MFA Premier League qualifying khel turin 2nd Inter Zone Championship Final a Aizawl FC hneha Champion zui ta, FC R.S. Annexe te’n 2012-2013 atan an squad an puang fel ve ta. Kum 2011 a din FC R.S. Annexe hi a tirah chuan Mizo Footballer-te hma ngaih vanga mimal thahnem ngaihna vanga din a ni a, an din atanga season khat chhungin Tournament 4-ah Champion trophy 3 an la a. Hei hian Mizo thalai football a thahnemngai kai harhin 2012 atang chuan mimal Club ni tawh lovin “The Blue Marine” hnuai a Board of Directors te’n he Club hi an run (enkawl) tawh dawn a ni. Inrelbawlna felfai tak hnuaiah FC R.S. Annexe hian BOD member sawm (10) an nei a, heng BOD-te hian Club hi an kutken tawh dawn a ni. Tunah hian sponsor lian tham tak nen thawhona thuthlung ziak turin an in dawr mek a, MPL tan hma ngei a ziah fel theih an in beisei.
FC R.S. Annexe General Secretary H.Lalchhandama chuan, “Player te hi kan dah pawimawh a, kan club-ah chuan hmun sang tak an chang. Player te aia a enkawltu an hriat lar zawk ang hi kan duh lova, kan naute hi Zoram mipui mai piah lamah India ram Football Club lianin an hmelhriat a an la rawih zui ngei hi kan duhthusam ber zawk a ni” a ti.
Season hmasa lama result tha tak lo neihpui tawhtu, Inter Zone Championship a Aizawl FC lo hneh a lo Championpuitu NIS chhuak Coach-ah an ruai chhunzawm dawn nia sawi thawm a awm a, hei erawh Official taka BOD thuchhuak a ni lo thung. An rawih zui ngei erawh a beiseiawm… Tunah hian practice an tan tawh a, zing leh tlaiah an ti ziah tawh bawk.
MPL Qualifying khel tura FC R.S. Annexe Squad :
GOAL KEEPER
C.LALRINSANGA, DINTHAR
LALTHANPUIA, CHAMPHAI
LALNUNSANGA, DINTHAR
DEFENDER
C.LALNUNSANGA (C), DINTHAR
LALZEMAWIA FANAI, DINTHAR
RAYMOND ZORAMMAWIA, DAWRPUI
ZOREMSANGA, BETHLEHEM VENGTHLANG
LALRINZUALA, CHAMPHAI
V.L. RINDIKA, ELECTRIC VENG
MID-FIELDER
ZARZOKIMA, DAWRPUI VENTHAR
LALRINCHHANA, ELECTRIC VENG
ZONUNMAWIA, BAWNGKAWN
LALREMRUATA, CHANMARI WEST
LALREMSANGA, BAWNGKAWN
K.LALTHATHANGA, BETHLEHEM VENGTHLANG
M.S. DAWNGZELA, CHAMPHAI
LALCHHANTLUANGA, BETHLEHEM VENGTHLANG
WINGER
ZOSANGLIANA, CHAMPHAI
VANLALHMANGAIHA, ELECTRIC VENG
JERRY LALRAMMAWIA, VAIVAKAWN
L.K.LIANA, BAWNGKAWN
FORWARD
C.ZOLIANA, DINTHAR
LALSAWMTLUANGA, DINTHAR
LALRINZUALA, GOVT. COMPLEX
LALRAMZAUVA, RAMTHAR
LALRINAWMA, CHAMPHAI
He mite hi an thiam an ti, Aizawl FC pawh an hneh an ti, an inti lar ve vak lo an ti, MPL khelh an tum an ti…….. hehehe
Gud post,hmelhriat an vang khp mai,a boruakin min tuam chhah tana,anuam dwn e
MPL chu an khelh ngei ka ring.
An khel enchhin chakwm khawp mai…an player te zingah hriat ka nei mang miahlo mai…tin, thildang lehdeuh…winger te hi midfielder emaw forward ah emaw hian thenkhat chuan an beh tir mai thin a, hetianga tih hian thil a tichiang deuh mai ka ti…a tha reuh phian mai 😀
R.S. Annexe hi an rawn tang khawp mai. Duhsakna ka hlan e..
Govt KM HSS kan kal laia classmate C.Tea (C.Zoliana) duhsakna ka hlan e…..ngaihawm ve det
Hmelhriat an awm lo thei hle mai a. An ṭha viau turah ngai ang.
F.C. R.S. Annexe te duhsakna ka hlan e. MPL an khelh theih ngei pawh beisei teh ang.