USA leh Canada-a football league ngaihhlut ber Major League Soccer (MLS) postseason awards sem a ni ta. Los Angeles Galaxy player David Beckham chu Comeback Player of the Year a thlan a ni. Hemi rual hian Coach of the Year pawh thlan nghal a ni.
MLS kalphung dangdai tak chu
Europe-a kan league en ṭhan te zingah chuan team 20 te kumtluanin an inkhel kual a, a tawpa point hmu tam ber kha League champion an ni mai ṭhin. MLS an kalpui dan hi a dang hret a, league hi ‘Regular season’ leh ‘MLS Cup Playoffs’ ah ṭhen hran thlap a ni.
MLS ah hian team 18 awmin regular season chhung hian EPL, La Liga te ang bawkin an inkhel kual vek a, game 34 an khelh vek hnua point hmu sâng ber hi Supporters’ Shield award hlan an ni ṭhin. Hetia an inkhelh kual vek hnu hian a che ṭha 10 te hian play-off (home and away) an khel leh in, Regular Season-a 7 na leh 10 na an intum a, 8 leh 9 na intumin, a chak pahnihte hian top 6 ho nen quarter final an khel a, semi final awm lehin, a tâwpah champion ‘tak tak’ zawnna MLS Cup Final an khel ta ṭhin a ni.
Tun season MLS Cup Final hi Nov 20 ah Los Angeles Galaxy leh Houston Dynamo ten an khel ang.
Beckham: Comeback Player of the Year
Comeback Player of the Year hi season khata player che ṭha ber hnenah hlan a ni ngawt lem lo. He award hi inhliam vang emaw, buaina engemaw vanga season hmasaa inkhel tam thei lo, a kum leha rawn che ṭha (comeback) ta te hnena hlan ṭhin a ni.
Season hmasa khan Beckham hi LA Galaxy tân field chhungah a inlan tlem hle a. AC Milan-ah loan-a a khelh laia a inhliam avangin MLS ah hian game 7 chiah a khel thei a ni. Tun season-ah erawh a dang ta daih a. Tunah hian game 26 khel tawhin assist 15 a nei tawh a, LA Galaxy in MLS Cup Final an luh theihna chhan pawimawh tak pakhat a ni.
Club official, players leh media ten an thlan ṭhin Comeback Player of the year ah hian Beckham hian vote 59.8 % zet a hmu nghe nghe.
LA Galaxy coach Bruce Arena chu MLS Coach of the Year ah thlan a ni bawk.
MLS Team of the Year 2011
Team of the Year hi kar hmasa lama an thlan tawh a ni a, Beckham leh Henry te langin, kan hriatlâr zingah Landon Donovan pawh a lang bawk. Robbie Keane hming erawh a tel lo thung.
Goalkeeper
Kasey Keller (Seattle Sounders FC)
Defenders
Todd Dunivant (LA Galaxy)
Omar Gonzalez (LA Galaxy)
Jamison Olave (Real Salt Lake)
Midfielders
David Beckham (LA Galaxy)
Brad Davis (Houston Dynamo)
Dwayne De Rosario (DC United)
Landon Donovan (LA Galaxy)
Brek Shea (FC Dallas)
Forwards
Thierry Henry (New York Red Bulls)
Chris Wondolowski (San Jose Earthquakes)
source: dailymail.co.uk
cialis daily cost
buy cialis online
Cialis mail order
Buy cialis professional
A ngaihsanawm ve khawp mai. Kum 36 a ni ve tawh a, MLS Cup hi han chawi ve ngei se a lawmawm thuahhnih khawp ang le. A taimakna hi a tanawm e.
Beckahm hi chu keipawh ka ngaisang ve thlawt e,chuan ka tan tawp bawk a la thiam reng a nih hi..a khel en lo mah ila a phu ve tho ah ka ngai
ka ngaisang ve khop mai,he pa hi chu.Good post
Beckham hi chu duhawm a ni!Team of the year-ah chuan Marquez leh Angel an lang ve lo ni maw…
MLS kalhmang chu va dangdai ve, ka hriat belh hnem hle mai. Bengvarthlak lutuk ringawt ! Post tha tak a ni..
Good Post.. MLS kalhmang(Cup playoff bik) hi FIFA08 ka khelh thin atang khan ka hrethiam ve deuh reuh a. Tunah ka chiang ta uar mai. Beckham hi chu ka la duh tluang zel e..
He pa hi chu ka ngaisang thlawt…a professional hi ka ti ngawih ngawih… Good Post…he post hi a bengvar thlak khawp mai. (y)