Mertesacker leh Valencia te an inhliam rei dawn

Estimated read time 2 min read

Arsenal defender Per Mertesacker leh Manchester United winger Antonio Valencia te chu inhliam vangin hun engemaw chen an chawlh a ngai dawn.

Mertesacker a inhliam rei dawn

German defender Mertesacker hi kar hmasa Inrinni-a Arsenal in Sunderland an hneh ṭuma inhliam daih tawh a ni a. Khami ṭum khan field aṭanga zawnchhuah a ngai nghe nghe a nih kha.

Arsenal manager Arsene Wenger chuan Zirtawpni khan Mertesacker inhliam chungchang hi Arsenal club official website hrilhin, “Vanduaithlak takin zai a ngai a, hun engemaw chen chu kan chân dawn a ni. Engtia rei chiah nge a chawlh dawn ka hre lova, mahse a kheimit tha siamṭhat a ngaih avangin hunrei tak chhung chu a chawlh a ngai dawn a ni.” tiin a sawi.

Arsenal tân Mertesacker inhliam hi a uihawm viau ang a, season chawhnu lam, ṭan lak ngaih hun lai taka player pawimawh inhliam neih hi manager te hlauh em em a ni. A inhliam rei viau a nih chuan Euro 2012 ah Germany tan a khelh phak loh phah thei mai angem?

Arsenal leh AC Milan an intum ṭuma inhliam Laurent Koscielny erawh a ngaihtuahawm lova, kar khat emaw chauh a chawl dawn niin Wenger hian a sawi bawk.

Valencia thla khat chhung

Kum 2012 a Manchester United player ṭha ber chu Antonio Valencia hi a ni awm e. He Ecuadorian winger hi Europa League-a Man United leh Ajax an intum ṭumin a malpui tha a tinâ a, thla 1 vel tal a chawlh a ngai dawn.

Season tâwp inum boruak ‘hot’ lai a ni a, player pawimawh Valencia inhliam hi Premier League champion tum Manchester United tân a pawi thui viau maithei. Mahse tunah hian United player inhliam ho an rawn dam chho leh mek a. Nani, Ashley Young, Phil Jones, Chris Smalling, Tom Cleverley te chu inkhel thei turin an ‘fit’ vek tawh a ni. Valencia awm loh laiin Man City umpha thei tak ang maw…

source: premierleague.com

 

 

You May Also Like

More From Author

7Comments

Add yours
  1. 4
    Shyma

    Tlan chak, tharum ngah, thiam bawk valencia inhliam hi cu pawi ngawt mai. Mahse nany leh young an rawn let, chumai a ni lo, smalling leh midang an rawn let hian rilru a ti lawm leh zual a ni hi.

  2. 5
    Shyma

    ‘Ben’ i va han thiam ngai ve, mahse ‘chaw bar puk puk’ tih aiin ‘sawmfang hawp’ chung in te ti zawk la, a mawi leh zual ang a, ka lo ti ve a.

  3. 6
    ben vangchhia

    Midang hi in va insum ve ma le.. Muttui nan ka’n tui hnih lawk…. Mertesacker hian Arsenal ah hian ka beisei a pha lo khawp mai. Valencia erawh a Game hi a hmuhnawm. Mizopa duh chi niin ka hria. A rawn kir leh hunah chuan a sur a sa hnuaia feh chhuak thin thingtlang tlangval ngei mai pawn maian bai, bawrhsaiabe, samtawk leh bawkbawn engilo fahran hmeh chunga thlam a lengi te bula chaw bar puk puk pahin ”Valencia hi ka duh ber a ni” an la ti ang ma le.:-)

+ Leave a Comment

Mertesacker leh Valencia te an inhliam rei dawn

Arsenal defender Per Mertesacker leh Manchester United winger Antonio Valencia te chu inhliam vangin hun engemaw chen an chawlh a ngai dawn.

Mertesacker a inhliam rei dawn

German defender Mertesacker hi kar hmasa Inrinni-a Arsenal in Sunderland an hneh ?uma inhliam daih tawh a ni a. Khami ?um khan field a?anga zawnchhuah a ngai nghe nghe a nih kha.

Arsenal manager Arsene Wenger chuan Zirtawpni khan Mertesacker inhliam chungchang hi Arsenal club official website hrilhin, “Vanduaithlak takin zai a ngai a, hun engemaw chen chu kan chân dawn a ni. Engtia rei chiah nge a chawlh dawn ka hre lova, mahse a kheimit tha siam?hat a ngaih avangin hunrei tak chhung chu a chawlh a ngai dawn a ni.” tiin a sawi.

Arsenal tân Mertesacker inhliam hi a uihawm viau ang a, season chawhnu lam, ?an lak ngaih hun lai taka player pawimawh inhliam neih hi manager te hlauh em em a ni. A inhliam rei viau a nih chuan Euro 2012 ah Germany tan a khelh phak loh phah thei mai angem?

Arsenal leh AC Milan an intum ?uma inhliam Laurent Koscielny erawh a ngaihtuahawm lova, kar khat emaw chauh a chawl dawn niin Wenger hian a sawi bawk.

Valencia thla khat chhung

Kum 2012 a Manchester United player ?ha ber chu Antonio Valencia hi a ni awm e. He Ecuadorian winger hi Europa League-a Man United leh Ajax an intum ?umin a malpui tha a tinâ a, thla 1 vel tal a chawlh a ngai dawn.

Season tâwp inum boruak ‘hot’ lai a ni a, player pawimawh Valencia inhliam hi Premier League champion tum Manchester United tân a pawi thui viau maithei. Mahse tunah hian United player inhliam ho an rawn dam chho leh mek a. Nani, Ashley Young, Phil Jones, Chris Smalling, Tom Cleverley te chu inkhel thei turin an ‘fit’ vek tawh a ni. Valencia awm loh laiin Man City umpha thei tak ang maw…

source: premierleague.com

 

 

You May Also Like

More From Author

+ There are no comments

Add yours