Homeless World Cup hi kan hre tawh ngai em aw? 2001 khan din a ni a, FIFA World Cup ang lo takin he ‘Homeless World Cup’ hi chu kumtin an khel a ni. He World Cup-ah hian champion lai chu Scotland an ni a. August thla khan Paris-ah ‘2011 Homeless World Cup’ hi khelh a ni. Nakum World Cup thlengtu tur leh team tel tur puan a ni leh tawh a. 2012 Homeless World Cup hi ‘Plaza de la Constitución- Zócalo, Mexico-ah October 6-14 chhungin khelh a ni dawn a ni. He World Cup-ah hian ram 72 zet an tel dawn a, hei hi Homeless World Cup-a team tel tam ber record a ni dawn a ni.

Bosnia & Herzegovina, Bulgaria, Moldova, Vietnam leh Pakistan te chu a vawikhatna atan an tel ve dawn a. He World Cup hi mipa leh hmeichhe tan a awm hrang a. Mipa bikah hian ram 56 an tel dawn a, hmeichhia-ah erawh ram 16 an tel thung ang. Hmeichhe World Cup-ah hian Hungary leh Nigeria te chu  tel thar an ni.

Homeless World Cup President, Mel Young chuan “ Kum 10 teh meuh he tournament kan siam thei tur hi ka lawm hle a. Tin, nakum phei chu team tel tam ber tum a ni dawn a, a lawmawm lehzual a ni. Hei vang hian in leh lo nei mumal lo tam tak tanpui chungchangah hian nasa lehzualin tan kan lak a pawimawh a ni” tiin a sawi.

Hengte hi tel turte chu an ni:

Mipa (56 nations) : Argentina, Australia, Austria, Bosnia and Herzegovina, Brazil, Bulgaria, Cambodia, Canada, Chile, Costa Rica, Croatia, Czech Republic, Denmark, England, Finland, France, Germany, Ghana, Greece, Guatemala, Haiti, Hong Kong, Hungary, India, Indonesia, Ireland, Italy, Ivory Coast, Japan, Lithuania, Luxembourg, Mexico, Moldova, Namibia, Netherlands, Nicaragua, Norway, Pakistan, Panama, Peru, Philippines, Poland, Portugal, Romania, Russia, Scotland, Slovenia, South Africa, South Korea, Sweden, Switzerland, Ukraine, USA, Vietnam, Wales, Zimbabwe

Hmeichhia  (16 nations):Argentina, Brazil, Canada, Colombia, England, Hungary, India, Kyrgyz Republic, Mexico, Netherlands, Nigeria, Norway, Paraguay, Scotland, Uganda, USA

Engtia khelh tur nge?
He World Cup hi chu FIFA World Cup nen tehkhin chi pawh a ni lova. Street football ang hi hi a ni a. Minute 14 chhung chauh khelh tur a ni a, first half leh second half hi minute 7 ve ve a ni. Football angin players 11-in an khel ve lova,players 4 chauhvn an khel thung. Outfield player 3 leh goalkeeper 1 an ni tur a ni. Subsitute player 4 an awm thei bawk. Squad-ah hian avaiin players 8 chiah an awm thei a ni. Field lenzawng hi 22m (long) * 16m(wide) chauh a ni bawk.

Players-te chu kum 16 aia upa an ni tur a ni a. Homeless WC la khel lo an ni bawk tur a ni. Drugs leh zu vanga rehabilitation awm leh homeless lo ni tawh an ni tur a ni tih te a ni. Hei bakah hian dan maksak pui pui an nei bawk a ni.