March thla tawp atangin Super Cup

Vawiina AIFF League Committee thukhawm chuan March ni 31 atangin Indian Super League leh I-League a club tha zualte tan Super Cup khelh a rel.
 
New Delhi khawpuia meeting thuchhuah dan chuan Super Cup hi team 16 telna tur niin ISL leh I-League a a sang paruk (6) ve ve te chuan direct in Super Cup hi an khel ang a, club dang zawngin hmun ruak pali (4) la awm hi an inchuh dawn a ni.
 
Ruahman dan chuan qualifier hi March ni 12 atanga khelh tan tur niin inelna hi March ni 31 ah tanin April ni 22-ah zawh hman tur a beisei a ni a, amaherawhchu Aizawl FC leh Bengaluru FC te’n AFC inelna an la hmachhawn dawn vangin fixture hi siam rem a la ngai maithei. Super Cup hi khawi hmunah nge nghah a nih dawn a la chiang lo a, Cuttack emaw Kochi-ah emaw nghah a nih rin a ni.
 
AIFF Senior Vice President Subrata Dutta kaihhruai committee-ah hian Pu Lalnghinglova Hmar chu Deputy Chairman a ni a, member pawh an kal tha hle a ni.
 
(Pic : AIFF)
Posted in AIFF, Aizawl Football Club, I-League, India, Ramchhung.

One Comment

  1. Pingback: Fitflop Flower Sandals

Leave a Reply

Or