A.F.C (Aizawl Football Club) chungchang kan ziak nasa a, hriat pawh kan hre nual tawh awm e. Tun tum chu A.F.C club chanchin ni lovin AFC Legend chanchin kan ziak thung dawn a ni.
A.F.C hi thangthar tam tak chuan club thar emaw kan ti a ni maithei. Club changtlung tak leh hlun tak thin a ni a. Kum eng emaw zat a kehdarh hnuin Mizo Football Management Group (MFMG) hmalak nain tunah hian dinthar leh a ni a. An season hmasa berah I-League final round in pet thleng nghal in, tunah hian an khel mek a ni.
Manchester United sawi apiangin Paul Scholes leh Giggs hmel a lang ang hian. Upa lam tan chuan A.F.C sawi apiangin Pu Hrangzuala hmel hi a lang ngei ang le.
Pian leh murna
Pu Hrangzuala hi November ni 10,1963 khan Vanchengpui khuaah Pu Lalkhuma(L) leh Pi Thanzauvi te fa zinga mi ni turin a lo piang a. A naupan lai atanga inkhel nasa leh a thiam pawl ni thin a ni. Kum 1970 vel khan Neihdawn-ah a thiam ber tia an sawi kha a ni thin nghe nghe. Kum 1981 khan Mizoram Armed Police (MAP) tan a khel ṭan a. Kum 1988 ah nupui neiin fa pathum an nei a. Tunah hian an chhungkuain Chhinga Veng-ah an khawsa mek a ni.
Football career
Kum 1981 khan Mizoram Armed Police (MAP) 1st Bn. ah lutin a training chhuah hnuah MAP Football Team a zawm a. 1987-ah MAP chhuahsanin A.F.C a zawm a,1992-ah PWD Club,1996-ah Dinthar FC, 1997-ah Cooperation Club zawm lehin 1998-ah Dawrpui FC a zawm leh a, football a chawlhsan thlengin a khel a ni.
Ram pawna zinna thenkhat
Pu Hrangzuala hian ram pawna a zin zat leh hmun hi a hre seng meuh tawh lova. Mahse a dairy leh thlalak atang a zinna thenkhat te chu kan han hrechhuak leh thei hram a. A hriat chinah Mizoram pawnah vawi 40 vel zet chu inkhelin a zin hman a. A hriat ang chhun chhun kan tarlang dawn a ni. Delhi, Shillong, Haflong, Mumbai, Thimphu (Bhutan), Nogong, Coimbatore, Imphal, Guwahati, Tamluk, Kohima, Silcharm Itanagar, Pokhara (Nepal), Namchi, Korba leh Chumukadema-ah te inkhelin a zin tawh a ni.
Kum 1986 khan Mumbai-ah Chawia leh Enthanga te nen India youth tana trail tura koh an ni a. Hemi tum hian Moscow-a kal tura tih an ni a mahse vanduaithlak takin India chuan Russia nena remna an duh avangin Hockey team an tir leh ta zawk a, an zin leh thei ta lo a ni.
Defender tha ber a ni
Pu Hrangzuala hi pa sang tak a ni lem lova. Feet 5 leh inches 6 bawr vel a ni a. A taksa pawh a panin en mai chuan defender anih a rinawm lem loh a ni. Attacking player pasang lo chu kan hmu fo mahse central defender pasang lo chu kan hmu khat khawpin ka ring. Mahse boruakah amah aia sang paw’n ball an lak khalh ngai meuh lova, hei hian a timing a dik zia chu a tilang chiang hle awm e.
A vanglai kha chuan defender tha ber tia hriat lar a ni a, amah aia lar leh tha kha an awm tam lo ngawt ang. Mizoram mai ni lo, N.E thleng pawh a best player ni pha a ni a. An hunlaia an sawidan takin ‘Stopper’ ti ila, a chiang ber awm e. Mahse defender anih hma hian striker leh right winger angin a khel thin thung! A teammate inhliam avanga defence-a khel chho ta niin football a chawlhsan thleng khan central defender tha ber tia sawi a lo ni ta a ni. Hei hian player talented a nihzia a pholang chiang khawp mai.
A huntawn nuam ber
Champion-na hrim hrim chu nuam a ti hle a. A bik takin 1986-a N.E Sports Festival, Imphal-a an champion kha nuam a ti zual hle a. Khami tum khan sana (watch) an dawng vek a. A khat tawkin dar engzatnge tiin an inzawt sek a ni awm e. (A sawilai hian a lunglen thu leh khami hunlai kha a ngaih thu a sawi nasa hle.)
Footballer thiam tih ber leh club tan ber
Mizo-ah S.Malsawmtluanga(Mama) thiam a ti ber a. “A skills a tha em em a, a chapo lova, a ngaihsanawm hle a ni” a ti nghe nghe. Tin, Robert Lalthlamuana pawh hi hetiang dinhmuna a din theih chhan chu a tumruhna leh taihmakna vang a ni a ti a, footballer dangte entawn atan a awt hle bawk a ni.
Khawvel ah chuan Zinedine Zidane hi thiam a ti ber a. Real Madrid a tan ber bawk a, mahse Manchester United inkhel a en hnem ber thung a ni.
A.F.C hmuhdan
A.F.C an rawn dinthar leh hi a lawmawm a tiin. “Ka buai ve em a, duh angin ka active thei lo erawh ka inthlahrung hle” a ti bawk. A rilru zawng zawnga a support thu hi lo hre turin a duh a ni.
Mizoram player hmachhawn harsa tih ber
Khualchunga (AFC & MAP) leh Muanpuia (MAP).
Hmanlai vs tunlai
Pu Hrangzuala chuan an hunlai leh tunlai inan tawh loh zia heti hian a sawi a.“Kan hunlai chuan skills-ah kan sang lova, mahse kan fitnesss erawh a tha hle thung. Skills a pawimawh tluk zetin fitness hi a pawimawh tur a ni a. Tunlai players te chu lirthei an nei fur a, practice dawn paw’n ke in an kal peih meuh lova. Keini te chu zingtin inkhelh hmain Aizawl khawchhung ke-in kan fangchhuak a, kan in fit hleih em mai” a ti.
Jeje-a leh Mizoram-a grass phah hmuhdan
“Jeje-a hi a taimain a tumruh hle a. A skills ai hian a taimakna hi a thatpuiin a larpui zawk niin ka hria a. Midang hian entawn se ka duh a ni” a ti.
“Kan hunlai kha chuan diak pal chak chak kha an vannei kan ti thin a. Tunah chaun grass-ah a inkhelh theih tawh a, a thiam leh thiam lo kar a hla hle dawn a. A lawmawm hlein ka hria. Khelh veleh pawh a chakawm khawp mai. Hmannia PWD leh PHE inkhelh tum khan min rawn sawm leh a, ka nuamsam meuh lova, ka khel thei lova. Khami tum khan damna kha pawisa chuan lei theih nise grass-ah ngei inkhel tur khan ka lei hrim hrim ang” a ti a ni.
Mimal chawimawina a dawn langsar zual te:
1. Best player – Sanjay Gandhi Memorial, Aizawl (Champion) -1987
2. Best player – Tluangtea Memorial Tournament, Lunglei (Champion)
3. Best player by Media in Mizoram, 1992-1993
Hrangzuala’s XI
Pu Hrangzuala hian an hunlaia a dream team min hrilh bawk a. I lo en dawn ang.
Mizoram chhung leh pawna ram tana a lo khelh tawhna kan hriat theih ang ang kan han tarlang ang e:
Sl. No | Kum | Hmun | Trophy Hming |
---|---|---|---|
1 |
1983
|
Nogong | IndependenceDay Trophy |
2 |
1983
|
Diphu | IndependenceDay Trophy (Champion) |
3 |
1983
|
Shillong | Meghalaya Invitation |
4 |
1984
|
Haflong | IndependenceDay Trophy (Champion) |
5 |
1985
|
Coimbatore | Na tional Santosh Trophy |
6 |
1985
|
Haflong | IndependenceDay Trophy (Champion) |
7 |
1986
|
Imphal | N.E Sports Festival (Champion) |
8 |
1986
|
Mumbai | Trial for Na tional Youth |
9 |
1986
|
Haflong | Independence Day Trophy, 2nd position |
10 |
1986
|
Chumukadema | N.E Police meet |
11 |
1986
|
Tamluk | Na tional Santosh Trophy |
12 |
1988
|
Guwaha ti | N.E Sports Festival, 3rd position |
13 |
1988
|
Guwaha ti | Bordoloy Trophy |
14 |
1988
|
Aizawl | Interna tional Friendly match vs Russian Youth |
15 |
1989
|
Guwaha ti | Bordoloy Trophy |
16 |
1989
|
Shillong | Meghalaya Invita tion (Champion) |
17 |
1989
|
Aizawl | Friendly match vs Food Corpora tion of India (FCI) |
18 |
1990
|
Guwaha ti | Bordoloy Trophy |
19 |
1991
|
Kohima | Royal Football Cup (Champion) |
20 |
1992
|
New Delhi | Durand cup |
21 |
1993
|
Aizawl | Friendly match vs Nepal Airlines |
22 |
1993
|
Silchar | M.M. Gupta Memorial Trophy |
23 |
1993
|
Aizawl | N.E Sports Festival (Champion) |
24 |
1993
|
Itanagar | Fraternity Gold Cup, 2nd Position |
25 |
1993
|
Thimphu (Bhutan) | King Jigme Wangchuk Gold Cup(BhutanKing’s Cup), 2nd Position |
26 |
1993
|
Namchi | Sikkim(Champion) |
27 |
1994
|
Aizawl | Fraternity Gold Cup (Champion) |
28 |
1995
|
Guwaha ti | Bordolay Trophy |
29 |
1995
|
Imphal | Na tional Santosh Trophy |
30 |
1995
|
Aizawl | Friendly match-Ambassadors in Sports |
31 |
1995
|
Pokhara (Nepal) | Friendly match vs Pokhara XI |
32 |
1995
|
Shillong | Meghalaya Invita tion (Champion) |
33 |
1996
|
Korba | Na tional Santosh Trophy |
buy generic cialis
cialis coupons
cialis walmart
where to buy cialis
cialis coupon cvs
cialis india
Cialis overnight shipping
Cialis online usa
Ngaihsan awm tak a ni. MI invawng fai leh taima a ni a. Tunlai players te hian entawn se ka ti tak zet zet a ni..
Ka chhiar ve chiah a, ka defender ngaihsan ber a ni asin, russian ho nena an inkhel ka en lai kha a va ngaihawm ve. Ka hmuh hun hunah ka chibai ang ka ti a, ka hmu remchang thei meuh lo zawng a nih hi
hahaha nia, a tha a ni. STOPPER dik tak a nia 🙂
kan naupan lai chuan ‘BACK ROPUIA’ kan ti thin
@rooney opa : nia, kan la tum dawn nia. kawm chak tak tak leh kawm tur hi an tam lutuk a.. tu ber hi nge kan kawm ang tihah kan buai ani hei 🙂
Good Post. A ngaihnawm hle mai. Chaltlang Pa TPA rawn ti ula ka va ti ve aw…
inti lawmawm e.. rawn post zel kan tum ang
A bengvar thlak piah lamah a ngaihnawm e, heng hranghluite chanchin hi hriat a nuam thin.
Ngaihnawm ve, Zofooty-a post awm tak ani e.
Va tha ve.. Ka hriat chak zawng tak Zofooty atangin ka hriat theih phah leh ta(m)..
Good Post… An soi lar thin bawka.. Chhakchhuak Vunga chanchin hriat a chakawm hle mai
Ngaihnawm bawn. A inkhel ka en ve thin.
@zama : nia, ziahsen a ni lo. Ka lo hmaih palh a ni e. defender tha ber tih khian a chiang maiin ka hria. Kan la rawn i zeuh zeuh ang
Good post!!! kan mizo hranghlui te chanchin hi kan hre tlem ltk a, tha ka ti hle mai. Pa zuala chu min ron dor thin a, an vanglai hi a sawi zeuh2 thin lom. A tlan chak zia poh i telh lo a.haha. tlan thei ve tak chu ani. Zama ron ti zel teh tiang hi.
@mala : chhuanawm tak a ni. Nie, 5’5″ vel a ni mai thei ni, ka chiang bik chiah lova..5’6″ bawr vel ka ti ta ringawt anih kha.
Pu Hrangzuala hi ka mi hriatchian a ni a, mi inngaitlawm tak, mahse rilru huaisen tak si a ni…Tin amah hi zuk leh hmuam, ruihtheihthil ti ngailo a ni kha a hunlaia mi te’n an tluklohna chhan pakhat chu a ni…
A hunlaia a thiante, inkhel zo Track Suit nena zu intura an kal te kha a vei hle a…”Sport dress hi a zahawm a, kan zah tur a ni” tiin a sawi thin…Amah hi 5’6” ai chuan a tawi ka ring 5’5” pawh a tling chiahin ka lo ringlo deuh.
@ hehe : tihian a khat tawkin rawn chhuah kan tum ang. kan buai ve hlawm lutuk a. Tin, anmahni pawh hian thil an lo chhihchhiah thin bik lova, duh angin information kan neitha thei lova. Next ah chuan Khualchunga AFC Striker emaw Duhawma MAP striker thin chanchin kan ziak ang.
Chhiar a manhla hle mai. 5’6” central defender chu a palian lo ve hle a nih chu, chuti chunga defender ṭha tak a ni thei chu ropui ve tak a ni. Good post
Ka mi ngaihsan ruk, mase a chanchin ka hriat hleih theih loh in rawn tarlang chu lawmawm hle mai…..mi sawi vel ringawt hi ka lo hre thin a….
A va lunglen thlak ve, Lammual a a khel lai kan en ve thin… Good post
chhiar a van nuam ve…chhakchhuakvunga te kha chu a hming kha kan naupan lai chuan kan hre ve thin a…midang chanchin pawh rawn ti chhuak zel teh u….
Imphal-a dar zat an inzawt sek lai vel khi ka mitthlain ka hmu a,an hlim tur zia chu aw…!!:-) Post tha tak a ni
Good post..player dang pawh han ti zel thei ula a lawmawm ngawt ang