Manchester United striker Wayne Rooney chu Inrinni zana Fulham an hneh ṭumin a inhliam a, thlakhat vel a inkhel thei dawn lo niin Man United official website ah tarlan a ni.
Inkhel tawplamah Fulham hian an siphurh sût tumin United an nawr hle a, Fulham striker Rodallega shot lo dan tumin Rooney hian a va chuh a, Rodallega hian a shot zawhah rap zui ta a ni. Rooney hi a malpui dinglam a kak a, field chhungah enkawl nghal niin zâwnchhuah nghal a ni.
Rooney hi damdawiinah hruai nghal a ni a, a hliam hi a thûk deuh avangin kar li emaw lai a chawlh a ngai dawn niin Man United boss Sir Alex Ferguson chuan a sawi.
Sir Alex chuan, “Inhliamna pawi tak a ni. Damdawiinah hruai a ni tawh a, tun dinhmunah chuan kar li vel tal a chawlh a ngai dawn niin a lang. Engtin chiah nge a inhliam dan ka la enchiang lo a, player (Rodallega) khan a s
hot zawhah a rap niin ka hria. Pawi tak a ni.” tiin inkhelh zawhah MUTV a hrilh. Sir Alex-a’n he thu a sawi lai hian replay a la en hman lo a ni ngei ang.
Kar hmasa-ah Manchester City Sergio Aguero a inhliam tawh a, tunah Rooney a inhliam leh ta. Season hmasa-a Premier League striker ṭha ber pathum zinga pahnihte hi inhliam vangin an chawlh rih a ngai dawn a ni. Rooney hian September ni 7 a Moldova an tum hunah leh, September ni 11 a Ukraine an tum hunah England tân a khel thei dawn lo a. Premier League-a Southampton, Wigan Athletic leh Liverpool an hmachhawn hunah Man United tân a khel thei lo bawk ang.
Manchester United in Robin van Persie an nei tawh a, Wayne Rooney inhliam hi engtiang chiaha pawi nge a nih dawn tih chu hunin a la hril ang chu.
source: manutd.com
cialis daily cost
canadian cialis
Cialis in the united kingdom
Cialis overnight shipping
A nat hmel khawp mai, a kak chiang ropui si a. Dam vat se tha ang., RVP tan chance a tha dawn khawp mai 🙂
Rooney a chawlh chuan hmelma ho chuan an tuar khawp ang, Hernandez leh Welbeck hi chuan Rooney hmun hi chu an hnawhkhat zo lo vang.
A kak dan kha ka rap, pawi hle mai, mahse Hernandez leh Welbeck tan khelh theihna chance awm ve dawn tihna ni mai.
#1 Season hmasa tih khi ka lo chhiar lo, sooo sory ry…heheheee
Striker tha ber pathum i tih te khi tu te nge ooo, kan ngaihdan a in anglo nuaih ang a.hahahaaaa…..Rooneypui-a chu poi ka tihpui hle mai, a inkhel en hi a nuam ve hrim2 a…