Mizoram team a chiang ta


Mizoram Football Association chuan 71st NFC for Santosh Trophy 2016-17 qualifying-a Mizoram aiawh tur a tichiang ta a, manager chu ZoFooty admin Lalthanzama Vanchhawng a ni. Chhinga Veng tlangval Zama hi ZoFooty zirchian danin Mizoram senior team manager ni tawh zinga naupang ber a ni.
Mizoram team hian January 2 zingah Aizawl an chhuahsan ang a, January 4-ah Tripura an hmachhawn ang a, January 8-ah Manipur an hmachhawn leh ang.

Mizoram Premier League Season 5-a Chanmari FC champion puitu Lalsangzuala Hmar-in Mizoram team hi a ho dawn a, AFC B Licence holder coach Sanga hi club lama amah puitu Anand Gurung bakah Bethlehem VT FC physiotherapist Ramtharzuala ten an ho bawk ang.

Mizoram team-ah hian goalkeeper pathum, defender pasarih, midfielder pasarih leh forward pathum thlan an ni a; phai lam club atanga sawmna hmuh vangin MPL best player leh best forward Malsawmfela, best midfielder Lalruatfela Zote leh top scorer Laldampuia te chu koh an ni lo a, I League khel tur Aizawl FC player-te an tel lo bawk.

Player 20 zinga 14 hi Mizorama league sang ber MPL-a khelte an ni a, phai lam club ONGC leh Royal Wahingdoh atangin player pakhat ve ve koh an ni bakah Aizawl DFA first division champion leh season thara MPL khel tur Mizoram Police-in player pali an thawh bawk.

Mizoram Squad chu
COACHING STAFF

Designation Hming Club Veng/Khua
Manager Lalthanzama Vanchhawng MFA Registration Vice Chairman Chhinga Veng
Coach Lalsangzuala Hmar Chanmari FC Melthum
Assistant Coach Anand Gurung Chanmari FC Tanhril
Physiotherapist  Ramtharzuala Bethlehem VT FC Bethlehem Vengthlang

PLAYERS

# Hming Club Veng/Khua

Goalkeepers

1 F. Lalmuanawma Chanmari FC Khawbung
2 H. Lalremruata Royal Wahingdoh  ITI Veng
3 Liansangpuia Ramhlun North FC Dampui

Defenders

1 Lalrinchhana Tochhawng Chanmari FC Mamit
2 Ramfangzauva Chanmari FC Vanchengpui
3 H.Lalhlimpuia Bethlehem VT FC Lunglei
4 K. Lalmalsawma Bethlehem VT FC Bethlehem Vengthlang
5 V.Lalchhuanawma ONGC Ramhlun North
6 R.Laldinliana Chhinga Veng FC Armed Veng South
7 Lalhmunmawia Mizoram Police FC Hualngohmun

Midfielders

1 Lalrinchhana Chanmari FC Electric Veng
2 Zosangliana Sailo Ramhlun N FC Armed Veng South
3 Lalramtharmawia Mizoram Police FC Hualngohmun
4 Lalmuanzova Chanmari FC Kanhmun
5 Lalbiakhlua Mizoram Police FC Keifang
6 Israel Laldingngheta Ramhlun North FC Salem Veng
7 Jesse Laldinpuia Zo United FC  Khatla

Forwards

1 Lalsangbera Mizoram Police FC Dawrpui
2 Lalrammuanpuia Bethlehem VT FC Armed Veng South
3 Lalrammawia Chanmari FC Sawleng

India rama football hmanga state inelna sang ber Santosh Trophy North East Zone Qualifying hi January 4 atangin Shillong-ah khelh tan a ni dawn a, January 9 hian khelh zawh a ni ang. North East Zone hi group hnihah then niin Mizoram hi Group B-ah Tripura leh Manipur te nen an awm hova, Group A-ah a thlengtu Meghalaya, Assam, Nagaland leh Arunachal Pradesh an awm thung a ni.

Tun tumah hian AIFF chuan dan thar siamin Under 19 player panga tal a tlem berah squad-a awm turin dan a siam a, heng zinga pathum hi an khel reng tur a ni a, Under 19 player te hi U-19 player chauhin an thlak thei bawk. Under 19 player hi kum 1997-a piang kher an ni tur a ni a, kum 1998-a piang pawh Under 19 player-a chhiar an ni dawn lo a ni.