MFA U-17 : Quarter Final kan lo thleng ta der mai, team tha thiau 8 inel na a ni tawh dawn a, vawiin ah match 2 a awm ang a, naktuk ah match hnih dang a awm leh dawn a ni. Team tha tam tak vanduai vang a tla an lo awm nual tawh a, tun a team la dam te hi chu vannei vang a ni tawh lo chiang a, an thiam em em vek tawh avangin chak tur chuan chetsual loh a pawimawh tawh dawn hle a ni.

Vawiin a in tum tur ah khel tur Zanlawn leh New Chalrang te hi Aizawl khaw pawn ah pawh football ah hnuhma liantham nei vak lo ve ve an ni a, amaherawhchu field chhung a an chetla en erawh chuan a thu a dang daih thung ang. Inhneh tawk tak ve ve tur an ni a, an pahnih ah hian champion theihna tur quality a awm ve ve a, a chak zawk zawk hi beisei a sang fu mai. Inkhel hmuhnawm tak beisei ang.

Match hnih na ah Chhinga Veng leh Lengpui in an khel dawn a, hemi te pahnih hi age group ah lo pawh Mizoram a football in el na YMA leh Red Ribbon vel ah pawh team tha tak nei thin ve ve an ni a, an naupang te pawh an u te hnung an rawn zui a ni ber mai. He tournament ah hian Chhinga Veng leh Lengpui te hi an la chetha dun khop mai a, an khelhpui te an hneh theih viau avangin a chak zawk tur pawh hriatthiam a har dawn hle a ni.

Inkhel hi Ramhlun Sports Complex ah khelh mek zel a ni a, en duh tan chhim theih reng a ni e

Match Commissioner : B. Lalawmpuia Ph: 9436772970
Venue : Ramhlun Sport Complex, Aizawl Mizoram
12.12.2011 (Tuesday)

11:00AM  QF 1 Zanlawn 5-1 New Chalrang

Zanlawn in Quarter Final Match hmasa ber ah 5-1 in New Chalrang an sawp a, hetiang stage ah goal margin sang kan la hmu thei hi a mak rual in Zanlawn player te khelh dan in a phu ve reng reng, game tan tirh atang in Zanlawm in ball an chang tam nghal a, an khelh dan pawh a mumal zawk hle. Mizoram ah European game kan en nasa a, chu mi zar chu kan zo tih a hriat hle. Zanlawn lam in ball an pawt nasa, min 39 ah Zanlawn striker Lalvensanga chuan goal khatna a khung a, goal dang awm lo in half time an a ni a, 2nd half tan hnu min 10 lek ah Zanlawn star a che leh a Lalvensanga bawk hian a ti goal leh a, min 60 na ah Hattrick a siam zui bawk, dinhmun chhe zawk New Chalrang an che hlei thei lo va min 72′ ah Zanlawn playmaker K Lalruatfela chuan goal a khung leh a 4-0 a ni tawh a, chak tur chiang sa a ngaih an ni ta, Zanlawn inthlahdan hrem nan New Chalrang in min 77′ ah Malsawmzuala goal hmang in an khung ve a, min 84′ ah Johan Lalawmpuia chuan Zanlawn tan khung leh in 5-1 in an chak ta a ni.

1:00PM QF 2 Chhinga Veng 1-1 Lengpui(Tie break ah 4-3 in Chhinga Veng an chak)

Chhinga Veng in Lengpui lak ah penalty a chak in an vannei a, inkhel in hnehtawk tak an khel a, game skill pawh a sang fu. A pawimawh ber goal a lut thei lo va, goal awm lovin 1st half an khel tluan a, 2nd half ah pawh midfield ah ball a tam in chance an neih chhun pawh goal ah an chan thei lo ve ve a, Chhinga Veng striker Lalnunzira jersey no 9 chuan min 66′ ah a pet goal a, Lengpui lam an tang ve nghal a, ball an chang nghal a, an thawhrah seng in VL Thanmawia jersey no 11 chuan min 79′ ah goal a thun ve ta a, goal dang luh belh lo in hun pangngai ah an inhneh tawk a, tie breal hmang in chak zawk zaawn angai ta a, 4-3 in Chhinga Veng penalty ah an vannei ta a ni