Chelsea 0-1 Man Utd
Rooney 24′

UEFA Champions League : UCL Quarter Final ah Manchester United chuan khualmual Stamford Bridge ah Wayne Rooney goal khat hmang in 1st leg ah Chelsea an va tlawm.

Inkhelh an tan :An ni pahnih inkhel hi chu EPL atang tawh a game pui leh tun hnai kum 5 atang phei chuan England ah vawk lallen pahnih an ni bawk a, game boruak pawh a sang hle a. Manchester United in tunkum ah Treble champion nih an tumlai in, Chelsea tan he tournament hi an champ theihna la awm chhun a ni thung.

Manchester United in an player inhliam Ferdinand an chhawr thei a,chutih lai in midfield ah Valencia,Carrick ten an start a, Nani leh Berbatov an bench lam ah an awm thung. Chelsea in Anelka aiah striker duhsak hlawh Torres an start tir leh a, Malouda leh Kalou te bench ah an awm bawk, an defender tha David Luiz chu Cup-tie avangin an chhawr theilo thung. Game tan atang in an innawr tawn nghal a, striker tha nei ve ve inkhel a ni bawk a, goal hlauhawm tak tak a awm nghal zel a tih theih , a lehlam ve ve fans tan chuan ball chang zawk zawk kha a hlauhawm nghal a ni thei zel mai. Min 24′ ah Carrick long cross tha zel mai che Welsh pachal tar theilo Ryan Giggs chuan box chhung ah a tlanluh pui a, mark tu nei lo Wayne Rooney chu pe in, a ni hian Peter Cech a dan phak loh in nalh tak in a ti goal a. Hetiang Goal hi Clinical Goal an tih ang kha a ni. Half time dawn tep ah Chelsea in chance tha tak an nei a Drogba cross chu Torres chuan a lo back flick a Vander Sar in a dan pha lo mahse goal ban a fuh hlauh a, a ball rawn chhuak phei leh chu Lampard in a lo volley a Evra in goal line ah a lo dang hram a, half time a ni zui ta a ni. 2nd half ah goal innawr tawn zak zak mahse goal an khung theilo ve ve a, injury time ah Ramires ball khalh lai Evra in penalty box chhung ah a khalh thuk chu referee in dive a ti tlat a, Manchester United 2002 atang a Stamford bridge la chak leh ngai miahlo chu an chak ta a ni.

2nd leg thlirlawkna :
Manchester United hian tun season ah Chelsea EPL ah an lo hnehlo tawh a, player in hrechiang tak ve ve an nih avang in inkhel hi a la zo lo. Old Trafford ah Manchester in a mikhual te chungah thatchhuah vak ngailo mahse Champions League a ni tlat a, a game a sang a pressure sang tak a inkhel leh tur an nih avangin tu zawk zawk pawh la chak thei an ni. 2nd leg ah Evra a hrem a ni dawn a,a khel theilo dawn a, Rafael a inhliam kha engchen nge tih a hriat loh bawk.Game hmuhnawm tak a ni beisei ila a tawp mai ang.

Chelsea hi Torres hian a tibuai a nimai em?
Ancelloti khanTorres aia Malouda luh tir sela a fuh zawk ang em? An natural game tactic 4-3-3 kha Torres hian a rawn ti buai a nimai lo maw.Kalou leh Malouda hman loh an an awm khan an midfield a ti chak lo sawt in a hriat. Anelka khan Torres thlak zawk sela a fuh zawk a rinawm. Mahse, Liverpool a awmlai atang a Old Trafford a goal khung thei hi player chhe ta vek a nilo ti chu i hria ang u. 2ng leg ah ropui tak a, a khelh loh chuan a dinhmun erawh chu a sawi nghin phah ve khop ang. Liverpool ah Champions League khelh phakloh hrehawm a tih avanga chhuak ang a insawi a nibawk a. Tunah chuan Chelsea chelhdin pui tur a player tangkai a ni thei ang em tih chu a chung ah a innghat ta!!

Inkhel highlight enduh tan :