Mizoram football mai ni lo Indian football tan thu lawmawm a rawn thleng leh ta ! FIFA leh All India Football Federation (AIFF) tangkawp chuan Mizoram-ah football academy a din dawn a, fur zawh hun ‘Ber’ thla lamah he academy hi hawn tum a ni tiin Times of India chuan a tarlang.
He academy hian a tum ber chu grassroot level atanga football khelhdan zirtir a ni a. Hemi chungchangah hian Mizoram Football Association (MFA) secretary Lalnghinglova Hmar chuan heti hian a sawi. “Nikum khan FIFA leh AIFF officials te chu Mizoram-ah rawn kalin football school dinna tur vel an rawn enfiah a. Anni lam hian Aizawl ah ngei siam ni se an ti a. Tlang mite hian talent leh theihna kan nei tih an hria a, hei vang hian Mizoram an rawn thlang a ni” a ti.
He academy hi kum khat chhung atan duan a ni a. A senso zawng zawng chu FIFA lamin an tum dawn a ni. FIFA lam hian coach, supporting staff leh thil tul dang zawng zawng chu an rawn tum vek dawn a ni. Kum 6 atanga kum 12 mite tana siam a ni dawn a. Heng naupang te hian International level coaching an dawng dawn a ni. African ram thenkhat chuan hetiang ang hi neih a lo ni tawh thin a, India ramah chuan a hmasa ber a ni dawn a ni. Hemi atana Mizoram an rawn thlang hi thil lawmawm tak a ni.
Lalnghinglova Hmar chuan “ Thla thum chhung training neihpui an ni ang a. Batch hmasa berah hian naupang 50 bawr vel lak an ni ang a, kumin September thla atang hian tan tum a ni. Tin, he football academy hi kum khat hnuah pawh FIFA in an support tawh lo a nih pawhin MFA lamin a kalpui chhunzawm dawn a ni” a ti bawk.
Kan hriat theuh angin Mizoram football hi hmuh theih khawpin a thang a.India senior team-a khel pha lah Didika leh Jeje-a kan nei tawh a. Age group hrang hrangah lah Mizo te captain kan ni fur tawh a. Tin, Mizoram ah ngei artificial turf pawh hmun thumah phah a ni tawh bawk a. Tunah FIFA hriatpui nain academy hawn a ni leh dawn a. Hei lo liama hmasawnna leh lawmawm hi a awm dawn chuang em ni.
(Hemi chungchang hi MFA lama hruaitute hnen atang thuchiang zawk hriat tum mek ni a. Post tharah kimchang zawkin chhuah leh tum a ni.)
5 mg viagra
Buy discount viagra
inkhelh tui lo mah ila thu lawmawm tak a ni. “I never graduated from the road to the playgroud” ti thin kha ka nia 🙂
Chhiar ava nuam ve..Mizo tlangval ngei BPL a ankhelh huntur ka mitthla in ahmulawk viai viai !…
Heeiiha, kum lamin min lo liampui hman chu awww. Chubakah,lo zakzumlo deuh ila chuan ka fapa hi a lut ve hman awmsia.
hruaitute a ngaihna hria an om chuan thil hi a kal dik thlap jel,lomom hle mai
A va han ropui miah2 em ve le!! Academy a lut tur in Minister lehkha tih ang kha chu a ngai em lo ang chu maw hihi.. a thiam thiam, a phu2 kha han lut teh see.. hmasawnna a zuan in a zuang dawn!
naupang that leh a van cak om thin veeeeee
Lawmawm hle mai. A awihawm loh rum rum hial alawm le.
Good post tra ltk. Chhiar a nuam mah mah tlats. Hehe
kum 6 tanga kum 12 anih chuan ka lut ve phak lo chiah chiah, FIFA te meuhin Mizoram ah ngei academy ahan din chuan, thu lawmawm tak ani lo thei lo.
Kan lawm tlang bawk ani ang e, comment chhiar a ngaihnawm thei hle mai
Kagawa aia bawn tur kan hmuchhuak ang chu le…
Ne lwmwm khp mai,cunga mite swi ang khian kn lo piang hma nie,fapa tal lo nei hman turin kn hwiharh roh bwk silo
Hei bak2 a mizoram football tana thu lawmawm awm chuang mawn le!Kei pawh naupan that leh ka chak khawp mai.mizo naupagten an vanneih zia hria in theihtawp chhuah mawlh teh se.Tin,MFA hian thingtlang lamah a lut turte hi zawng ve se la a duhawm khawp mai.
A va ropui em!!!!! A ropui ka tih lai tak chu ” he football academy hi kum khat hnuah pawh FIFA in an support tawh lo a nih pawhin MFA lamin a kalpui chhunzawm dawn a ni” tih lai hi min hmu Anti-MFA bawk a……..
Hei tluka chanchin lawmawm…
A va lawmawm ve ..nopang that leh ka vahan chak tak em…. artificial grass ah mah fit awk a inkhelh chakom tawh nak alaiin..FIFA academy mizoram ah om leh zel dawn a maw..kalo piang hma deuh a ni.Football hian Mizoram chu a sawinghing ber a nih hi
@Ahruaia : Nia, ZIdane te hi rawn kal nulh se tha ang 🙂
@rema : i 1st teuh hle mai a. hehe A dik chiah, african ho pawn an theih chuan kan naupang te hian an thei ve tur hi a ni tawp mai
1st na-
Va lawmawm dawn ve.., kan naupang talent nei tha tak tak hi han haichhuak teuh teh se. Africa ramah mahah footballer tha tak2 an chhuak a, engvanginnge kan chhuah loh bik ang???
A va ropui dawn ve.. Ambassador ah ZIdane te rawn hmang se tha ang,,hehe