Messi leh Fabregas goal 1 ve ve hmangin Barcelona in UEFA Super Cup an chawi.

Hun chanve hmalamah Barcelona tan Messi hian si khat a khung a, hun chanve hnulamah Arsenal atanga chhuak Barcelona a haw ni si hian si khat dang khung belh lehin Porto si hnih faiin an hneh ta a ni. Fabregas hian inkhelh pangngai Barca tan a vawikhat khelhna a ni a, an Manager Pep Guardiola hnuaia cup an kal tum 12-na chiah a ni ta a, kuminah 2 an la der tawh bawk!

European Player of the year atana an thlan Messi hian Porto midfielder Fredy Guarin-a back-pass sual vangin minute 6-naah a thun teuh hle a, Guarin hian red card a hmu nghe nghe a ni. Europa League Champion Porto lam hian an tan tha hle a, mahse Guardiola lam hi insiamtha vatin inkhel an thunun ta a, Messi hian minute 38-naah si khat khungin Barcelona hian hma an hruai ta a ni. Porto lam hian Eric Abidal-a’n Hulk a tihtluk vanga referee in penalty a pelo kha chu an la sawi kumkhua ve maithei a ni. Hun tawp dawn minute 88-naah Fabregas-a’n a rawn thun leh a, Barcelona hi si hnih faiin an chak ta a ni. Fabregas hi a lawmpuiawm a, Arsenal-ah kum tam cup a chawi theihloh hnuin Barcelona tan game hnih lek a khelhah Cup pahnih a chawi nghal der!!!