MANCHESTER UNITED IN SANCHEZ AN HNAIH ? – Lawmkima Hmar

Arsenal forward Alexis Sanchez chuan January transfer-ah boruak neih chhunzawm zelin tun dinhmunah chuan Manchester City aiin an elpui Manchester United in an hnaih zwk niin a lang a, player duhthlannah thui tak a innghat bawk ang.

Arsenal chuan an player tha ber hi £35m an chhiar a, hei bakah hian a agent in agent fee atan £5m a beisei bawk avangin Chilean forward lei na’na senso zawng zawng hi £40m a tling chho dwn a. Hei vang hian £20m a lakchhuah tumtu City chuan a to tiin kiansan mai an tum niin a lang.

Hetih mek lai hian Manchester United chuan Arsenal in an chhiarna zata lei an hreh lo va, tin, pawisa baka Henrikh Mkhitaryan pek tel thlengin an huam bawk. United in an dawrna hian Gunners lung a dum a, season tawpa man lova chhuahtir tawp ai chuan player in a duh phawt chuan Reds Devils in rin loh takin Sanchez an la thei dawn niin a lang.

Amaherawhchu, kum 29 mi Sanchez hian Pep Guardiola hnuaia khelh a chak avangin City hi pan a duh a, a man chungchangah an inrem theih si loh avangin Etihad Stadium pan turin season tawp a nghak dawn nge, a ngam huai zawk lam a pan ang tih chu hriatthiam har tak a ni rih.

United boss Jose Mourinho chuan thuthar lakhawmtute hmaah, “Sanchez hi Arsenal player a ni a, tunkar tawp hian Arsenal kawr hain a club vawnlai tan a inlan danw em tih ka hre lo. Tun dinhmunah chuan a chungchang lo sawi chiam hi thil mawi pawh a ni lo vang.

“Thil nihphung pangngaiah chuan keimah leh Manchester United board leh club neitute hian January thlaa player thar lakluh hi kan thupui tehchiam lo.

“Player satliah lak hi kan tintuah meuh lo. Mahse, football khawvelah hian player tha bik tak leina remchang i nei a nih chuan January, March or July pawh nise, lei tumin i tho chhuak ngei ang. Chu chu thil awmzia a ni,” tiin eng hunah pawh an duh zawng tak player lei tur an hmu a nih chuan a lei hreh loh tur thu a sawi. – Simon Stone & David Ornstein, BBC Sport