MFA League 2011-12 hian mipui ngaihven a hlawh a, heti taka ngaihven a hlawh chhan hi in belchhiang teh ang:
1. MFA hruaitu thawhrimna zarah I-Day football tournament hlawhtling taka buatsaih a ni a, mahse hemi hnu lawk a khelh MFA League 1st Phase erawhin mi ngaihven a hlawh tehchiam lo. A chhan ni bera lang chu team te inpuahchhahna a chhia a, Ramhlun Sports Complex a khelh anih avangin mipui tan en a harsa. Hei vang hian a hlawhtlin tur angin a hlawhtling loh a tih theih.

2. MFA League Phase II erawh Joint YMA Field, Vaivakawn ah sawn a ni a. Bazar a hnaih avangin entu an hmu thei reng a, chumai bakah a bul velah school a tam avangin school bang in an en thei reng bawk. Hemi belhchhan tur hian hemi field chhehvel vengte hi football tui veng anni a, inkhel en paih an tam em em bawk. He field bula kalkawng hi West lam tan chuan kalkawng pawimawh tak anih avangin school bang, office bang leh vei vak tan en a awlsam em em bawk. Heng entute vang hian a hlawhtling a tih theih.

3. 1st Phase khelh laia chiang lo, Northeast Premier League (NEPL) kha tihchian anih bawk avangin team leh player te an tan phah em em a, hemi vang hian game nung tak en tur a awm ti ila, kan tisual awm love. Chumai bakah I-League 2nd Division khel tur team te an lo awm leh zel a, hei vang hian boruak a sang phah em em a ni.

4. A tawp berah chuan Organiser bawk kan fak lo thei lova, MFA hruaitute thawhrimna rah kan ti lo thei lo a ni.

Engvanginnge 1st Phase leh 2nd Phase result hi a in ang loh em em?
1. 1st Bn MAP hi team tha tak anni a, 2nd Phase ah an key Player Sama Hnamte damloh vangin a khel thei lova, hei hi an tuar deuh a tih theih. Chumai bakah NEPL an khelh theih dawnloh vangin a theih tawp an chhuah loh niin a lang.

2. F.C. Kulikawn hian 2nd Phase ah beisei an pha lova, player an in daih tawk lo niin a lang a. Luangmual laka an fimkhur tawkloh kha an tuar ti ila, kan sawi sual awm love.

3. Dinthar F.C. hi 1st Phase lamah team tha tak ni lo mahse 2nd Phase ah player an in lak belh nual avangin team tha ber pawlah an rawn ni chho a, an hruaitu te an fakawm takzet a ni.

4. Luangmual F.C. hi 2nd Phase ah chuan an chak fai vek a, an player lak thar te an chetha takzet a, a bik takin Tezawka an la fuh takzet a, I-League khel tur anni bawk a, hetiang ang result hi an mamawh reng a ni. An hruaitu te an fakawm.

5. 3rd Bn MAP hian 2nd Phase ah Luangmual tihloh chu an la hneh vek a, an player thar lakte an tangkai takzet a, civil player an lak te an fit avangin hetiang dinhmun hi an thleng a. Krismas vuak vela an duty nasat avangin player thar an la hi an tifuh takzet a ni.

6. 1st Bn MAP Academy hian I-Day atang khan beisei an pha tawh lova, chetthat lam aiin chetchhiat lam an pan zel a, intuaithar an mamawh a ni ange.
MFA League 1st Phase Table:

MFA League 2nd Phase Day-1

MFA League 2nd Phase Day-2

MFA League 2nd Phase Day-3

MFA League 2nd Phase Day-4

MFA League 2nd Phase Day-5

MFA League 2nd Phase Day-6