Barclays Premier League tui leh luhchilhzual te chuan midfielder naupang beiseiawm tak tak te hming chu kan hre hneh hle awm e. Jack Wilshere (Arsenal) hnuah England a midfielder beiseiawm te ngaihven an hlawh leh zual a. Lampard leh Gerrard te kum lamah an lo upa tan nen. Josh McEachran (Chelsea), Alex Oxlade-Chamberlain (Arsenal) kan sawi zingah Manchester United midfielder beiseiawm tak kum 19 mi Paul Pogba hi sawihmaih chi a ni lovang.
Tunhnaia Manchester United khel kan en chuan substitute ah Paul Pogba hming hi kan hmu ziah awm e. Hei hi tunhnaia a that thut vanga he hmun changpha a ni lova. A thiam si a, khelhna hmun a changlo thin a, a lungawilo, Manchester United coaching staff lamin tihlawm an tum a, chelh zui zel an duh vang niin a lang. France tan youth level ah a inlan nual tawh a. A thiamna hi midang pawhin an hmuh hmaihlo. Tunah hian Juventus in lungawilo Pogba hi sum thahnem tak nen an sawm nasa tih sap ram chanchinbu te chuan an sawi a. Manchester United leh Juventus inchuhna nasa tak karah hian Pogba hian khawi zawk hi thlang tak maw.
Manchester United hotuten Pogba contract hi pawhsei an tum mek lai hian Juventus hotute hian kum 5 chhung contract ziahpui an inhuam a. He kum 5 contract ah hian a tir kum 2 chhung kum tin pound 418,000 hlawh tur leh ‘first team’ a khelh phak chuan a hlawh hi kum khat a pound 835,000 a san turin an inhuam thu chanchinbu thenkhat ah an tarlang. Pogba tihlawm tum hian club pahnih hotute chu tunlai hian tan an la nasa hle niin a lang a. Manchester United a hlawh tlem zawk a, a hun nghah nge a thlan ang a sum tam zawk (tax a tlem zawk Italy ah) hlawh a Turin lam pan tih hi tunlai chanchinbumi te ngaihven ber te zingami chu a ni awm e.
viagra canada
Discount viagra online
A Chhuak chuan a ti sual ang… A khel en in a tha viau nan duhthusam lohna deuh ka nei tlat… Scholes anga tha hi chu United hian kan nei tawh dawn lo a nih hi..
contract a sign tawh kha.
Chhuak lul love,.. Thianpa Scholes a a upat toh hi, Cleverly nen hian kan future tur an ni sin…
Ka hmui hian Pogba a tihna lamah a kawh zo ta e.. Chhuak lo hram teh se..
Juventus hotute sawmna chu unofficial takin a pawm tih te kha sawi chu a awm a. Thu chiang erawh hriat a la nilo.
Pogba sawi apiang hian LALZARZOVA hmel zu han lang tlat pek a 🙂 Good post macha. a chhuah loh ngei beisei ang. Hmanni khan a chhuak tawh tih thawm te kha a awm hman a.
England a midfielder awm, France tana youth level a fehchhuak. English midfielder tihna anilo 🙂
France youth level a akhelh te pawh in ziak tel leh si e..engpawhnise, good post.
England rama midfielder ngaihven an hlawh zual ka tihna mai..French citizen a ni. Guinean lam chhuak a ni thung.
Pogba hi french ( France) a niin ka hria a, English niawm takin in ziak lawi a.
March ni 15 a piang hi ka tan lo thei lo…:)