Mizoram Football Association (MFA)chuan June ni 9, 2011-a AR Lammuala artificial grass phah lawm nana Santosh Trophy Mizoram team leh The Rest XI team inkhel hlawhtling taka neih a nih avangin a entu mipuite hnenah lawmthu a sawi.

Tlawmngaia phut pawh nei hauh lova inkhel player chhuanawm tak takte chungah lawmthu a sawi a, Mizoram football hmasawnna tura an inpekna ropui a ti takzet a ni. Media lamin thahnemngai taka he inkhel tur leh an inkhel chanchin an chhuah avangin lawmthu a sawi.

A hmuunhma phal taka hawh phalsaktu Assam Rifles te chungah MFA chuan lawmthu a sawi bawk a, mawi taka an lo thuam sak avangin AR chuan ‘Tlang Mite Thian’ tia an inkohna a takin an lantir a ni, a ti.

Inkhelhnaa MFA sawmna ngai pawimawha hun hmangtu Chief Minister Pu Lal Thanhawla, Minister leh Parliamentary Secretary chungah MFA chuan lawmthu a sawi a. He inkhel sponsortu National Rural Health Mission chungah lawmthu a sawi bawk.

AIZAWL : MIZORAM