Mizoram Premier League 2012-2013
Playoff
Prospectus
Inelna hming: Mizoram Premier League 2012-2013 Playoff
A hun: July 13-July 28, 2012
A hmun: AR Lammual, Rajiv Gandhi Stadium
Team tel theite: Aizawl FC, Chanmari FC, Chanmari West FC, College Veng FC, FC RS Annexe, Kanan FC, Reitlang FC (Reiek), Theiriat FC (Lunglei).
Inkhelh dan tur: Team pariatte an inkhel kual chhuak vek ang a, a point hmu sang palite’n 2012-2013 season-ah Mizoram Premier League an khel thei ang.
Point pek dan: Inkhela a chak zawk apiangin point thum an hmu ang a, an inhnehtawkin point khat ve ve an hmu ang a, a chak loin point an hmu lo ang. Point inang hmu an awm chuan an pahnih inkhela (head to head) a chak zawk chu a sang zawka dah an ni ang. An inhnehtawk a nih chuan goal difference lak a ni ang. Team pakhat aia tam point inzat an awm chuan a sang ber tehna tur chu goal difference a ni ang.
Dan leh hrai: Playoff khel tur team-te hian an match hnuhnung ber thlengin an khel kim tur a ni a, player’s entry form-ah pawh player an dah khat vek tur a ni a, heng player-te hi khelmualah an inlan vek thin tur a ni. Dinhmun a chhiat deuh hnua inlan lo team an awm a nih chuan MFA hnuai khawi hmunah pawh registration an ti thei tawh lo ang. Dan leh hrai tarlan bak zawngah MFA Technical Rules 2009 (fifth Edition) hman a ni ang.
Match Day Programme: Inkhelh dawn niin player leh team official-te inkhelh hma minute 45-ah khelmual an thleng ngei tur a ni. Inkhelh dawn apiangin player’s entry form- ah player 20 leh official panga ziah luh tur an ni. Official zingah hian coach leh physio tura certificate theh luhte an thu tel ngei tur a ni. Playoff khel tura registration tifel lo player reng reng an inkhel thei lo ang.
Manager’s Meet: July 11, 2012, 3:00 Pm @ MFA Office, City Park, Khatla
Note: (1) Khelmual a remchang lo thut a nih chuan, inkhelh hun leh hmunte hi MFA Technical Committee-in a tidanglam thei ang.
(2) Players leh team official-te’n match official-te an zah tur a ni a, mawi lo taka che an awm a nih chuan MFA Disciplinary Committee-in an chungchang a ngaihtuah ang.
Sd/-
(PC VANLALHRUAIA)
Chairman, Technical Committee, MFA
cialis savings card
cialis coupon cvs
viagra on line pricing in canada
viagra no rx required
Kanan FC ah hi kan tran teh ang 🙂
ka en chakkkkkk
Aizawl FC hi an tling dawn tlata hriatna ka nei. Aizawl pawn team pahnihte hi tling bok se, a tihlu lehzual ang.
Hmalatu MFA bakah club hotute an fakawm hle mai.
A va ngahhlelh awm tawh ve le. Aizawl ka haw hman dawn chiah chiah a. Ka dam anih phawt chuan ka en vek ang 🙂
Ok… Zara te in han che tak tak anga, kan beng a var leh hawk hawk mai dawn a ni. Nuam thin mange… Inkhel en leh chur chur mai ang aw..
@MIZO
A rang lamin rawn tih kan tum dawn nia, tunkar chhung chuan post hman vek turah ngai ang.
Team thenkhat Player la hriat loh ho te hi MFA-a player list an submit atangin a hriat theih hlawm tawh lo em maw ni le. ZoFooty lamte han che teh u. Kan hre chak tawh a nia.
Tha dawn e. Kan nghahhlelh chu a thawm mai ni lo, a tak hmel kan hmu dawn tan e. Hmalatute fak mai loh chu tih theih kan nei rih lo.
Ka tan nge in tan chak ang le aw.