“MFA in Euro 2012 dan kan hmang lo” – Tetea Hmar, MFA Honorary Secretary


Mizoram Premier League (MPL) Playoff-ah chianglo lai awmin mi tam takin an ngai a. Chu chiang lo lai chu Head to Head nge hman tur Goal Difference tih hi a ni.

He thil chianglo hi tih chian vat a that avangin ZoFooty chuan MFA Honorary Secretary Lalnghinglova Hmar (Tetea) chu kan be nghal a. Anni chuan, “Tun MPL Playoff-ah hian Euro dan kan hmang lova, chuvangin MPL Playoff leh Euro 2012 kha sawi zawm chi a ni lo” a ti phawt a. Hemi hnu hian an dan hman chu sawi chiangin,”Team pahnih point inang hmu an awm anih chuan Head to Head en tur a ni a. Team Pahnih aia tam point inang hmu an awm anih chuan Head to Head a en theih dawn lova, hemi hunah hi chuan Goal Difference en tur a ni, chu Goal Difference-ah chuan team zawng zawng a tel vek a ni” tiin ZoFooty a hrilh.

MPL Prospectus
Point pek dan: Inkhela a chak zawk apiangin point thum an hmu ang a, an inhnehtawkin point khat ve ve an hmu ang a, a chak loin point an hmu lo ang. Point inang hmu an awm chuan an pahnih inkhela (head to head) a chak zawk chu a sang zawka dah an ni ang. An inhnehtawk a nih chuan goal difference lak a ni ang. Team pakhat aia tam point inzat an awm chuan a sang ber tehna tur chu goal difference a ni ang.

He point pek danah hian Goal Difference a tih hian a chiang tawklo a ni maithei, mahse MFA Honorary Secretary berin a rawn sawifiah takah chuan a chiang tawh a. Goal difference-ah team pumpui lak tur anih takah chuan Round 4-ah pawh hian Kanan FC in Aizawl FC hneh mahse Reitlang FC in Point 7 an rawn hmuhve tak avangin 5-naah an awm a ngai ta a ni.

27 thoughts on ““MFA in Euro 2012 dan kan hmang lo” – Tetea Hmar, MFA Honorary Secretary

  1. Pingback: buy cialis

  2. Pingback: cialis discount

  3. Pingback: Cialis no rx

  4. Mawia_Pa

    Gramatically chuan Head to head chu mi 2 inkar tur a nia lawm, mahse photocopier zawng2 Xerox kan ti ang deuh hian, point inang te ranking chinfelna atana anmahni inkar inkhelh kual dan en hmasakna dan hi ‘head to head’ tiin kan sawi ta vek mai a, ziak a an dahna ah chuan Head to head an ti miah lo a nia, a awlsam zawnga a hming kan kohna hmang hian gramatically a zuk dik tir kan tum leh a, he dan hmang hian team 2 inkarah chuan head to head a en hi a langsar ber a, head to head dan ti ang deuhin kan hre lar ta mai zawk a ni. Chuan Head to head kan tihin a tum ber chu point inang te inkar chinfelna atana anmahni theuh an inkhelh kualna (group pum inkhelh kualna ni lovin) atanga an dinhmun azira an ranking siam hi a ni zawk.

  5. ruatsaka

    he lamah pawh head to head-ah bawk an lo la buai tho mai… team 2 inkarah lo head to head a awm theih ka la hre ngai miah lo πŸ™‚

  6. Rca Fanai

    Mawia sawi khia dik chiah team 3 point inang pawh awm se, head to head lakna tournamentah chuan team khat khan overall goal diff a chak lo zawk chungin (team dang pahnih kha) a hneh hnu an ni ve ve thei. Chuvangin team pathum ah pawh head to head en phawt tur. An inhneh kual vek a nih chuan anmahni inkhelhna bik gd en leh phawt tur a ni. Amaherawh chu Euro ang chi ah chuan Group khatah team 4 chauh an awm avangin team 3 point inang an awm chaun H2H a en theih ta lo a ni.

  7. Ronaldawnga

    hahaha – ka intih fin hi pom toh mai ru ka tih chuuuuuuuuuuuu a tawpah point inang 2 chiah an om don, chu chu head to head-a chinfel keuh mai tur

  8. sangliana

    nia,… Mawia sawi khi a dik ka ti.. kan dan hi kan pawt lawr tlat mai.. Head to head dan dik tak a ni lo,..

  9. Mawia_Pa

    Puia Riquelme
    Tunah hian overall goal difference pawh direct in kan hmang hlei nem, head to head kan dah hmasa zawk a, a dawtah overall goal difference kan hmang leh alawm. Overall goal difference hmanna FIFA WC ah team 2 point inang an awmin head to head an en hmasa lo, goal difference an en nghal, overall goal difference an hman tlat avangin

  10. Ronaldawnga

    Tunah inti hre takin – Head to Head hi AIFF tih dan a ni a, MFA hian an copy a, Euro 2012 lam hi chu an copy ve kher lo hi a thra fu mai…. Europe chu Europe ho tan ni teh seee πŸ™‚ tichuan point inang pathum hi an om poh ka ring chiah law… a topah Chanmari leh dang 3 an tling ang……………… a dang 3 turah 4 rin ka la nei a, ka la buai vel mai2

  11. Puia Riquelme

    He post lo chhuahna chhan ber chu tun hnai deuha “goal difference hi chi 2 a awm si a,MFA hian eng zawk nge a hman dawn” tih thawm a awm vang niin kan ring deuh a….Euro 2012 te kha chuan team 2 aia tam point inang hmu an awm chuan anmahni an intumna bika goal difference(superior goal difference in the matches among the teams in question) hman ani thin a….2010 FIFA World Cup ah erawh ‘overall goal difference’ hman ani leh a…MFA pawh hian ‘overall goal difference’ a hmang dawn tih a rawn sawi chiang a…a lawmawm khawp mai..

  12. Mawia_Pa

    Muanpuia khi kan hnial lawk:
    2 aia tam point inang an awm chuan head to head a en theih tawh loh a, i ti dik, a pumpui goal difference erawh an en nghal ngai meuh lo, point in-ang te an inkhelh kual tum bik chauh a point hmuhnem an en a, chumi dawt-ah anmahni inkhelh kual tum a goal difference, a pumpui goal difference hi chu 4na ah an dah chauh, head to head dah hmasakna tournament ah chuan.

  13. Mawia_Pa

    Khatia point inang team 3 an awm hnu a ‘Head to Head’ ka lo hriat ve dan hmanga table ka mitthla dan leh zofooty in in rawn dah dan kha a inang ta tlat lo a, a mak ka ti ang reng khawp a. Tunhnaia Head to head hmang langsar ber leh tun MPL playoff pawh a kan hman ve nachhan ni a ka lo ngaih, Euro 2012 hman dan chu kan hai chhuak vat a, ka hriatdan chu a lo dik ngei a lo ni. Ka ngaihtuah zui a, tournament rules ah chuan organiser ten duhthlan theihna kan nei ngei a, mahse ngatinge kan duhthlan hi hmunpui lama an hman ang hian kan hman ziktluak law law mai loh, goal line technology te anga kan tana thil buaithlak a ni bawk si lo te ka lo ti ve a. Tuna a landan ah hi chuan ‘head to head’ hman tur tiin a ri ve hluai tak na in criteria 1na ah chauh hmangin ‘head to head’ in criteria dang a ken tel chuan kan chhunzawm ta lo a, 2na atangin ‘goal difference’ dan pangngai-ah kan lut leh nghal daih tihna a ni. Chuan, tuna kan dan hman tak hi tum reng vang ni lo, dan siam a nih laia kan entawnna ber atanga kan lakluh uluk tawk loh avanga tanna ngaia tang tlang ta te pawh kan ang deuhin ka hria, kan dan hman hian tunhma thingtlang tournament a kan nuihsawh em em thin ‘kan khaw dan’ te pawh min hriatchhuah tir e.

    A tawp nan, Tetea’n prospectus fiahlo lai a rawn sawifiah hi a tha e, a tawp hunah tun table ang deuh hi a awm leh a nih pawhin inhnialna tur a awm tawh dawn lova, Prospectus a a inziah dan kha a dik tawk loh deuh avangin hrilhfiahna hi club te hnenah pe theuh sela a tha awm mange.

  14. hlups hauhnar

    Pts inang hmu team te inkhelh kualna(2 aia an tam chuan)ah khan GD chu en se a fair berin ka hria….EG: tun dinhmunah chuan pts inang theuhah Kanan hian AFC leh Reitlang an hneh ve2 a mahse group pumpui anga an GD en chuan an pha leh miah si lova,tlin leh tlin loh tehna(a hmawr bawkna)chu nise an tla dawn tihna a nia…An hneh tak team pahnih kha anni ai an tling dawn tihna a ni ta a,a felhlel deuh chu ka ti!!

  15. Ricky

    Thildang daih, engatinge Aizawl F.C hian β€œClub dang te hian min ER” an tih reng le? β€œClub dang te hian an ER emaw hi an inti mai mai a ni zawklo maw?”

  16. thana

    nia, rules hi chu chipchiar thei ang ber hian awn thei se a tha khawp mai…amaherawhchu dan siam inkalh thei chungchang ah erawh chuan fimkhur a tha….te kan ti ve mai mai a ni..

  17. Muanpuia

    Hei te chu hriat sa lom – head to head a nia, pakhat aia tam an om cuan head to head theih toh si lova goal diference lak mai tur lom, thil thar hranpa a soi loh hi kan MFA secy hian

  18. sangliana

    Goal Diff.. chi hnih a awm thei a.. chuvang chuan he goal diff hi eng zawk nge tih ziaka dah thlip thlep a awm loh chuan awlsam taka khin theih an ni ve tlats

  19. Ahruaia Lil'Foe

    Euro 12 dan kha kan hman kher a ngai lem lo a. Goal line Referee pawh Europe ah an hmang a hmundang ah an hmang chuanglo.. MFA in dan an siam hi kan zawm ve mai a..hriatthiam tum ve mai kha a puitling zawk in ka hria..

    Team te pawh in an chhiar hmasa vek a, chutia rawn tel an ni a. MFA hnuai a inkhel an nih chuan an zawm mai tur ni Euro 12 kha an tan chhan thei chuang lo ang..te kan ti ni πŸ˜€

  20. Ramenga

    @zova khawlhring: team pahnih point inang hmu an awm cuan head to head hman tur a intih khi, keipawhin k chhiar sual trep.
    Ti hi chuan a fiah ta e.

  21. Zova Khawlhring

    “Team pahnihin point inang an awm anih chuan Goal Difference en tur a ni a.” tih lai khi hriatthiam mai a har ka ti (Head to head tih tur ni awm tak). Chuan goal difference an lak dan tur hi tha ka ti lo. A tawp lamah tla chiang sa emaw tling chiang sa emaw an awm thei a. Kha tiang chang (khel) fuh ho kha a tawpa tlak hlau chang fuh aiin an chance a tha thei tlat. League tak2ah chuan siam tha thei se.

  22. Puia Riquelme

    Inkhel.com lamah khan ka lo chhiar a..MFA lamin an rawn sawifiah chu a tha khawp mai

Leave a Reply

“MFA in Euro 2012 dan kan hmang lo” – Tetea Hmar, MFA Honorary Secretary

Mizoram Premier League (MPL) Playoff-ah chianglo lai awmin mi tam takin an ngai a. Chu chiang lo lai chu Head to Head nge hman tur Goal Difference tih hi a ni.

He thil chianglo hi tih chian vat a that avangin ZoFooty chuan MFA Honorary Secretary Lalnghinglova Hmar (Tetea) chu kan be nghal a. Anni chuan, “Tun MPL Playoff-ah hian Euro dan kan hmang lova, chuvangin MPL Playoff leh Euro 2012 kha sawi zawm chi a ni lo” a ti phawt a. Hemi hnu hian an dan hman chu sawi chiangin,”Team pahnih point inang hmu an awm anih chuan Head to Head en tur a ni a. Team Pahnih aia tam point inang hmu an awm anih chuan Head to Head a en theih dawn lova, hemi hunah hi chuan Goal Difference en tur a ni, chu Goal Difference-ah chuan team zawng zawng a tel vek a ni” tiin ZoFooty a hrilh.

MPL Prospectus

Point pek dan: Inkhela a chak zawk apiangin point thum an hmu ang a, an inhnehtawkin point khat ve ve an hmu ang a, a chak loin point an hmu lo ang. Point inang hmu an awm chuan an pahnih inkhela (head to head) a chak zawk chu a sang zawka dah an ni ang. An inhnehtawk a nih chuan goal difference lak a ni ang. Team pakhat aia tam point inzat an awm chuan a sang ber tehna tur chu goal difference a ni ang.

He point pek danah hian Goal Difference a tih hian a chiang tawklo a ni maithei, mahse MFA Honorary Secretary berin a rawn sawifiah takah chuan a chiang tawh a. Goal difference-ah team pumpui lak tur anih takah chuan Round 4-ah pawh hian Kanan FC in Aizawl FC hneh mahse Reitlang FC in Point 7 an rawn hmuhve tak avangin 5-naah an awm a ngai ta a ni.

Leave a Reply