1. Football League Thar: Mizoram Football Association chuan football season 2012-2013 aṭang hian football league thar, tun hma aia changtlung zawk leh sum leh pai tamna zawk tur, khelh hun chhung pawh duh rei zawk tur a buatsaih dawn. He mi atan hian Study Group dinin an thil zir chiante chu MFA Executive Committee chuan siamṭhat ngaite siamṭhain a pawmpui tawh. He football league-a tel thei tur club-te chuan tehna (criteria) hrang hrang an paltlang a ngai a, heng tehna paltlang thei club-te chu Mizoram khawi hmuna mi pawh ni se he football league-ah hian an khel thei ang. Club criteria hre chiang duh tan MFA Office-ah lam theih a ni. He football league-a tel tum club an awm a nih chuan, June, 2012 ral hma ngeiin an club dinhmun fiahna, player-te contract leh thil pawimawh dang MFA hnenah an thehlut tur a ni ang.
2. Footballer Chawimawina: MFA chuan 2011-2012 season chhunga AIFF hnuaia India aiawha inkhel Mizo footballer-te chawimawina hun a hmang dawn a, June 1-a MFA General Body Meeting-ah chawimawina a hlan ang.
3. Transfer Window: Kum 2012-2013 season chu June 1, 2012 aṭangin a inṭan dawn a, June 1-30 chhung transfer hi hawn a ni ang. Hei hian AIFF hnuaia inter-state transfer ti turte a huam lo ang a, inter-state transfer hi June 1-August 31 thleng tih theih a ni.
4. MFA General Body Meeting: MFA chuan June 1, 2012 hian Annual General Body Meeting Aizawlah a nei dawn a, he hunah hian Mizoram district tin aṭangin District Football Association hruaitute an kal khawm ang a, MFA hmalaknate report a ni ang a, kum 2012-2013 season atana hmachhawp turte ro an rel ang.
MFA General Body Meeting NEWS (an thiltum a va han hriat tak em, zahthlak lutuk)!
MFA hruaitu thiltithei ho zing ah hian inter-village tournament ah an Veng Champion tir duh ve si, mahse an veng mi leh sa diktak ten an khelh chuan an Champion zo dawn silo tih an hriat avangin Players in a duhna ber ah a khel thei ang tiin DAN (SUM dan) phuahchawp tak an siam a (e.g. Chanmari, Aizawl Venglai, Mission Vengthlang, Chhinga Veng, Luangmual etc)…! Mahse CYMA chuan vengchhung mi leh sa diktak bak tel ve an rem ti tawh silo a, chuvang chuan FOOTBALL THIAM TAK TAK VENG HRIATNA TOURNAMENT awm chhun CYMA tournament hi ”awm tawhlo mai se” anti a nih chu!!! Vanglaini ah pawh an ziah that duh der loh hi. MFA hruaitu thenkhat anmahni Veng players engmah ni silo, mahse Vengchhung a HAUSA deuh deuh nei ten he DAN lem tak mai hi an duang chhuak niin alang…!
MFZ league chu hlawhtling takin han i thei hlauh se…duhsakna sangber ka hlan e
GP, Local Football in hma a sawn dwn e, chuan Entu lam hi, Red Ribbon, CYMA entu kam tam thin nen, Top Level-1st Div. Inkhel entu kan tlem thin lutuk engnge a chhan? MFA han tang leh deuh teh se. Entu an awm mang loh chuan a hlu lo tlat
Chwimwina khi ka like,a phute cu chwimwi jel tur,league hi hlwhtling se,FOTY tepwh la thlang chho ve jel turah ingai ang