Mizoram football in hma a sawn dawn chuan hma la thei tu ber chu MFA hi a ni a. Chutiang chiah chuan Mizoram football ti thuanawp thei tu chu MFA tho hi a ni. Kum 10 liam ta chhung khan Mizoram in Football ah nasa takin hma a sawn a, Age Group Level (National U-16, Subroto U-14, U-17) ah te kan Champion a, kan players te pawn football vangin phai lam an pan sup sup bawk a, kan players thenkhat te National team ah te an lo tel bawk nen, Mizo te zingah football chuan hma a sawn kan ti lo thei lo a ni.
MFA in engnge a tih ve le?
Players thawnchhuah kawngah hian MFA chu an pawimawh tehmeuh mai. Mahse kan players te thiamna pe tu tak chu Sawrkar lama kan football coach te niin a lang a. Coach ten theihtawp chhuah a, an lo zirtir thiam tawh sa te kha MFA lam chuan players thar hmu chhuak ah inngaiin an lo in chhuan pui ve em em bawk a. Pawl lian ve tak inchhuanna atan chuan ava beitham em!!!
Kan players tha te an chhuah tam avangin kan Local League pawh a tlahniam hret hret a, thi si lo dam si lo ah an chhuah ta der mai. Chutihlaiin Mizote zingah football a thi thei lova, veng leh veng inelna erawh Lammual khatin entu an awm thei reng bawk a. Hei hian football lama tuimi te tan beiseina nung a la awm tir hram hram a ni.
MFA in hruaitu thar an nei e!!!
Tunah MFA hian hruaitu thar an nei a, hei hian football tuimi ten an chungah beiseina lian tak an nei a. Lammual Thar Lawmna Inkhel kha hruaitu thar siam a ni a, a hlawhtling thawkhat ah a ngaih theih. Amaherawhchu hei vang hian hruaitu thar te hi fak ka tum miahlo thung. Hetiang ang chi (Charity Match) hi chu hruaitu hlui te pawn an ti thei a, a hlawhtling tlangpui a ti theih. Amaherawhchu hruaitu thar chungah hian ka beiseina a sang a, Club lian Lajong F.C leh Royal Wahingdoh te Mizoram ah an chah luh dawn avangin, bul pawh an tan tha in ka hria.
Lajong F.C leh Royal Wahingdoh Mizoram-ah!!!
Hei erawh hi chu a ropui ka ti khawp mai, hotel te kan neih that hunah phei chuan hei aia team tha zawk te pawh an la chah lut turah ngai ila. Heng club pahnih te hi Friendly Match khel tura lo kal chu nise ka ngaihhlut dan hi a nep deuh ngei ang. Mahse Independence Day Celebration Football Tournament khel tura lo kal anih miau avangin, MFA hnathawh hi a ropui ka ti takzet a ni.
MFA hruaitu thar te chungah beiseina eng kan nei a, an thil tih that lo fak tur leh an thatlohna siam tha thei tura thurawn lo pek hi Zofooties te kan tih tur niin ka hria. Mizoram Football siamthat hi tuma kutah i dah bik lovang u. Part-II ah MFA insiamthatna theihna tura ka ngaih te ka rawn ziak leh dawn nia.
cialis price costco
cialis 20 mg
cialis super active
cialis discount
Buy cheap cialis
Mail order cialis
Engpawh nise, Infrastructure tha neih phawt a ngai…..talent chu a awm mahse kha talent kha kan par chhuah tir dawn chuan mamawh tam tak a awm e. Ziak tha khawp mai, Part II kan nghak e
Post tha tak a nih hi…
Hruaitu te ringawt hi i thawh tir lo ang u. Kan theih ang tawkin tanpui ve ang u. Zofooties ho te hian.
an fakom om e pu patea te tetea pu tka te pu hruaia te mangheta pu hluna te hma lak na fakom thlot e…soi hmaih theih loh pu b.z.a kulikon lalpa hi
MFA hruaitu ten inbul tan that hi chawm nung zel teh u. A bul tan that hi a zatve zo an tih kha maw………
MFA hruaitu te tang zel teh se. tun aia nasa a tan la turin ka beisei che u a nia.