February ni 28 atanga March ni 2 (Thawhlehni – Zirtawpni) khan hmun hran hran atranga, Chennai-a lehkhazir a kalkhawmte tan Naga hovin Football Tournament, Morung Cup an siam a, team riat chhuakin, Mizo ho pawh team hnih, CMWA (Chennai Mizo Welfare Association) ‘A’ & ‘B’ in kan chhuak ve a, CMWA ‘A’ Team chuan Final-ah United Tribe 4-2 a hnehin kan Champion a ni. CMWA ‘B’ team  hovin hian CMWA ‘A’ team an hneh loh avangin final an thleng zo ta lo thung a ni.

CMWA ‘A’ team hian, Champion tur hian Group Stage-ah Andaman & Nicober 8-0 in kan sawp a, CMWA ‘B’ Team 4-1 in kan hneh leh a, United Tribe 1-1 a draw lehin Semi Final-ah Tournament Host-tu Morung chu 4-0 a hneh lehin, Final kan lut a, Final-ah pawh hian CMWA Team hian game an thunun hneh hle a, 4-0 in hma kan hruai phawt a, players ho khelh kim tir kan duh avangin, kan thlak nual a, hun tawp dawnah goal 2 engtin tin emawni in an rawn thun ve a ni.

Chennai-ah hian Mizo zirlaite hian football-ah hian history kan nei tha ve hle a, November thla vel hian Mini International Football Tournament buatsaih thin a ni bawk a, hetah pawh hian Mizo hi champion ngun ber team kan ni, Chennai-ah chuan, hnamdang bulah pawh football vel sawi chuan, Mizo nih a nuam duh hle.

(Chennai City-ah chuan, Naga, Tibetan, Khasi etc, nula duh chuan football han hma theh la, an tlangval ho chu i dah zero nghal vek a ni mai!)

Admin: Tv. H. Lalchawimawia hi Chennai Mizo Welfare Association-a Sports & Cultural Secretary ni lai mek a ni. News min rawn update sak avangin ZoFooty chuan a chungah lawmthu kan sawi e.