MFA U 17 Inter Village tournament final-a intum tur a chiang ta. Inrinni-a semi final khelh-ah Chhinga Veng chuan Zanlawn 2-1 in an hneh a, Venghlui in an khingpui Aizawl Venglai an hneh bawk. Final-ah Aizawl-a football veng lian pahnih an innuai dawn e.

Match Commissioner : B. Lalawmpuia Ph: 9436772970
Venue : Ramhlun Sport Complex, Aizawl Mizoram

Zanlawn 1-2 Chhinga Veng : Fans nei tha Chhinga Veng in Zanlawn an au zam!!

Semi Final inkhel hmasa hmuhnawm tak kan hmu a, inkhelh tan tirh ah player nei tha zawk Zanlawn lam in ball an chang tam nghal a, Chhinga Veng player ten player an um thung, Zanlawn game that vanglai in Lalvensanga chuan min 11′ ah a ti goal ta mai a, Zanlawn lam an phur nghal hle. Chhinga Veng player ten physical ah an hnehlo tih hria in defensive game an khel chhunzawm tho a, counter attack atang in ball an in pek luh erawh a hlauhawn thin hle,min 32 ah Chhinga Veng in counter attack atang in Laldinsanga chuan goal a khung a 1-1 a ni a goal dang awm lo in 1st half an khel zo a. 2nd half ah Chhinga Veng fans thahnem tak in an tawiawm a, field sir ah an lo au nasa a, hei hi Zanlawn rawlthar ten an la tawn tam loh vang nge, Chhinga Veng player te an phur thar a, an game a tha tulh tulh a tih theih, min 66 ah Zanlawn player Lalruatpuia chuan anmahni lam ah a ti goal palh ta hlauh a Chhinga Veng 2-1 in a hma an hruai ta a, Zanlawn lam rawn tang thar viau mahse goal dang a luh belh ta lo va Chhinga Veng an chak ta a ni.

Aizawl Venglai 2-3 Venghlui
Aizawl Venglai: MS Dawngliana 21′,  Lalhmingmawia 85′
Venghlui: C. Lalremruata 1′, Isaak Vanlalsawma 8′ , Lalchhanhima 89′

Inrinni tlaia Aizawl Venglai leh Venghlui inkhel hi he tournament-a inkhel hmuhnawm ber pawl a ni awm e. Goal 5 a lut a, football tihmuhnawmtu comeback ropui kan hmu zuai a, huntawp dawna goal pawimawh lût pawh kan hmu e. Veng pahnih fans te an inau chhawk zak zak a, a tawpah Venghlui fans te an au ring ta zawk a ni.

Venghlui hian bul an ṭan ṭha kher mai a. Minute 1 lekah C.Lalremruata chuan a pet goal nghal. Venglai player te buai lai nangchinginVenghlui hian an nawr chhunzawm a, goal khatna aṭanga minute 7 ah Isaak Vanmalsawma chuan thun lehin, minute 8 a nih meuh chuan Venghlui in goal 2 in hma an hruai der mai.

He tournament-a ‘fighting spirit’ nei ṭha ber tih ngam Aizawl Venglai rawltharte an insiamṭha vat a, minute 21 ah goal pawimawh thun thei tak MS Dawngliana chuan si khat a rawn sut a, first half-ah goal dang a luhbelh lo.

Second half-ah pawh inkhel a hmuhnawm ngei mai. Hunrei tak chhung chu goal thun tumin an innawr a, mahse lehlam lehlamah defender te an khel ṭha a, goal dang a lut thei mai bik lo. Venghlui lamin an goal neihsa hi an chakpui tawh mai dawn emaw tih hnu, minute 85 ah Lalhmingmawia chuan Aizawl Venglai tân a rawn pet goal a, Venglai players leh fans te an lawm kher mai. Mahse Venghlui lam tân Lalchhanhima chuan minute 89 ah a head goal a, he goal hi Venghlui in final an luh theihna goal a ni ta a ni.