Mimal chanchin : Mario Balotelli

1990 August ni 12 khan Italy rama Palermo khuaah a lo piang a. A laiah hming chu Mario Barwuah (Baruah! a va vai hming ve!!) Balotelli a ni. Tunah hian England leh khawvela club hausa ber zinga mi Manchester City-ah a khel mek a, he thu ziah lai (3.1.2012) hian, tun season-ah Manchester City tan hian match 21 a khel tawh a, goal 13 a khung tawh. Kum 21 a upa a ni chauh va, field chhungah lehlam pawl defender-te tana a hnawksak ang bawkin field pawnah a buaipuiawm bawk a, a chanchin hi sawi tham a awm der tawh.

Football kalkawng:
Lumezzane club-ah professional football a khel ṭan a. Match hnih a khelh hnuah FC Barcelona-ah a trial a, a tling lova, 2007 khan Inter Milan a zawm. Roberto Mancini hnuaiah a che tha thawkhat a, mahse Mancini hian Manchester City a pansan hnuah a nungchang mawi lo a chhuak fo va. Coach thar Jose Mourinho hnuaiah hrem a tawk nual. 2009 January thla khan Inter first team aṭangin paihchhuah a ni a. 2010 ah chuan Italian TV show pakhatah Inter hmelma hlun AC Milan jersey ha chungin a inlan a, Inter fans ngei rawn a hlawh hle. 2010 August thlaah Mancini chuan Manchester City-ah a lalut a, hetah pawh hian player thawm na tak a nihzia a lantir chhunzawm zel. City-a a luh chiah hian Italian national team-a khel tura thlan a ni.

Ghana atanga pem an nih avangin Under 15 leh Under 17-ah Italy ram tana khel tura thlan a ni ngai lova. Kum 17 a tlin hma hretin Ghana senior tema-a khel turin an ko a, mahse Italy tana khel thei a nih huna khelh a duh thu sawiin a khel duh lova. 2008 August thlaa Italian citizenship a neih hnu lawkah Italy U-21 team-a khel turin koh a ni a. 2010 World Cup zawh hnu lawk khan Ivory Coast nen friendly an khelh tumin Italy Senior team tan a khel leh a ni.

Fahrah Balotelli:
Ghana atanga Italy ram mawi Sicily-a Palermo khuaa pem Thomas Barwuah leh Rose-te fapa Balotelli hian a naupan laiin pumpui natna a vei a, zai a tawk nasa hle. A hrisel loh avang leh an chhungkua an retheih avangin a nu leh pate chuan 1993 khan Francesco leh Silvia Balotelli-te chu enkawlsak turin an ngen a. A lo leikang a, footballer hmingthang a nih chhoh hnu hian a nu leh pa dik tak hian an hnena a awm leh theih nan an bei nasa hle a, mahse amah (Mario Balotelli) hian a nu leh pate chu, ‘Ropuina um’ tiin an bulah a awm duh lo. Balotelli chhungkua hian dan ang taka an lak (adopt) loh avangin Italy khua leh tui a ni thei lova, kum 18 a nih kum, 2008 August ni 13 khan Italy khua leh tui nihna pek a ni chauh.

U leh nau dik tak (biological siblings) pathum – Abigail, Enoch leh Angel te a nei a. Amah aia kum 2 a nau, a unaupa Enoch Barwuah phei chuan nikum (2011) December thla khan Stoke City-ah khelh tumin a trial ve nghe nghe a ni.

Player buaithlak:
Goal a khung thei em em a. Inter-a a khelh hnu hian Serie A ah goal a khung nual hnuin Champions League-ah 2008 November thla khan Anorthosis Famagusta nen 3-3 a an in draw tumin goal a khung a. Kum 18 leh ni 85 a upa a ni a, Champions League-a goal khung thei naupang ber a ni. A season khatnaah hian Inter chu Sere A ah a zawna a vawi 4 nan an champion a. Mahse season hnihnaah hian Jose Mourinho nen buaina an nei lian chho ta hle a ni.

2009 January thla khan Mourinho chuan Balotelli chu training-naah a ti mai mai deuh tiin a sawisel a. “Ani ang naupangin Figo, Cordoba leh Zanetti-te aia training tlem zawk a tum reng mai hi ka hrethiam lo,” a ti a. November thlaa Roma nen 1-1 a an in draw tumin Mourinho hian a player-te a sawisel chiam a, Balotelli phei chu a hminga sawilangin, “Khel lo ang vel a ni,” tiin a tangkai lohzia a sawi a. Senior player engemawzatin a mizia an ‘ei’ loh thu an sawi a. 2010 March thla a lo nih chuan, Italian TV show pakhat – Striscia la Notizia (Fiamthu mei-nei programme) ah AC Milan jersey ha chungin a inlan a, a hnuah ngaihdam dil leh mahse fans tam takin an ngaidam thei lo.

Hemi hnu hian, April ni 20, 2010 ah Barcelona nen Champions League semi-final an khelh \umin, Inter fans, amah au-eltute elsen nan a jersey a phelh a, lei vawm nan a hmang a; Inter fans-te chuan khawih an tum a, an buai nasa teuh hle.

Manchester City-ah a lut a. 2010 chhunga Europe-a U-21 player tha ber lawmman – Golden Boy Award a dawng a. He Award dawng tawh zingah Lionel Messi chiah amah aia tha an awm thu a sawi kher a! He Award dawng thei tura thlan ve, amah aia vote tlemtea hmu hniam zawk, Arsenal player Jack Wilshere chu a hriat loh thu a sawi bawk a, a ngeiawm thiam hle!

Manchester City a zawm hnu lawkah car chetsualnaah a hming a lang nghal a. An chetsual lai hian pound 5000 lai mai a lo ak a, Police-in an zawh chian chuan, “Ka hausa em alawm,” a ti vel niin an sawi!

A In luaha halpuah a hal chiam te, training-naa a team-mate-te nena an buaina te chu a lar em a, sawi belh tawh lo mai ang.

Thil tha titu:
Sudan ram chhim lam khaw pakhat – Cuey Machar-a Secondary School tan Balotelli hian tun hnai khan sum a thawh a. Hemi avang hian he School-ah hian ‘Mario Balotelli Wing’ siam a ni dawn.

Sudan hel pawlin a naupan laia ral do tura an man luih Kon Kelei-a’n ama nun behchhana film a siam, ‘The Silent Army’ a en hnuah Balotelli hian Kelei hi a be pawp a, Sudan ram tana a thahnemngaihnain a hneh em avangin he School tan hian sum a thehchhuak ta niin amah (Balotelli) hian a sawi.

December 2011 khan Manchester khawpuia a chenna bula Biak Inah kalin, pound 200 a va thawh a, chumi hnu lawk chuan intihhlimna hmun (Pub) ah kalin lehin, ‘Mas thilpek atan he Pub-a awm zawng zawng tan zu pound 1000 man a lei leh vel!

Mei zu mi:
Infiami dang ang lo takin Balotelli hian meizial a zu teh tlat a, hei hi City manager Roberto Mancini pawhin a hriatpui. “A zu tam lova, ni khatah tlawn 5/6 bak a zu lo. Nghei thei se chuan \ha ka ti a, mahse nghei luihtir turin a pa ka ni lo. A pa chu ni ila a mawngtamah ka pet pawp tawh ngei ang,” tiin Mancini chuan a sawi.

Manchester City manager Mancini chuan Balotelli nungchang chu a hriattthiam loh thu leh amah bik be tur hian tawnglettu hran lak hial mai a duh thu a sawi a, “A bulah pawh – ‘Engvangin nge buaina apiangah i lo awm ve ziah?’ ka ti a. Ani chuan, ‘Ka ni lo, buaina thlen lai hi ka muthilh lai te a ni thin,’ tiin min chhang. Mi mak a ni a, mi tha tak a ni, mahse ka hrethiam thei lo. Player ropui a ni a, a thiamna leh theihna hi a hrethiam lo. Wayne Rooney leh Cristiano Ronaldo te angin talent a nei a, mahse anni angin a fing ve lo. Anni hi chuan an inkhelh hun chhung rei lohzia an hria a, Mario hi chuan kum 40 a nih hmain a hria ang e maw?” a ti.

37 thoughts on “Mimal chanchin : Mario Balotelli

  1. Pingback: Samsara Market
  2. Pingback: forum
  3. Pingback: xe88 apk
  4. Pingback: cbd
  5. Pingback: forum
  6. Pingback: taipan qq
  7. Pingback: con heo dat
  8. Pingback: 카지노쿠폰
  9. Pingback: 온라인카지노
  10. Pingback: แทงบอล
  11. Pingback: Estate Agents Nw10
  12. Propecia Ingredients Cialis Generique Fiable Tadalafil Online Mastercard levitra cheap accutane online australia What Pills Are Good To Get High Off Of Finasteride Propecia Precio

  13. Viagra Prescription Buy Avanafil Online Levitra 30 Mg viagra Want To Buy Shipped Ups Dutasteride Visa Medicine Can Amoxicillin Ca Use Urticaria

  14. hehehe,..kalo sawi chianglo deuh a ni.. A script lai bik chauh ania ka sawi chu. A thawnthu khi khi aia ngaihnawm zok khian ziak se ka tih na ni e.. 🙂

  15. Haha! Thuziak thiamin ziak se Oscar an dawng ang maw? :D.. Nia, film-ah te an siam chuan a dawn theih tak alawm … 🙂

  16. Thankz 4da link.. Chuan Balotelli chanchin hi khawvel footballer te xinga ka hriatchak ber a ni thin bawk.. A nungchang hian kan thianpa minti hrechhuak xok thin. Tiang sual deuh anga lang hi thian te lakah chuan an felin an rinawm duh tlangpui. A chanchin hrim2 hi thuziak thiam deuhin tlem belhin han ziak tase Oscar award a dawn nual ka ring tlt… post tha tak a ni (kan ti leh hram teh ang).

  17. @Dustin, ka lawm e. ‘U Zaia’ i ti kher hi ka lawm zual. Mizo inkoh danah kan ‘u’ rualte ‘u’ mai te, kan rualpuite chu an hminga koh maite hi tihdan phung a ni a. Mahse tunlai kan intihphungthlukna vel hian hei hi kan tibo zo tawh. Ka rualpuiin, ‘Pu Zai’ min ti te, ka chhang rualin, ‘Pu Zai’ min ti te hi hriatthiam loh chang ka ngah mai 😀

    Chuan, Balotelli-te hi mingo ngei an ni e. Barwah chhungkua hian an fapa an kawl luih tlat chungchangah hian Balotelli-te nupa hi an sawisel ve nasa mai. Hemi link-ah hian kal la, thu ngaihnawm deuh chhiar belh tur a awm, Mario naupan lai thlalak pawh a awm a nia – http://www.dailymail.co.uk/sport/football/article-1300427/Mario-Balotellis-double-life-The-bitter-family-feud-haunts-29m-Manchester-City-target.html

  18. @Zaia (U Zaia), last para khi ka duh ltk.. Chuan i thu ziah hi a tluangtlam a chhiar a nuam thin, hei hian tawngkam i thiam zia a tilang chiang khop mai. Chuan, amah latu Francesco leh Silvia Balotelli tehi mingo nge mihang annih i hre zen lo maw??? (ka hrechak leh tlat pek mai )

  19. Comment-tute chungah ka lawm e. @Ahruaia – ka chhut sual i ‘edit’ leh miah lo 🙁 I sual em mai …

  20. chhiar a nuam hle mai…..Mi ngeiawmthiam ve tak chu ni he pa hi chu…a tha nasa mai bok si a…..Coach ten an enkawl thiam leh thiam loh ani tawp tawh mai….a la ropui ngawt ang…

  21. Player tha tak a ni a, a nungchang hi chu mihang dang tam takte nungchang nen a danglam vak biklo a ni ve maiah ka ngai…

  22. Post ṭha lutuk. A chhungthu a ṭhat mai bakah chhiar a nuam a, ngaihnawm thamin i rawn ziak a ni.
    Hepa hi chu han taima leh deuh se a ṭha lehzual ngei ang. A nungchang hi chu, a upa deuh ang a, a zia maithei..

Leave a Reply

Or

Mimal chanchin : Mario Balotelli

1990 August ni 12 khan Italy rama Palermo khuaah a lo piang a. A laiah hming chu Mario Barwuah (Baruah! a va vai hming ve!!) Balotelli a ni. Tunah hian England leh khawvela club hausa ber zinga mi Manchester City-ah a khel mek a, he thu ziah lai (3.1.2012) hian, tun season-ah Manchester City tan hian match 21 a khel tawh a, goal 13 a khung tawh. Kum 21 a upa a ni chauh va, field chhungah lehlam pawl defender-te tana a hnawksak ang bawkin field pawnah a buaipuiawm bawk a, a chanchin hi sawi tham a awm der tawh.

Football kalkawng:

Lumezzane club-ah professional football a khel ?an a. Match hnih a khelh hnuah FC Barcelona-ah a trial a, a tling lova, 2007 khan Inter Milan a zawm. Roberto Mancini hnuaiah a che tha thawkhat a, mahse Mancini hian Manchester City a pansan hnuah a nungchang mawi lo a chhuak fo va. Coach thar Jose Mourinho hnuaiah hrem a tawk nual. 2009 January thla khan Inter first team a?angin paihchhuah a ni a. 2010 ah chuan Italian TV show pakhatah Inter hmelma hlun AC Milan jersey ha chungin a inlan a, Inter fans ngei rawn a hlawh hle. 2010 August thlaah Mancini chuan Manchester City-ah a lalut a, hetah pawh hian player thawm na tak a nihzia a lantir chhunzawm zel. City-a a luh chiah hian Italian national team-a khel tura thlan a ni.

Ghana atanga pem an nih avangin Under 15 leh Under 17-ah Italy ram tana khel tura thlan a ni ngai lova. Kum 17 a tlin hma hretin Ghana senior tema-a khel turin an ko a, mahse Italy tana khel thei a nih huna khelh a duh thu sawiin a khel duh lova. 2008 August thlaa Italian citizenship a neih hnu lawkah Italy U-21 team-a khel turin koh a ni a. 2010 World Cup zawh hnu lawk khan Ivory Coast nen friendly an khelh tumin Italy Senior team tan a khel leh a ni.

Fahrah Balotelli:

Ghana atanga Italy ram mawi Sicily-a Palermo khuaa pem Thomas Barwuah leh Rose-te fapa Balotelli hian a naupan laiin pumpui natna a vei a, zai a tawk nasa hle. A hrisel loh avang leh an chhungkua an retheih avangin a nu leh pate chuan 1993 khan Francesco leh Silvia Balotelli-te chu enkawlsak turin an ngen a. A lo leikang a, footballer hmingthang a nih chhoh hnu hian a nu leh pa dik tak hian an hnena a awm leh theih nan an bei nasa hle a, mahse amah (Mario Balotelli) hian a nu leh pate chu, ‘Ropuina um’ tiin an bulah a awm duh lo. Balotelli chhungkua hian dan ang taka an lak (adopt) loh avangin Italy khua leh tui a ni thei lova, kum 18 a nih kum, 2008 August ni 13 khan Italy khua leh tui nihna pek a ni chauh.

U leh nau dik tak (biological siblings) pathum – Abigail, Enoch leh Angel te a nei a. Amah aia kum 2 a nau, a unaupa Enoch Barwuah phei chuan nikum (2011) December thla khan Stoke City-ah khelh tumin a trial ve nghe nghe a ni.

Player buaithlak:

Goal a khung thei em em a. Inter-a a khelh hnu hian Serie A ah goal a khung nual hnuin Champions League-ah 2008 November thla khan Anorthosis Famagusta nen 3-3 a an in draw tumin goal a khung a. Kum 18 leh ni 85 a upa a ni a, Champions League-a goal khung thei naupang ber a ni. A season khatnaah hian Inter chu Sere A ah a zawna a vawi 4 nan an champion a. Mahse season hnihnaah hian Jose Mourinho nen buaina an nei lian chho ta hle a ni.

2009 January thla khan Mourinho chuan Balotelli chu training-naah a ti mai mai deuh tiin a sawisel a. “Ani ang naupangin Figo, Cordoba leh Zanetti-te aia training tlem zawk a tum reng mai hi ka hrethiam lo,” a ti a. November thlaa Roma nen 1-1 a an in draw tumin Mourinho hian a player-te a sawisel chiam a, Balotelli phei chu a hminga sawilangin, “Khel lo ang vel a ni,” tiin a tangkai lohzia a sawi a. Senior player engemawzatin a mizia an ‘ei’ loh thu an sawi a. 2010 March thla a lo nih chuan, Italian TV show pakhat – Striscia la Notizia (Fiamthu mei-nei programme) ah AC Milan jersey ha chungin a inlan a, a hnuah ngaihdam dil leh mahse fans tam takin an ngaidam thei lo.

Hemi hnu hian, April ni 20, 2010 ah Barcelona nen Champions League semi-final an khelh \umin, Inter fans, amah au-eltute elsen nan a jersey a phelh a, lei vawm nan a hmang a; Inter fans-te chuan khawih an tum a, an buai nasa teuh hle.

Manchester City-ah a lut a. 2010 chhunga Europe-a U-21 player tha ber lawmman – Golden Boy Award a dawng a. He Award dawng tawh zingah Lionel Messi chiah amah aia tha an awm thu a sawi kher a! He Award dawng thei tura thlan ve, amah aia vote tlemtea hmu hniam zawk, Arsenal player Jack Wilshere chu a hriat loh thu a sawi bawk a, a ngeiawm thiam hle!

Manchester City a zawm hnu lawkah car chetsualnaah a hming a lang nghal a. An chetsual lai hian pound 5000 lai mai a lo ak a, Police-in an zawh chian chuan, “Ka hausa em alawm,” a ti vel niin an sawi!

A In luaha halpuah a hal chiam te, training-naa a team-mate-te nena an buaina te chu a lar em a, sawi belh tawh lo mai ang.

Thil tha titu:

Sudan ram chhim lam khaw pakhat – Cuey Machar-a Secondary School tan Balotelli hian tun hnai khan sum a thawh a. Hemi avang hian he School-ah hian ‘Mario Balotelli Wing’ siam a ni dawn.

Sudan hel pawlin a naupan laia ral do tura an man luih Kon Kelei-a’n ama nun behchhana film a siam, ‘The Silent Army’ a en hnuah Balotelli hian Kelei hi a be pawp a, Sudan ram tana a thahnemngaihnain a hneh em avangin he School tan hian sum a thehchhuak ta niin amah (Balotelli) hian a sawi.

December 2011 khan Manchester khawpuia a chenna bula Biak Inah kalin, pound 200 a va thawh a, chumi hnu lawk chuan intihhlimna hmun (Pub) ah kalin lehin, ‘Mas thilpek atan he Pub-a awm zawng zawng tan zu pound 1000 man a lei leh vel!

Mei zu mi:

Infiami dang ang lo takin Balotelli hian meizial a zu teh tlat a, hei hi City manager Roberto Mancini pawhin a hriatpui. “A zu tam lova, ni khatah tlawn 5/6 bak a zu lo. Nghei thei se chuan \ha ka ti a, mahse nghei luihtir turin a pa ka ni lo. A pa chu ni ila a mawngtamah ka pet pawp tawh ngei ang,” tiin Mancini chuan a sawi.

Manchester City manager Mancini chuan Balotelli nungchang chu a hriattthiam loh thu leh amah bik be tur hian tawnglettu hran lak hial mai a duh thu a sawi a, “A bulah pawh – ‘Engvangin nge buaina apiangah i lo awm ve ziah?’ ka ti a. Ani chuan, ‘Ka ni lo, buaina thlen lai hi ka muthilh lai te a ni thin,’ tiin min chhang. Mi mak a ni a, mi tha tak a ni, mahse ka hrethiam thei lo. Player ropui a ni a, a thiamna leh theihna hi a hrethiam lo. Wayne Rooney leh Cristiano Ronaldo te angin talent a nei a, mahse anni angin a fing ve lo. Anni hi chuan an inkhelh hun chhung rei lohzia an hria a, Mario hi chuan kum 40 a nih hmain a hria ang e maw?” a ti.

Leave a Reply

Or