Merseyside Derby nizan a khelhah Liverpool in Gerrard hattrick hmang in an thenawm leh an hmelma hlun Everton chu Anfield ah 3-0 in an sawp. Steven Gerrard hian derby match ah goal 7 thun tawh in Liverpool player zing a Derby match a khung hnem ber a ni ta. Liverpool hian kum 9 chhung in derby match ah an chak nasat ber tum an tawng bawk.

Inkhel boruak :

Inkhelh hmachuan Liverpool hian tunhnai match2 ah Arsenal leh Sunderland an lo hnehloh tawh avangin an home pawh nise fans te a pawr ngam lo hle a. Chutih laiin Everton hian Table a 3-na Tottenham lo hneh zo hlim an ni bawk a phur tak leh beisei sang tak in Anfield an lut thung.

Game an tan a, Liverpool in a dan pangngai in khel tan tirh phur an nei leh nghal a, ball an chang tam nghal hle a. Min 10 chhung in Suarez leh Gerrard ten clear chance an neih chu Howard chuan a lodang fuh thei hle. Liverpool in ball chang tam mahse Everton lam in ball an chan in a hlauhawm thei fu thung. Min 34 ah Liverpool in ball an chang a team goal ropui tak kan hmu a, Henderson chuan ball tlan luh pui in Suarez  a pass a, Suarex in a sir ah Kelly a pass a, Kelly shot chu Howard chuan lo dang per in, a per lo chhuak leh chu Gerrard in mawi leh cool tak in Everton keeper leh defender pali te dan phak loh in a chip lut mawi hle. An innawr tawn zak zak hnu ah goal dang luh belh lo in 1st half a zo.

2nd Half an tan a Liverpool bawk in bul an tan tha leh hle a, tan atang a min 6 lek ah Suarez chuan chak tak in ball khalh lut in box veilam sir atang in defender bum in ball a tlan luh pui chu Gerrard box chhung a lo tlanlut chuan hnai set sawt ah chiang mangkheng in a volley goal a, 2-0 a ni ta a Liverpool an phur hle. Everton an rawn tang ve leh a, ball an chang tam tan a, Reina in save tha deuh deuh vawi 2-3 vel a nei a, a bak chu Liverpool defender te an khawng a, Enrique a bik in a khel tha hle. Min 90 ah Liverpool in counter attack atang in Suarez in ball a um lut a, selfish mahni a pet goal tum tak ni thin khan a in hrechhuak ve ni ngei tur in Gerrard chu a back pass a, chang tu neilo Gerrard chuan chiang tak in a pet goal a. 3-0 in Liverpool an chak ta a ni.

Liverpool hi Carling Cup an champion hnu ah an chak leh na hmasa ber a ni a, game 28 khelh ah point 42 chiah hmu in 7-na ah an awm a, pa 4-na Arsenal nen point 10 lai in an inthlau tawh a, Europa khel tur in chiang tawh mahse UCL khel thei dinhmun a ding leh tur chuan team dang chetchhiat ah an innghat tawh a, beisei an nei tlem tawh hle ang.Premier League in um na a hmuhnawm chho zel tur a ngaih a ni.