Mourinho Vs Klopp- Zosangliana Khawlhring

English football chanchin kan sawi chuan hman lai lal tih kan sawi rik hian rilruah Liverpool leh Manchester United te hi rilruah a rawn lang lo thei lo a ni. Lal hlui tih tawngkam kan hman rual hian tunah erawh Liverpool chuan a lal ram rawn awp leh a tum mek a ni a, mahse, a lal hnuhnungber kha 1990 daih tawh a mi a ni. 1992 atanaa EPL tihin hming an put tir hnuah a lal ram chu kum 26 chhung teh meuh a chan tawh a, an manager Klopp hnuaiah hian a lal thutthleng luah leh a tum mek a ni. Manchester United lam pawh an lal hnuhnungber khan Sir Alex-a ho in an ni a, Sir Alex-a chawlh rualin an lal ram chu an chan ve nghal a, kum 3 a liam ve leh ta, AN lal ram luah leh turin Special One in ti ngam Morinho chu ruai ve lehin a chhe lai siam tha tur chuan hun a la duh deuh a rinawm a ni.
.
Man Utd in manager atan Morinho kan la e tih an puan ni chuan Man Utd fans te chuan kan lal ram kan luah leh dawn tih hi an rin dan a ni. Match 7 an khelh hnuah team game, player rilru leh results mumal takin an la awm thei lova, Liverpool erawh engkim pangngai takin team an kal mek a ni. Liverpool chuan EPL team lian a kan chhiar chu a hneh deuh zel a, Man Utd chuan big match vawi khat tawngin a chak lo zawkah a tang a , tun tum hi big match vawi hnihna tur a ni a, team dinhmun inang lo tak pahnih hian engtin nge game plan an neih? tih lam hi luh chilh dawn teh ang.(Zofooty.com)
.
Klopp-a Pressing Ideology
.
Klopp hi high pressing ngaina tak a ni a, Liverpool team a enkawl hnu pawh hian pressing tha takin a la neih pui thei zel a, High Press, Counter Press, Aggressive Press tih thumal pathum hian sawi hrang mah i la, an vai hian pressing tih a ni vek a ni. Pressing tih awmzia kan chian erawh a ngai ang.
.
Football match khatah hian Pressing, Defending, Counter Attacking tel lo chuan chak zawk nih a har khawp mai. Tunlai football manager tha te chuan hetiang system vek hi an hmang a, Pressing leh Defeheing an khelhtir dan erawh a in ang lo. Pressing tih chu ball kan chan loh hian lehlam pawl te ball pekna tur dan chah vek tum ti i la, tawi fel tak a sawi fiah dan a ni mai ang chu. Hetiang a pressing kan siam that chuan lehlam pawl tan tih tur pahnih chiah an nei a, Long ball pek emaw, goal keeper pass chauh an ti thei thin a ni. Pressing kan tih dan a zirin normal pressing leh aggressive tihin kan then hrang thei ang.
.
Pressing kan pekdan a zirin Counter Pressing leh High Pressing tihin kan then hrang leh ang. Lehlam pawl awmna, final third zone thleng pressing kan pek chuan High Pressing tihin kan sawi ang a, kan lamah ball lehlam pawlin an chan in Pressing kan pek dan chu Counter Pressing a ni. A fiah zawk theih nan Defensive Transition atanga lehlam pawl Offensive Organization chu Pressing kan pe a ni deuh ber mai. Attacking play dawn hian uluk takin defence atangin an tan thin a, chu tiang ang a khel thin te chu High Pressing pek a fuh tlangpui a ni.( EURO 2016 Spain Vs Italy match ah kan hmu, Italy khelh dan). Liverpool match tam zawk ah leh, Tottenham in 2-0 a Man City an hneh khan kan hmu thei bawk ang. Ball kan chan vat theih nan lehlam player te chu chetna hun siam loin Press kan nei ang a, chutiang chu Klopp a tactic a ni thin.

.
Mourinho-a Compact leh Quick Counter
.
Manchester United manager Morinho erawh High Pressing lam hi a tuina lam a ni ve lova, a tul viau hunah chiah Pressing a tih tir thin a ni. A tlangpui a thlir chuan Defending a hmang tam zawk. Quick Counter Attacking hmang hian hmelma te chu a tuk dawl thin a ni. A larpui hle bawk. Morinho hian High Pressing hi engvangin nge ka ngainat ve loh tih chuan chet sual a awl em vang a ni. High Pressing an neih chuan team pumpui an chesawn vek a, Compact ni tur a, Position hi a darh vek thin vang ani. Hetiang a an tlan darh vek hian a hun takah an inrem khawm leh hman loh chuan result in a tuar ngei ngei dawn tih a chiang ani.
.
Morinho chuan 4-2-3-1 hi nghet takin a hmang thin a, EPL first match ah Pogba leh Fellaini te chu No 6 role( Double Six) ah a hmang a, match thum thleng harsatna an nei lo. A fuh tawk lohna chu Man City an khelh khan kan hmu a, a khelhah leh goal ah an hneh lo a ni ber mai. Pogba hi defensive player diktak a ni lova, lehlam final third zone thleng a kal thin avangin Pogba leh Fellaini inkar a zau tak chu an hnawhphui thei lo a ni. An hnawhkhah zawh loh chuan, Man Utd Defensive Transition hi an hlawhchham tihna a ni. Quick Counter Attacking dawn in Attacking Transition ah Fellaini ball a sem chhuak muang em em a, Rooney hnenah ball a thlenin a lo muang leh thin bawk nen Morinho larna ber Quick Counter Attacking hi an that pui vak lo a ni.
.
Morinho hian Inter Millan a enkawl lai khan Barcelona a hmachhawn dawn a “Barcelona hi Pressing nei a, ball chuhsak kan tum chuan a fuh dawn lova, ball chan tam kan tum ve lo ang, Ball laksak kan tum na lamah position kan hloh vek dawn a, position kan hloh duh loh avangin ball chan tam pawh kan duh lo. Ka player te hian ball hmangin hnehna chan kan tum a ni. Chuvangin kan team te chu ka rem nghet em em a, engtin pawhin passing game rawn play se goal zawn a thlen loh nan pui takin ka lo dang mai a ni” tiin a game plan a sawi fiah a ni.
.
Mourinho hian defence Compact hi a duh a, tun a a defender neih te atang chuan a la har deuh dawn a ni. Pogba hnen atang a theihna tak tak a la sawr chhuak zo lo a, Defensive Transition, Attacking Transition a awlsam zawk theih nan 4-1-4-1 emaw Pseudo 4-3-3 hmang lehin Pogba chu attacking midfield vei lamah hman hi a fuh a rinawm. A team hlui a a khelhthiamna ber a ni si a.
.
4-3-3 an thatpui a rinawm na chhan chu Man City an khelh khan second half ah a chiang reng a ni. Mkhitaryan leh Ligard te thlakin Herrera leh Rashford te an lut a, Midfielder leh attacking player te khan vawi engemaw zat Man City kha an rum thaih thei a ni. Pressing pek dan a dik a, Man City Goalkeeper pawhin short Pass pek tur nei lo khawpin an siam thei ani. Pep-a meuh pawhin chak loh a hlauh vangin minute 60 vel khan defensive player a luh belh tir a, Fernandinho pawh defender pali karah a in zep fo a ni. Herrera pawh starting eleven a chan tam phah a, 4-3-3 a hmang chhunzawm fuh viau dawn emaw kan tih laiin Attacking Transition ah an chak tawk lova, quick Counter hmuhnawm tak min la en tir thei lo chu a nih hi.
.
Morinho hian eng ang chiah in nge game a play tir leh dawn tih hi hmuh a ngahhlehawm a, Klopp hi chuan High Pressing hmang lehin Possession Regain theih leh a tum ngei ang. High Pressing Line ah Coutinho, Firmino, Mane, Sturridge a hman leh ngei a rinawm a, Defence line ah Matip, Lovren te pahnih chu Milner leh Clyne ten an hual leh ang a, a laiah Emre Can, Henderson, Coutinho dah lehin, a hma lamah Mane, Sturridge Firmino an awm leh ang. Coutinho leh Firmino te hi Brazil atanga thlawk haw an nih angin an chauh deuh chu a rinawm viau.
.
Morinho chuan Possession Based Philosophy hi a pawm ve lova, Klopp-a High Pressing Method chu Compact Defence and Quick Counter bawkin a hmachhawn leh a rinawm. Chuvangin Pogba kawppui tur chu Passing Accuracy tak a nih a ngai dawn a ni. A tul hunah Lob Pass, Through Pass leh Killer Pass thei a nih a ngai dawn a ni. Chutiang player leh Pogba talent inkawp chu Klopp-a High Press hi a hneh zawh ka ring tlat a ni. Chutiang khel thei tur chuan Fellaini a ni lova, Schneiderlin chuan a thei lo leh phawt a, Herrera hi Defensive Poistion leh Vision chak lo a nih vangin a rem leh lo a ni. Chutiang ti thei tur Man Untd player awm chhun chu M.Carrick chiah a awm a ni. 4-3-3 ah Carrick, Pogba, Herrera an nih chuan a tawk viau ang.
.
Liverpool Pressing hi Break duh chuan First Pass leh Second Pass neih theih a ngai dawn a, an ti thei a nih chuan Liverpool Position hi a chhe vek thei dawn a ni. Morinho pawhin Quick Counter chu Ultra Quick Counter thleng a tihsan a ngai dawn a ni. Defensive to Attacking Transition rang tak a thlak thei tur hian Morinho hian engtin nge a in buatsaih ang le? Chiang zawk a i hriat duh chuan monday zing( Sunday zan) 00:30 ah TV hmaah thu mai rawh, Current awm ngei ngei nan tawngtai theihnghilh lo la, Inkhel en nuam vek u le…