MFA CUP: SYS an CHAMPION!

Estimated read time 4 min read


Aizawl, May ni 4: Vawiin MFA Cup 2012 Lammuala khelhah Second Division Club Sports and Youth Services FC (SYS FC) chuan First Division Club Lungmual FC chu sikhat faia hnehin an Champion. SYS tana goal awmchhun thuntu Lalnuntluanga chu Best Player a thlan a ni a, SYS F.C. keeper Lalremruata chu Best Keeper a thlan a ni bawk. Final a vanduai zawk Luangmual hian Fair Play an dawng a, Top Scorer erawh Champhai DFA striker Malsawngdawngliana a ni thung.

SYS FC 1-0 Luangmual F.C.
(C. Lalnuntluanga 45′)
SYS F.C. lamin Faka leh Fela (India Camp a awm tur) an chhawr ngam lova, an Captain Chhuantea damlohna vangin an chhawr theilo bawk. Luangmual lamin I-League lama an hruai player thenkhat inhliam vangin an chhawr thei lova, season thar ala nih loh avangin player thar an la belh thei lo bawk. Duhthusamin player rem thei lo mah se inpuahchahna a tha a, team pahnih te hi intum tawk hle tura ngaih an ni.

First Half-ah Goal khat!
SYS lamin Central Midfielder pangai an neih chu Faka a ni a, an lut tir ngam lova. Chhuantea a khelh theih bawk loh avangin SYS midfielder tan experience neitha Luangmual midfielder Tezawka, BT-a leh Aldrin-a te ngam chi a ni lo. Hei vang hian Luangmual an chungnung zawk a, mahse chance tha tak erawh an in siam thei bik lo. SYS lamin an striker tlan chak Sangbera hman tangkai an tum hle thung, counter attack atanga nawr na tak SYS lamin chance tha an ngah zawkah a ngaih theih.

Luangmual tan Aldrin-a shot Remruata lo save te leh Denga ball control sual te chu chance uihawm zualah a ngaih theih a. Luangmual keeper Saitluanga tihsual vangin SYS lamin an thun thelh bawk. First half a goal a lut dawn lo emaw tih tawh hnuin defender a dah chawp Achunga ball khalh chu Sanga (SYS) in laksakin Tluanga tan ball duhthusam a pe phei a, Tluanga tan thelh chi a ni ta lo. SYS in first half-ah goal khatin hma an hruai ta a ni.

Goal luh lohna Second Half!
Second half-ah SYS lamin defence an rawn ti khauh sauh a. Luangmual lamin Tezawka rawn aiah Ruatdika an rawn luhtir thung. Inkhel pawh a hmuhnawm ngaiin a hmuhnawm a, chance pawh an in neih chhawk zak zak a, SYS tan Jacob an chance tha tak tak nei mahse a kum naupanna a lang a. Senior zawk leh ke na chunga khel Sangbera vanneihni a ni lo bawk. SYS lamin chance tha ngah zawk mahse Luangmual lamin ball an chang tam zawk a, mahse clear chance an nei thei lova. SYS defence-ah hian Chanmari Champion puitu Zomuanpuia, Zohmangaiha Ralte (Tetea) leh Thomas Lalengkima, Zodinpuia te an awm a. Heng defender-te thawhrimna vangin Luangmualin goal khat an sut thei lo a ni.

SYS chuan an vawikhat MFA Cup an khelhnaah an Champion a. Anmahni enkawltu coach H. Vanlalthlanga leh playerte thawhrimna rah liau liau ah a ngaih theih a. Second division team tana MFA Cup Champion hi thil awlsam a ni lova, hetiang dinhmun an thleng hi a ropui hle a ni.


Luangmual F.C.
Starting Eleven: Saitluanga, Johny Lalrinzuala, K. Lalthanpuia, Lalhungchhunga, Jacob Lalhruaitluanga, Lalhriatzuala (Tezawka), lalbiaktluanga, Aldrin Zonunsanga, Rosangliana, Denghmingthanga, Laldinliana Varte
Subs: H. Lalrinkima, Lalruatdika, C. Lalhruaitluana, Robert lalhruaitluanga, Malsawma, Zonuntluanga, Lalrindika, K. Lalnunzama, Hualthansanga
Coach: Vanlalrova
Manager: L.K. Guite


SYS F.C.
Starting Eleven: H. Lalremruata, Zomuanpuia, Zohmangaiha Ralte, Thomas Lalengkima, Zothanpuia, C. Lalnuntluanga, Lalnunsanga, Vanlalrinchhana,Jacob Vanlalbela, Lalrampara, Lalhmangaihzuala, Lalsangbera
Subs: Joseph Ramdinmawa, Jonathan Lalramchhuana, Joseph Lalfakzuala, Lalruatfela, Lalthantluanga, Lalrampara, Zodinsanga, PC Rema, C. Vanlalnghaka
Asst. Coach: Ramluahsanga
Coach Cum Manager: H. Vanlalthlanga

Lawmman:
Champion: Rs 55,000 + Trophy + Medal + Certificates
Runner Up: Rs 25,000 + Trophy + Medal + Certificates
Semi Finalist (looser): Rs 10,000 each
Fair Play : Rs 10,000 + Trophy
Best Player: Rs 5000 + Trophy

You May Also Like

More From Author

23Comments

Add yours
  1. 18
    Cleverley VRT

    Nia MFA Cup te ang tournament lian ah te chuan Pakhatna khian nuai 2 vel tal dawng turah ka ngai ang…..

  2. 21
    Lalthanzama Vanchhawng

    SYS chu ka va han tan fuh tak em ! ka tan ber dawn ka tia, ka tan champion nghal mai alawm 🙂 Tak2n, players naupang tak2 te inpekna leh thawhrimna hi a fakawm ka tia. Tin, heng ho enkawla khaikhawm tu Pu THlanga a fakawm ka ti hle bawk.. Football-ah hi chuan thleng thei lo hi a awm lo a nia. Good post macha

  3. 22
    laipuichhuanga

    Gud post,lwmpuiwm e,k’n peng lh lwk,fnalist 1st eleven cu rn tel geia,kn player thate chancin hi kn hrelo ltka,an address te tal hriat v pah mai2 a ckwm thn katia,an khl en ph ati nuam vea,te kn tia ni duhthwh luat ah,tang jel th u’n

+ Leave a Comment