Match 12 lawih an hrem

Luis Suarez-a’n Chelsea defender Branislav Ivanovic a seh tum khan match 10 khel thei lo turin an hrem. Kha aia mawi lo kha football khawvelah a tam kher lo ang, amaherawhchu khelhpuite seh aia hremna a erawh a awm thung.

Rochdale striker Calvin Andrew chu Oldham defender Peter Clark a nghawk avangin match 12 an hrem dawn. October 29-a inkhelah hian Lactic (Oldham sawina)-in Dale hi 1-0 in an hneh a, Andrew pawh hian hrem a tawk lo.

Amaherawhchu Football Association-in video hi an en let leh a, match 12 khel thei turin kum 29-a upa Andrew hi an hrem. League One a thil thleng mah ni se hremna hi a nat em avangin sawi zui a hlawh hle. Crystal Palace striker hlui Andrew hian hremna hi a pawm tawh a, January hma chuan a inlan tawh lo.

Manchester United striker hlui Eric Cantona chu kum 1995 khan Crystal Palace ‘kung fu’ style-a a tlawh avangin thla kua hrem a lo ni tawh a, Chelsea goalkeeper hlui Mark Bosnich chu kum 2003 khan cocaine a lo khawih thin avangin hetiang zat bawk hi hrem alo ni tawh bawk.

Posted in English Premier League, Europe and tagged , , , .

Leave a Reply

Or