Milan an chak lo, vurin Serie A a tibuai…

Estimated read time 2 min read

AC Milan chuan Serie A table-a hmahruaitu nih theihna hun remchang an neih an bawhpelh a, Nilai zan khan Lazio lakah si hnih faiin an chak lo. Hetih lai hian Serie A inkhel tur thenkhat chu vur tla nasa lutuk avangin thulh a ni.

Vur tla vangin leader ni lai Juventus (Thawhlehni zana Parma nena inkhel tur) an khel thei lova. Milan hi chak se chuan Juventus lehpel thei an ni a, mahse Rome-a Lazio an va tlawhnaah Lazio hian 2-0 in an lo hneh ta zawk a. Hernanes leh Tommaso Rocchi te chuan Lazio tan goal khungin Milan hi an lo hneh a ni.

Hetih lai hian pathumna Udinese erawh 2-1 in Lecce lakah an chak a, Milan hi point hnihin an la phak lova, hmahruaitu Juventus pawh point thum chiahin an phak lo tawh a ni. Udinese tan hian Thawhlehni-a an lakluh thar Michele Pazienza chuan inkhelh tan atanga minute 2-na lekah a club thar tan goal a khungsak nghal a. Serie A top scorer ni mek Antonio Di Natale pawhin Udinese tan goal khat a khung a, tun season-ah goal 15 a khung tling ta.

Inter Milan leh Palermo inkhel a hmuhnawm hle a. San Siro-ah vur tlak vanga field nal deuh hnuaiah inkhel mahse team hnihte hian goal an khung thei hle a. Inter tan Diego Milito chuan hat-trick a siam a, Palermo tan Fabrizio Miccoli chuan hat-trick a siam ve bawk a, 4-4 in an inhnehtawk a ni.

Inkhel dangah Cagliari chuan 4-2 in Roma an lo hneh a, hneh loh nei lova game ruk kal tluang mek Roma an chak lo ve ta a. Napoli leh Cesena te chu goal awm lovin an inhnehtawk bawk.

Nilai zana inkhel tur Atalanta leh Genoa, Bologna leh Fiorentina leh Siena leh Catania te chu vur tla nasa avangin an khel thei lova. Tun kartawpah pawh hian khawchin an puan danin Serie A match thenkhat hi chu an khelh theih loh hmel khawp mai.

You May Also Like

More From Author

11Comments

Add yours
  1. 3
    Koptea (Upuia)

    AC Milan hi UCL lama kan intum theih em avang khan ka han tan lo vel a, tunah erawh Serie A-ah na na na chuan ka la tan ber fan tho e…

    #3 Nia…vur tlain EPL a tibuai lo hi lawmawm angreng khawp mai..

  2. 9
    Cleverley VRT

    Tun season chu season dang ang lo takin EPL vur tlain a tibuai ve miah lo chu, Inter leh Plaermo chu den ve…

  3. 10
    ben vangchhia

    Napoli chu beisei an pha lo zel e. Anni chu Vur tlain a tibuai a nia, keini kha chu ran khuahkhirh loh vanga zan lama field/playground a riak bawng ek tam lutuk khan min tibuai a nih kha le..haha

+ Leave a Comment

Milan an chak lo, vurin Serie A a tibuai…

AC Milan chuan Serie A table-a hmahruaitu nih theihna hun remchang an neih an bawhpelh a, Nilai zan khan Lazio lakah si hnih faiin an chak lo. Hetih lai hian Serie A inkhel tur thenkhat chu vur tla nasa lutuk avangin thulh a ni.

Vur tla vangin leader ni lai Juventus (Thawhlehni zana Parma nena inkhel tur) an khel thei lova. Milan hi chak se chuan Juventus lehpel thei an ni a, mahse Rome-a Lazio an va tlawhnaah Lazio hian 2-0 in an lo hneh ta zawk a. Hernanes leh Tommaso Rocchi te chuan Lazio tan goal khungin Milan hi an lo hneh a ni.

Hetih lai hian pathumna Udinese erawh 2-1 in Lecce lakah an chak a, Milan hi point hnihin an la phak lova, hmahruaitu Juventus pawh point thum chiahin an phak lo tawh a ni. Udinese tan hian Thawhlehni-a an lakluh thar Michele Pazienza chuan inkhelh tan atanga minute 2-na lekah a club thar tan goal a khungsak nghal a. Serie A top scorer ni mek Antonio Di Natale pawhin Udinese tan goal khat a khung a, tun season-ah goal 15 a khung tling ta.

Inter Milan leh Palermo inkhel a hmuhnawm hle a. San Siro-ah vur tlak vanga field nal deuh hnuaiah inkhel mahse team hnihte hian goal an khung thei hle a. Inter tan Diego Milito chuan hat-trick a siam a, Palermo tan Fabrizio Miccoli chuan hat-trick a siam ve bawk a, 4-4 in an inhnehtawk a ni.

Inkhel dangah Cagliari chuan 4-2 in Roma an lo hneh a, hneh loh nei lova game ruk kal tluang mek Roma an chak lo ve ta a. Napoli leh Cesena te chu goal awm lovin an inhnehtawk bawk.

Nilai zana inkhel tur Atalanta leh Genoa, Bologna leh Fiorentina leh Siena leh Catania te chu vur tla nasa avangin an khel thei lova. Tun kartawpah pawh hian khawchin an puan danin Serie A match thenkhat hi chu an khelh theih loh hmel khawp mai.

You May Also Like

More From Author

+ There are no comments

Add yours