Footballer piang tawh zingah, Diego Maradona tluka field chhung leh pawna chanchin ngah hi an tam awm lo e. United Arab Emirates (UAE) football club Al Wasl coach Maradona hian Zirtawpni-a Al Wasl leh Al Shahab ten UAE football league an khelh zawhah Al Shahab fans ṭhenkhatte chu mi dawihzep an ni tiin a sawi.

Zirtawpnia inkhelah hian Maradona club Al Wasl hi 0-2 in an chak lo a. Al Wasl fans te chuan goal 1 thun a, goal 1 siamchhuaktu Al Shahab Brazilian striker Ciel chu lo au nawmnahin, hemi chhân let nan hian Al Shahab fans te chuan Al Wasl players nupui leh ngaihzawngte an au nawmnah ve thung a, hei hi Maradona chuan ngaihthei lo in a inrawlh ta a ni. He match hi Al Shahab home-a khelh niin, Maradona ‘bialnu’ nia an sawi Veronica pawh auh nawmnah zingah hian a tel ve nghe nghe.

Maradona hi fans te ṭhutna (a bialnute ṭhutna) ah han chho in, Al Shahab fans te nen an innawrbuai hman lek lek a, mahse venghimtute an inrawlh vat avang leh, players leh an kawppuite hi stadium aṭanga hruaichhuah vat an nih avangin buaina a chhhuak ta lo a ni. He thil thleng avang hian hliam na tak tuar an awm lo niin media chuan an report bawk.

Inkhelh zawhah Maradona a ngawi thei lova, “Mi ṭhenkhat hi chu an dawihzep em em a, hmeichhia chiah an tibuai ngam a, mipa hmachhawn turin huaisenna an nei lo.” tiin a bialnu leh a players te nupui/ngaihzawng lo chhaih nawmnahtute chu a chhu zui.

“Hei hi fans te laka ka lungawi lohna hmasa ber a ni awm e. Ka lakah an thinrim a nih chuan ka bialnu an auh nawmnah vanga an ṭhutna-a han chho ka ni a keimah ni lovin, lo au nawmnahtute lakah khan an thinrim zawk tur a ni. Khang ho kha chu mi dawihzep an ni a, fans tak tak pawh an ni lo.” tiin a sawi.

video en duh tân: