season liam ta Bundesliga game 32 khelin goal 17 a thun a, a thiante goal thun tur vawi 17 a siamsak bawk a ni.