Mizo pathum awmna India U-22 team-in zaninah Dubai an pan dawn…

Estimated read time 6 min read
Pic (L-R) : David-a, Didika & Jeje-a

India U-22 camp-ah Mizo an awm thu kan ziak mai nilovin Mizo players te lipse na thlengin kan chhuah tawh anih kha. Bangalore-a training an zawh hnu khan Delhi lamah an insawn chhova. Ngawrh lehzualin training an nei a. Delhi-ah hian head coach thar Australian mi Arthur Papas chuan a hrual ve thung tawh a.  Arthur Papas hian U-22 team bakah Pailan Arrows a enkawl ang.

Bangalore lama an training chungchang chu kan ziak zing tawh a, ziak tawh lo mai ila. Delhi-ah hian Delhi XI nen vawi hnih ngawt friendly match an khel a. 4-0 leh 5-0 in an chak a ni. Didika paw’n a pet goal ve nghe nghe. Tin, Jeje-a chu a inhliam avangin coach hian a chhawr duh lova, a hahchawlh tir thung a. An match hnuhnung zawkah hian minute 30 vel chu a khelh tir  ve a ni.

Tin, sawi tawh angin Rozama chuan a thiante a haw san tawh a, tunah Sawmfela chuan vanduaithlak takin a thiante a hawsan veleh ta  bawk a. Tihian Mizo pathum – Davida-a, Didika leh Jeje-a te an la awm a ni. Zanin dar 8 hian Dubai panin an chhuak ang a, ni ruk chhung an cham ang a, friendly match vawihnih an khel ang. Ni ruk hnuah Oman-ah AFC U-22 qualifiers khel turin an kal dawn a ni.

Tunah player 28 chiah an awm tawh a. Dubai-ah players 6 an chhawk leh ang a, Oman-ah chuan player 22 chauh an hruai ang. Sawi tawh angin India hi Group A-ah an awm a. Host Oman, Iraq, Lebanon, United Arab Emirates leh Turkmenistan te nen an awm hova. India hian June 23-ah first match Lebanon nen an khel ang a, ni 25-ah Iraq, ni 28-ah United Arab Emirates (UAE), ni 30-ah Turkmenistan, July ni 3-ah Oman an tum ang.

ZoFooty chuan Jeje-a kan be fuh thei hlauh a. Tlem a zawng kan kawmna i lo tarlang dawn ila.

ZoFooty : I dam maw? Practice in bei ngawrh em?
Jeje-a : Dam e aw mahse hmana ka inhliam kha ka la dam chiang thei lova. Coach hian min duat hlauhva, ka khelh ala phal meuh lo. Practice chu kan bei ngawrh khawp mai.

ZoFooty : Bangalore-ah khan i practice ngawrh viau khan ka hre si a, i la dam chiang lo em ni?
Jeje-a : Nie, amak khawp mai. Hei coach thar Australian kan nei a. Indian coach nen chuan an inang lo khawp mai. Ka inhliam chung paw’n Indian coach te chuan min khelh luih tir thin a mahse coach thar chu a ni ve lo reng reng.  Ani chuan “Senior team-a tel a ni a, duat a ngai a. A fit hma loh chu ka chhawr lovang” a ti hmiah mai a. Player te thlavang a hauh a, a lawmawm zawk. Indian coach te’n zirtur an ngah khawpin ka hria. Delhi-ah pawh match vawikhat chiah ka la khel. Chupawh minute 30 chiah min khelh tir. Ka dam chian hma chu min chhawr a tum lo.

ZoFooty : Dubai-ah in cham rei dawn em?
Jeje-a :  Ni ruk chhung kan cham ang a, friendly match vawihnih kan khel ang . Chumi zawh chuan Oman kan pan ang.

ZoFooty :  I dam hman ang em? I khelh theih i ring em?
Jeje-a : Hei ka dam chu a ni tawh mai a. Doctor te paw’n min enkawl uluk a. Ka dam phawt chuan ka khel ang.

ZoFooty : U-22 qualifying chu a huphurhawmin i hria em? Chance in neiin i hria em?
Jeje-a : A tough dawn khawp mai. Mahse Lebanon tih te nen hi chuan U-19 level angah chuan kan intum tawk khawp a. Tuntum pawh hian coach thar kan nei bawk nen kan phur khawp mai.

ZoFooty : In game plan min hrilh thei ang em?
Jeje-a : Thei tehreng mai. 4-5-1 kan hmang ber a. Defensive midfielder pakhat hmangin, a hmaah hian mi pahnih an awm a. Striker pakhat kan hmang thung a ni. Tin, tuna kan buaina ber chu kan khelh dan ‘style’ kan thlak hi a ni. Ball kang kan inpe tawh ngai lova, ground ball-a khelh kan zir tawh thung a. Goal kick reng reng pawh kan pet chhuak luah luah tawh lova, full back te’n a sirah an pawt a, midfield-in a va thlawp a, tikhan kan khel tawh a ni. Tin, keeper paw’n ball a pet chhuak ngai meuh tawh lo. Mahse hei hi a that rualin tunah mai chuan kan defender te hi an la ‘confi’ si lova, kan tisual ang tih chu a hlauhawm thin khawp mai.

ZoFooty : Coach thar hian enge a ngaih pawimawh ber ?
Jeje-a : ‘Positioning’ hi a ngai pawimawh khawp mai. Tin, striker tam tak pet goal satliah ringawt, position dik tawk lo te hi a duh lova. Striker chuan a pet goal tur a ni mahse position dik tawk loh vanga tih goal chuan rei a daih thei lova, chuvang chuan positioning dik hi a ngai pawimawh berin ka hria. Chubakah striker tan pawh, ball hold-a midang tana space siamsak a, assist thei bawk hi a ngai pawimawh khawp mai. A tum ber chu ‘team work’ tha neih a, selfish loh a ni ber.

ZoFooty : In coach thar i hmuhdan?
Jeje-a : A tha khawp mai. Tin, min duat a, players tin te min care em em a. A bikin kei phei chu ka dam chian hma chu min chhawr a tum lova, Indian coach chu nise full time ka khel tawh ang ka ring. Tin, Indian chu kan pasang lova, ground ball khelh leh tuna khelh min zirtir dan ang hi kantan chuan a tha ber a, kan hlawkpui ngeiin ka ring. Ka duhthusamah chuan tuna kan khelh dan ang hian kan tet lai atang khan min lo zirtir tawh se kan hlawkpui viau ang. Arthur Papas ngei hian U-14 vel atang India team hi hrual se hma kan sawn hian ka ring khawp mai. Tunah chuan kan khelh dan hi players te ngei paw’n thlak har kan la ti tawh khawp mai. Kan la in ‘adjust’ hlei thei lo chu anih hi.

ZoFooty : Inkawmna hun tha min pe a, kan lawm e. Tin, in kal zelna turah pawh duhsakna ZoFooty ai awhin ka hlan a che.
Jeje-a : Keipawh ka lawm e.

You May Also Like

More From Author

8Comments

Add yours
  1. 4
    Cleverley VRT

    Sawmfela hun hi chu a va han kal chak tak em, hmani lawkah an in kawm ho lai vel kha vawi tam tak rawn post a, tunah an inthen a tul leh ta si, engpawhnise a la dam ho hian khel vek thei se ka ti khawp mai. All da best.

  2. 8
    Rs colney

    Swmfela cu van pwi ve w..coach thar khelh tir dan tur cu barca ruih alwm le,a tha daih jwk,ball kag luah2 kha cu hmuh nuam lo emy.an kal leh jelna tur ah duhsakna hlan mwlh2 e

+ Leave a Comment

Mizo pathum awmna India U-22 team-in zaninah Dubai an pan dawn…

Pic (L-R) : David-a, Didika & Jeje-a

India U-22 camp-ah Mizo an awm thu kan ziak mai nilovin Mizo players te lipse na thlengin kan chhuah tawh anih kha. Bangalore-a training an zawh hnu khan Delhi lamah an insawn chhova. Ngawrh lehzualin training an nei a. Delhi-ah hian head coach thar Australian mi Arthur Papas chuan a hrual ve thung tawh a.  Arthur Papas hian U-22 team bakah Pailan Arrows a enkawl ang.

Bangalore lama an training chungchang chu kan ziak zing tawh a, ziak tawh lo mai ila. Delhi-ah hian Delhi XI nen vawi hnih ngawt friendly match an khel a. 4-0 leh 5-0 in an chak a ni. Didika paw’n a pet goal ve nghe nghe. Tin, Jeje-a chu a inhliam avangin coach hian a chhawr duh lova, a hahchawlh tir thung a. An match hnuhnung zawkah hian minute 30 vel chu a khelh tir  ve a ni.

Tin, sawi tawh angin Rozama chuan a thiante a haw san tawh a, tunah Sawmfela chuan vanduaithlak takin a thiante a hawsan veleh ta  bawk a. Tihian Mizo pathum – Davida-a, Didika leh Jeje-a te an la awm a ni. Zanin dar 8 hian Dubai panin an chhuak ang a, ni ruk chhung an cham ang a, friendly match vawihnih an khel ang. Ni ruk hnuah Oman-ah AFC U-22 qualifiers khel turin an kal dawn a ni.

Tunah player 28 chiah an awm tawh a. Dubai-ah players 6 an chhawk leh ang a, Oman-ah chuan player 22 chauh an hruai ang. Sawi tawh angin India hi Group A-ah an awm a. Host Oman, Iraq, Lebanon, United Arab Emirates leh Turkmenistan te nen an awm hova. India hian June 23-ah first match Lebanon nen an khel ang a, ni 25-ah Iraq, ni 28-ah United Arab Emirates (UAE), ni 30-ah Turkmenistan, July ni 3-ah Oman an tum ang.

ZoFooty chuan Jeje-a kan be fuh thei hlauh a. Tlem a zawng kan kawmna i lo tarlang dawn ila.

ZoFooty : I dam maw? Practice in bei ngawrh em?

Jeje-a : Dam e aw mahse hmana ka inhliam kha ka la dam chiang thei lova. Coach hian min duat hlauhva, ka khelh ala phal meuh lo. Practice chu kan bei ngawrh khawp mai.

ZoFooty : Bangalore-ah khan i practice ngawrh viau khan ka hre si a, i la dam chiang lo em ni?

Jeje-a : Nie, amak khawp mai. Hei coach thar Australian kan nei a. Indian coach nen chuan an inang lo khawp mai. Ka inhliam chung paw’n Indian coach te chuan min khelh luih tir thin a mahse coach thar chu a ni ve lo reng reng.  Ani chuan “Senior team-a tel a ni a, duat a ngai a. A fit hma loh chu ka chhawr lovang” a ti hmiah mai a. Player te thlavang a hauh a, a lawmawm zawk. Indian coach te’n zirtur an ngah khawpin ka hria. Delhi-ah pawh match vawikhat chiah ka la khel. Chupawh minute 30 chiah min khelh tir. Ka dam chian hma chu min chhawr a tum lo.

ZoFooty : Dubai-ah in cham rei dawn em?

Jeje-a :  Ni ruk chhung kan cham ang a, friendly match vawihnih kan khel ang . Chumi zawh chuan Oman kan pan ang.

ZoFooty :  I dam hman ang em? I khelh theih i ring em?

Jeje-a : Hei ka dam chu a ni tawh mai a. Doctor te paw’n min enkawl uluk a. Ka dam phawt chuan ka khel ang.

ZoFooty : U-22 qualifying chu a huphurhawmin i hria em? Chance in neiin i hria em?

Jeje-a : A tough dawn khawp mai. Mahse Lebanon tih te nen hi chuan U-19 level angah chuan kan intum tawk khawp a. Tuntum pawh hian coach thar kan nei bawk nen kan phur khawp mai.

ZoFooty : In game plan min hrilh thei ang em?

Jeje-a : Thei tehreng mai. 4-5-1 kan hmang ber a. Defensive midfielder pakhat hmangin, a hmaah hian mi pahnih an awm a. Striker pakhat kan hmang thung a ni. Tin, tuna kan buaina ber chu kan khelh dan ‘style’ kan thlak hi a ni. Ball kang kan inpe tawh ngai lova, ground ball-a khelh kan zir tawh thung a. Goal kick reng reng pawh kan pet chhuak luah luah tawh lova, full back te’n a sirah an pawt a, midfield-in a va thlawp a, tikhan kan khel tawh a ni. Tin, keeper paw’n ball a pet chhuak ngai meuh tawh lo. Mahse hei hi a that rualin tunah mai chuan kan defender te hi an la ‘confi’ si lova, kan tisual ang tih chu a hlauhawm thin khawp mai.

ZoFooty : Coach thar hian enge a ngaih pawimawh ber ?

Jeje-a : ‘Positioning’ hi a ngai pawimawh khawp mai. Tin, striker tam tak pet goal satliah ringawt, position dik tawk lo te hi a duh lova. Striker chuan a pet goal tur a ni mahse position dik tawk loh vanga tih goal chuan rei a daih thei lova, chuvang chuan positioning dik hi a ngai pawimawh berin ka hria. Chubakah striker tan pawh, ball hold-a midang tana space siamsak a, assist thei bawk hi a ngai pawimawh khawp mai. A tum ber chu ‘team work’ tha neih a, selfish loh a ni ber.

ZoFooty : In coach thar i hmuhdan?

Jeje-a : A tha khawp mai. Tin, min duat a, players tin te min care em em a. A bikin kei phei chu ka dam chian hma chu min chhawr a tum lova, Indian coach chu nise full time ka khel tawh ang ka ring. Tin, Indian chu kan pasang lova, ground ball khelh leh tuna khelh min zirtir dan ang hi kantan chuan a tha ber a, kan hlawkpui ngeiin ka ring. Ka duhthusamah chuan tuna kan khelh dan ang hian kan tet lai atang khan min lo zirtir tawh se kan hlawkpui viau ang. Arthur Papas ngei hian U-14 vel atang India team hi hrual se hma kan sawn hian ka ring khawp mai. Tunah chuan kan khelh dan hi players te ngei paw’n thlak har kan la ti tawh khawp mai. Kan la in ‘adjust’ hlei thei lo chu anih hi.

ZoFooty : Inkawmna hun tha min pe a, kan lawm e. Tin, in kal zelna turah pawh duhsakna ZoFooty ai awhin ka hlan a che.

Jeje-a : Keipawh ka lawm e.

You May Also Like

More From Author

+ There are no comments

Add yours