Mourinho an hrem leh ta

Buaina chhumin a kian san ngai loh Manchester United manager Jose Mourinho chuan hremna a hmachhawn leh dawn ta.

Portuguese pachal hi West Ham United nen an inhnehtawk tum a a chet dan avangin technical area-a match khat thu thei lo tur a hrem a nih bakah pound 16,000 chawi tir a ni a, English League Cup quarter-final a West Ham bawk an hmachhawn hunah mipui zing atangin a naute inkhel a en a tul dawn.

Mourinho hi inkhel thununtu Jon Moss-a’n Paul Pogba a hrem danah lungawi lo in technical area-a tuium chu a pet a, hnawhchhuah zui a ni. Hei hi tun season-a FA in Mourinho an hrem vawithumna a ni bawk.