MIZORAMIN SANTOSH TROPHY 2020 A DAWL DAWN

India rama State leh State te football-a inelna Santosh Trophy 2020 (final round) chu Mizoramin a dawl dawn a, kumthar January 10 hian khelh tan niin January 23-ah final khelh a ni ang.

Vawiin (Zirtawpni, October 25, 2019) khan AIFF Headquarters, Football House, Dwarka, New Delhi-ah draw neih niin he hunah hian All India Football Federation (AIFF) General Secretary Mr. Kushal Das, Senior Vice-President Mr. Subrata Dutta, te bakah League Committee member Anil Kumar, Souter Vaz leh Mr. Chirag Tanna te an tel a. Sunando Dhar, CEO I-League, leh Isac Doru, Technical Director, AIFF te tel bawkin draw hi Anil Kamat, Director Competitions, AGS, AIFF chuan a kaihruai a ni.

Santosh Trophy vawi 74-na khel tur hian team 8 tling tawhin South Zone atangin team 2 an tling leh dawn a, anni hian November 5 atangin qualifying an khel ang.

NorthEast Zone atangin Mizoram leh Meghalaya an inpettling tawh bawk.

Champion lai Services chu team tha – Delhi, Jharkhand, Meghalaya leh South Zone qualifier Group A winner te nen an awmho dawn a, a dawltu leh kum 2014 a champion Mizoram chu vawi 32 champion tawh West Bengal, Punjab, Goa leh South Zone qualifiers Group B winner te nen Group B ah an awmho ang.

Team khata awm te hi inkhel kual vekin an zinga point hmu sang 2 ve ve ten semi-final an khel ang.

Santosh Trophy hi senior level a state leh state inelna ni mahse lawmman erawh beisei aiin a tam lo hle a, champion hian pawisa fai Rs. 5,00,000 an dawng dawn a, pahnihin Rs. 3,00,000 an dawng bawk ang.

(Subroto Cup-a Sub Junior boys champion te hian lawmman atan pawisa fai Rs.3,00,000 dawngin Junior Boys leh Girls champion ten Rs. 4,00,000 ve ve an dwng bawk. Best player leh best goalkeeper ten Rs 50,000 ve ve an dawng bawk).

Group A : Delhi, Services, Jharkhand, Winner Group A (South Zone qualifiers), Meghalaya.

Group B: West Bengal, Punjab, Winner Group B (South Zone qualifiers), Goa, Mizoram.

Khelh dan tura ruahman lawk :

January 10, 2020:
Delhi vs Winner Group A (South Zone Qualifiers).
Services vs Jharkhand.

January 11, 2020:
West Bengal vs Goa.
Punjab vs Winner Group B (South Zone Qualifiers).

January 12, 2020:
Meghalaya vs Jharkhand.
Delhi vs Services

January 13, 2020:
Mizoram vs Winner Group B (South Zone Qualifiers)
West Bengal vs Punjab

January 14, 2020:
Group A (South Zone Qualifiers) vs Services
Meghalaya vs Delhi

January 15, 2020:
Goa vs Punjab
Mizoram vs West Bengal

January 16, 2020:
Jharkhand vs Delhi
Group A (South Zone Qualifiers) vs Meghalaya

January 17, 2020:
Winner Group B (South Zone Qualifiers) vs West Bengal
Goa vs Mizoram

January 18, 2020:
Services vs Meghalaya
Jharkhand vs Group A (South Zone Qualifiers)

June 19, 2020:
Punjab vs Mizoram
Winner Group B (South Zone Qualifiers) vs Goa

January 21, 2020 – Semi-finals:

Winner of Group A vs Runners-up Group B
Winner of Group B vs Runners-up Group A.

January 23, 2020 : FINAL