Mizo te hian football kan ngaina a (kan ngaisang chiah em?), inkhel en pawh kan thahnem thei khawp mai. Kotlang coach pawh kan awm nual thin a, a hlimawmin a nuam thei hle mai.

Mizoram chhung a club hrang hrang khelh dan leh an inkhelte pawn mit a ti tlai ta ve khawp mai. Mahse kan khelh dan hi mahni inhrechiang miah lo a khel kan ang tlat. Kan tum chu kan hria, kan theihna erawh kan hre miah lo a ang khawp mai. Mi khelh dan copy a, position lo in siam chawp kan tam lutuk, hma kan sawn thei lo ang. Mi fate’n a an tih theih kha kan faten ti ve thei turah kan ngai a.. Kan tihluih tir a, kan beisei an pha leh si lo a, kan thinrim a , kan beidawng leh mai mai thin a nih hi. Kan playerte tharum leh thiamna en phawt a game plan hi kan tum miah lo a ang hle mai. Hetiang a nih chhung hi chuan eng ang pawn ground nei tha mah ila, helai kan Mizoram bak hi chu a club ang hi chuan chan a vang ngawt ang. Kan player-te’n an daih lo a an zo lo a nih chuan Full-Ground pawh hi hman kher a ngai pawn kei chuan ka hre lo. Ball kan khawih tak tak hmain kan chau chhe titih hman tlat zel. Tharum nei tha, kawh pawp a tlan thut thei (Pick-Up tha)  hi kan awm mang lo a ang tlat. Club lam enkawltute pawh hian tlan zirtir thei tur emaw tlan dan hrim hrim, tlan chhuah dawn a tha pek dan tur zirtirtu an mamawh ngawih ngawihin ka hria.