Mizoram Football Association (MFA) chuan Referee exam a buatsaih hnai dawn. Referee lama tui a duh apiang MFA Office, City Park-ah March ni 19, chhun dar 12-ah kal tur a ni e. Tun hnaia Referee Seminar-a kalte phei chu kal ngei turin MFA hruaituten an ngen a ni.
Sawibelh ang:
Football a hma kan sawn tak tak dawn chuan playerte hmasawnna ringawt a tawk lova, referee, coach leh football association hruaitute thlengin hmasawn a ngai. India tana khel pha player kan nei tawh a, engtikahnge India Head Coach Mizo kan neih ang. Chutiang bawkin engtikahnge Mizo referee hian International level-ah a ham ve ang le. Bhaichung Bhutia emaw India Star player dang te pawn World cup hi an khel lawk dawn lo niin a lang a. Mahse India referee K Shankar, Tamilnadu chuan World Cup 2002 khan assistant referee-ah a lo tang tawh a ni.
K. Shankar hi College kan lai khan kan college ground-ah a rawn kal thin avang leh kan in biak ve fo avangin Mizo referee ten amah atanga kan entawn tur nia ka hriat kan thai lang hram ange. K. Shankar hi pumrua-ah pawh pate ve tak ni mahse Mizo referee te hian entawn tur tam tak kan neiin ka hria a. Amah hi pa invawng fel tak niin field chhung leh pawnah pawh a smart em em a. A inrintawk bakah a taima A, fitness tha tak a neih theih nan exercise a la ve reng a. A ham tawhloh hnuah pawh Nethaji Sports Club te a enkawl leh a, Tamilnadu Football Association (TNFA)-ah pawh zah kai ber pawl a ni. Mizo referee te hi technical lamah pawh tha viau mahse field pawna an awm danin a zirloh chuan mi zah an kai thei dawn lova, field pawna an zahloh chuan field chhungah pawh zah an kai dawn thei dawn lo reng reng. Chuvangin mii zah kai theih nan field pawna kan awm dan thlengin i fimkhur ang u.
Referee tha hi kan mamawh takzet. Football ah hma kan sawn a, mahse, a hamtu te avanga football hmelhem phaha chetna duh aiin a tam thin. A tui mi kha han che tak tak teh u
Referee chu Chak loh a awmve theilo a ka chak zawngtak ani . .
Nia,tan ila ang u. miizo te tih chi tur tak mawle..
Mizoram football ah hian Football refferee aia sum hmutha tudang nge awm? a thei thei chuan han ti teh u, Footballer ho aiin sum inhmutha zawk ang..:))
Keipawh ka ni duhlo min hnek ve palh ang
GP..BVT.. Kei chu referee ni tlak ka nilo.. Duh aiin inkhel ka lo en tui thin..