MFA Inter Village U-17 round of 16 vawiin ah Ramhlun Sport Complex ah khelh chhunzawm a ni leh dawn a, Inrinni lam ah Aizawl khawpui chhung a mi team 3 lai chu an tla a nih kha. Vawiin ah Aizawl Venglai in Saitual an tum dawn a, Aizawl Venglai hi team tha tak naupang neitha thei tak an ni fo thin a, tun a an rawlthar U-17 player te pawh beiseiawm tak a ni,amaherawchu Saitual lam hi an khelh tawh te en reng reng in he tournament ah hian champion tum ain an khel tih a hriat a, a hmuhnawm khawp ang. Mamit Jt leh Republic Vengthlang intum tur hi en a chakawm hle awm e.He mi te team hnih hi goal khung thei tak ve ve an ni a, striker an nei tha ve ve a, an game pawh a mawi in a puitling thei hle a, chak zawk tur hriat thiam a har rual in team tha ve ve ah chuan tihsual vang a chakloh a hlauhawm ber awm e.

Armed Veng leh Diakkawn Kolasib inkhel tur pawh hi inhnehtawk tak tur ve ve an ni awm e.An ni pahnih tean ah hian champion thei tur khop a team qaulity nei tha ve ve an ni a, an team hneh tawh te thlir in chak zawk tur hriat thiam a har khop mai. Venghlui leh Bethehem Vengthlang hi vawiin a Aizawl team in tum tur awmchhun an ni a, team tha tak ve ve leh veng in hnaih te an ni a, Venghlui Field ah practice la dun thei ve ve an ni bawk a, ground thuhmun a khel thang ve ve an in nuai dawn a, player pawh an in hriatchian a rinawm chak zawk tur hriatthiam a har a game hmuhnawm tak beisei ang.

Match Commissioner : B. Lalawmpuia Ph: 9436772970
Venue : Ramhlun Sport Complex, Aizawl Mizoram
12.12.2011 (Tuesday)

08:00AM R of 16-5 Aizawl Venglai 3-1 Saitual

Aizawl Venglai in Saitual 3-1 in an hneh ah, inkhel inhnehtawk viau laiin Saitual jersey no 16 Zohmingsanga chuan min 34′ ah an mahni lam ah a ti goal palh hlauh mai a, 1st half ah goal dang a luh belh lo va, 2nd half an tan a min 53 a Saitual stiker Lalnunpuia Jersey no 10 chuan min 53 ah mawi zet in an ti goal a Saitual lam an phur thar leh hle. Aizawl Venglai pawh chakloh an tum lo a, an striker jersey no 10 MS Dawngliana chuan min 72′ ah goal a thun leh ta mai a. Lokal na hla zawk Saitual an fit loh leh goal thun pressure an zo lo deuh nge min 80 ah Aizawl Venglai midfielder David K Hmingthanga jersey no 15 chuan a ti goal leh a Aizawl Venglai 3-1 an chak zawk ta a ni

10:00AM R of 16-6 Mamit Jt. 3-2 Republic Vengthlang

Mamit Jt leh Republic Vengthlang inkhel a hmuhnawm a ,an game a mawi in inkhel an inhnehtawk bawk a, Mamit lam tan jersey no 10 Aldrin Zolianthanga’n min 13 ah a ti goal a, hei hi Republic Vengthlang lam tan R. Remsangpuia’n min 20′ ah an siphurh a sut a, Mamit lam an che ve lhe nghal a, an striker no 9 Lalhruaitluanga chuan min 27 ah a rawn ti goal ve leh nghal a, game inhnehtawk in goal luh dan pawh in game a ti tang hle. First half ah goal dang a luh belh lo a min 66 ah Mamit jersey no 9 Lalhruaitluanga chuan a ti goal leh a dinhmun tha ah an ding hman dawn a , an lam laiin Republic Vengthlang star R . Remsangpuia jersey no 9 chuan min 67 ah a thungrul ve leh a, 3-2 a ni ta. Republic Vengthang lam tang viau mahse Mamit Jt lam in an dang chat thei zel a, Mamit Jt in an huaisen an tlangpui ta a ni.

12:00 R of 16-7 Armed Veng 1-1 Diakkawn Kolasib
( Tie Break ah Armed Veng 4-3 in an chak)

Armed veng leh Koalsib Diakkawn ten game inhnehtawk tak an khel a, game tan atang a, min 9 na lek ah Armed Veng jersey no 10 Lalramchullova chuan a ti goal nghal mai a, goal dang lut hleithei lo in midfield ah game a tam hle a, Diakkawn Kolasib lam an tang a, goal erawh an sut htleithei lo. Armed Veng rawlthar te game a mawi hle. Min 76 ah Diakkawn Kolasin jersey no 18 Lalrinawma chuan a ti goal ve a, game boruak pawh a ti kang hle. Amaherawhchu hun pangngai ah goal dang an khung theilo ve ve a, tie break ah 4-3 in Armed veng an vannei ta a ni.

02:00PM R of 16-8 Venghlui 1-1 Bethlehem Vengthlang
(Tie Break ah 5-4 in Venghlui an chak)

Match hnuhnung ber ah Aizawl football veng lian pahnih Venghlui leh Bethehem Vengthlang rawlthar te an in khel a, boruak a vawt tan tawh a player te tan infit leh warm up nasat a ngai a, chuvang in an pahnih hian an game a trang nghal hle mai. Inhnehtawk tak in an khel a min 44 ah jersey no 10 Lalruatsanga chuan min 44′ na ah Bethehem Vengthlang tan a ti goal a, an lawm a la reh hman lo tih in Ramsangliana jersey no 6 chuan min 46′ ah an goal phurh chu nalh zet in a tauh goal a. Goal khat ve ve in pe in an inhneh tawk hle a, team pahnih te an tha dun in tihsual hlau ve ve an ni bawkl a, an game a fimkhur hle. Hun pangngai ah goal dang an in  pe lo va Venghlui in tie break ah 5-4 a chak zawk in an vannei ta a ni